2 Korinti 6:10 - Kamano

¹⁰ Tasuzampi mani'nonanagi, muse huvava nehune, tamuntera omane'neanagi, rama'a vahe zmaza hunke'za feno vahera nemnize. Fenona onte'nonanagi (avamupina) feno vahekna nehune.

Anumzamofo Routage Avantafere

¹⁰ Hagi tasuzampi mani'nonanagi, muse huvava nehune, tamuntera omane'neanagi, rama'a vahe zamaza hunke'za feno vahera nemanize. Fenona onte'nonanagi (avamupina) feno vahekna nehune.

2 Korinti 6:10 Referans Kwoze

Joni 16:22

E'i ana hu'negu tamagra menina zavira netaze, hianagi Nagra henka nermagesugeno, tamagu'amo muse nehina, mago'mo ana musezana tamagripintira eri otregahie.

2 Korinti 8:9

Na'ankure Rantimofo Jisasi Kraisi asunku'zana tamagra antahi'naze. Fenone nemo'agi, tamagriku huno amunte omne nekna hu'ne, e'i anama hu'neana Jisasi amunte omnezama'afinti feno vahe tamazeri feno vahe fore hanigure.

Revalesen-Hufo Hu'ne 2:9

Nama'agna kazeri haviza nehazageno, kamunte omne'neana Nagra antahi'noe. Hianagi kagra tusia feno vahe mni'nane, zamagrama Jiu vahe mni'none nehazanagi, zamagra Jiu vahera omni'naze. Hianagi zmagra Sata naga mani'naze.

Jemisi 2:5

Antahiho, knare nafuheta, Anumzamo'a ama mopafi vahe zamavufi zamunte omane vaheku' zamentintifi feno vahere huno huhampri zamanteno, Anumzamofo kuma erisanti haregahaze huno Agri'ma avesinentaza vahe huvempa huozmante'nefi?

Hibru 10:34

Kagra kina nompima zamavrentaza vahe enena magoka zamagranena kata enerinka, miko zanka'ama erizagenka muse nehunka, zmatranke'za e'nerize. Na'ankure mevava knare fenozanka'a monafi me'negenka kagra antahinane.

1 Timoti 4:8

Hanki amega tvufa azeri hanaveti hanuna zamo'a, osi'a knafi tza hu'zana eri gahunanagi, Anumza avu'avapi (godliness) maka'za hanuna zamo'a, huhampri'negu meni mani'zampina tza nehuno, henka mani'zampinena tza hugahie.

Filipai 4:4

Hakare zupa Ramofonkura muse hiho, ete mago ene neramasmue, muse hiho!

1 Tesalonaika 1:6

Tamagranena, tