2 Korinti 6:4 - Kamano

⁴ Hakare'azama humpina Anumzamofo eriza vahe mni'none huta eriama nehune. Hakare'a knazampima ufronana kazigazi huta nevuta, maka tatafima nevuta, knazampina unefronke'za,

Anumzamofo Routage Avantafere

⁴ Hakare'azama humpina Anumzamofo eri'za vahe mani'none huta eriama nehune. Hakare'a knazampima ufronana kazigazi huta nevuta, maka tatafima nevuta, knazampina unefronke'za,

2 Korinti 6:4 Referans Kwoze

2 Korinti 12:10

E'ina hu'negu, kema nasazano, nazeri haviza hanazo, knaza fore hanio, amuho erisua knafina rama'a muse nehuna, narimpa fru hu'na hanavenia omnea knafina nemanue. Na'ankure Kraisinku hu'na hanaveni'a omanea knafina, hanavenia e'nerue.

2 Korinti 4:8

Hakare kazigati knazamo'a trentarako nehianagi, ana knazamo'a trentarako nosie, antahintahitimo'a savri hianagi tamentintia notrone.

2 Korinti 11:27

Amuho hu'na tusi'a eriza e'nerina, mago'a kenagera navura ovase'noe. Nezane tine omnegena nagazanku nehugeno, tinku enena navesine. Kukenani'a omanegeno zasimo enena nazeri haviza hu'ne.

2 Korinti 12:12

Tamage aposol vahe'mofo avame'za tamagri amunompi hunoazama kesazana, avame'zama, kagu'vazama hanavenentike eri'za erino kazigazi huno vanimo'e.

2 Korinti 3:6

Agra anazanke huno tagrira huranteno hankave tamigeta kasefa hagerafi kea hu'nea zamofo kegva hu'neta erizana e'nerune. Avompima krentenea zankura nosunanki, avamupi zanku nehune. Na'ankure Avompima krente zamo'a zamahe nefrie. Hianagi avamumo'a, zmasimu nezamie.

1 Korinti 3:5

Apolosi'a inanknahu nere? Poli'na iza'ne? Tagra eri'za vahetfa mani'no'e. Ramo hurantegeta tagra eri'zana e'neru'e. Anumzamo tagripi huvazino tamaza higeta tamentinti'a hu'naza eri'za ne' tre'ne.

Revalesen-Hufo Hu'ne 3:10

Na'ankure kagra kazigazi hunka, Nagri kea amage ante'nane. Ana hu'nanku ama mopafi miko vahe'mo'zama rehezampima ufresaza knafina, katresugenka rehezampina kagra uofregahane.

Revalesen-Hufo Hu'ne 1:9

Nagra Joni'na neramafu'na Anumzamofo kumaku'ma knama enerita Jisasinte'ma kazigazi huta magoka nevumo'na, navre'za ti amunompi Patmosie nehaza mopa, me'nere ome nante'naze. Na'ankure Anumzamofo kereku'ene, Jisasi agenkema huama'ma nehua zanku anara hu'naze.

1 Korinti 4:1

Atregeno vahe'mo'za tagriku'ma antahi ramisazana, Kraisi eriza vahere hu'za nehu'za, Anumzamofo oku'zama eri ama neha'a netre'ne hugahaze.

Hibru 12:1

E'i ana hu'negu korapama Anumzamofontema zamentintima hu'naza vahe'moza, hamponkna hu'za regagirantenazagu, tazeri knama nehia zane, kumimo'enema rugagino tazeneria zana netreta, Anumzamo'ma tagima hu'nea agamareno tragi zokagopina tagareta kazigazi huta vanune.

2 Timoti 4:5

Hu'neanagi kagra knare antahintahi e'nerinka, maka knaza fore hanifina katazana e'nerinka, kazigzi hunka Kraisintega vahera zamare anto, Anumzamo eri'zama kami'nea erizana erivgaro.

2 Timoti 2:24

Ra Anumzamofo vahemo'za kefra ovazi snaze, hianagi vahera zamesi nezmante'za, rempi hunezmi'za, hazenke huzmante'saza vahe enena agzone hu'za maniho,

2 Timoti 1:8

Hu'negu Rantimofo naneke huama hu'zantera kagzegura osuo, nagrama Agri kinama hu'nogura kagazea osuo. Hagi nagrane tragotenka knazana knare musenkerera (gospol) Anumzamofo hanavefi erio.

1 Timoti 6:11

Hu'neanagi havizampintira atrenka nefrenka, Anumzamofo vahe mani'nananki, fatgo zanke nehunka, Anumzamofo avu'ava nehunka, kmentinti nehunka, kvesi nezmantenka, hanavetinka nevunka fru hunka manio.

1 Timoti 4:6

Ama kema monopi mani'naza kafuhe'ima zamasmisunka, kagra Krais Jisasi knare eri'za ne' nemninka, hanavetinka hakare zupa kamentintifine, mono kemofo nehunka, amage'ma nentampina hagegahane.

1 Timoti 2:15

Hu'neanagi a'nemo'za mofavrema kse nezmante'za, zamentinti nehu'za, ovesinte avesinte nehu'za, mani ruotage hu'za nemni'za, zamagu'ane zamagi'ene, kva hanaza zamo knare mani'za erigahaze.

1 Tesalonaika 5:14

Nerafugate, tagra tamazeri otike hanunketma erizama e'ori zmesrama nehaza vahera zmazeri fatgo nehutma, koroma nehaza vahera zmazeri hankavenetitma, hanavema oti'nesaza vahera zmazeri hanavetiho. Ana nehutma maka vahe enena fru hutma maniho.

1 Tesalonaika 3:7

Ama'na agafare, nenfugta vahe'mo'zama knazama tamiza tatazampima unefronkeno'a, tamagrama tamentintima hu'naza zamo maka knazantifina tazeri hanavenetie.

Kolosi 1:24

Tamagriku'ma hu'na natama e'neruazankura nagra muse nehue. Na'ankure Kraisi'ma atama erimete'nea zamo'a ama navufarera natazana erivinetoanki, mono kevumotma, Kraisi avufga mani'naze.

Kolosi 1:11

Agri'a msanetake hankavereti tamazeri hankavetinketa kazikazi huta nevuta, akoheta agazone huta musezampi manigahaze.

2 Korinti 11:23

Zamagra Kraisi eriza vahepi? Ama nanekema hanuana neginagi vahe'mo'za nehazankna nehue. Nagra zamagterena tusiza hu'na Anumzamofo eri'za e'nerina, zamagterena kina nompina rama'a zupa manina, rama'a zupa kanonutira nahetere hazage'na frikante vu'noe.

2 Korinti 11:9

Hagi tamagrane mani'nena magozankuma atupahua knafina, magomofona kna ami'na nazahuo hu'na osu'noe. Masedoniati e'naza nerafu'za, atupama huazantamina namizage'na eriknare hu'noe. Nagrira naza hnazegura knazana noramuankina, henka'anena anazanke hu'na knazana ontamigahue.

2 Korinti 7:11

Keho Anumzamo'ma neramia knazamoma tagripima asunku'za erifore nehiana, tamazeri o'netigeta kazigazi huta tamagra'a tamazeri ama nehuta, antahi haviza nehuta, tamagu'afi kore nehuta, nagri'ma nagezankura tusiza huno tamavenesigeta, hanavetita havizama hu'nea vahera zmazeri fatgo nehuta, makazama hanafina fatgo zanke'za hiho.

2 Korinti 4:17

Hanki meni tagritema osi knazama fore nehiazamo'a, tagrira monafima umani vava hanunaza retro huneranteankita, knare huta monafi umani vava nehuta, knarezama omerisunazamo'a, makazana agateregahie.

2 Korinti 4:2

Hianagi tagra agazegu huno oku'a huga avu'avara nosune, vahe'mokizmi rezmatga huta zmazeri havizahu avu'avazana nosuta, Anumzamofo kegaga eriruvahe huta vahe'mokizmia rezmatga nosune. Hianagi Anumzamofo avure ene vahe'mokizmi antahizampina, tagripina tamage'zamo eama hanigeza kegahaze.

1 Korinti 9:11

Tagrama Avamumofo avimzama tamagripima negrita, amega tavufgare zama tmagripinti erisunazamo razana me'nefi? Amne osi'azana erigahie.

Romu 16:10

Kraisi eri'za tamage huno eneria ne' Apelesi musenke hunentena, Aristobulusi nompi nemniza nagara, musenkea huzmantoe.

Romu 14:18

Na'ankure iza'o Kraisima ama ana avu'avatetima avaririsimofona, Anumzamo'a muse hunetesigeno, vahe'mo'za nege'za hugnare huntegahaze.

Romu 5:8

Hianagi Anumzamo'a tusiza huno avesirantenea zama eriama hu'neana, kumi vahe mani'nonkeno Kraisina huntegeno, tagri kumiku huno efri'ne.

Aposol 20:34

Tamagratmi ko antahita keta hu'naze, ina zanku'ma nagri'ene, magoka vano nehuna naga'enema atupa'ma nehunazana, ama anazamo erifore huno neramie.

Aposol 9:16

Na'ankure nama'a kna'zama Nagri nagire'ma eri'sia zana, Nagra averi hugahue.

Aposol 2:22

Israeli vahe'motma ama kea antahiho, Nazareti ne' Jisasina, Anumzamo azeri oti'nea ne'mo, kaguva zane ruzahu'zane, avame'zana Anumzamo'a, Agripi runtanino amuno tamifina eri'zana erigeta, keta antahita hu'naze.

Luku 21:19

Tamagrama ana knazampima oti hanavetita vanutma tamasimura erigahaze.

2 Korinti 2:17

Mago'amo'za zgo erigahune, nehu'za Anumzamofo naneke huama nehzana, tagria Anumzamo hurantegeta fatgo huta huama nehune. Huama nehunana Kraisi'a tagu'afi nemanigeta Anumzamofo avure huama' nehune.

Joni 16:33

Ama'ina naneke Nagra neramasmuana, Nagripinti tamarimpa fru erigahaze. Ama mopafina hazenke zane, kasuzamo egahianagi, oti hanavetiho, na'ankure Nagra ama mopa hago agtere'noe.

Romu 3:5

Hianagi tagri fatgo osu tavu'tavazamo'ma, Anumzamofo fatgo avu'avazama eri fore'ma nehanigeta, tagra na'ane huta hugahune? Anumzamo'ma rimpaheranteno knazama tamisiana, e'i fatgo avu'ava hugahifi? (Vahe'mota antahintahire, ama'ina kea nehue.)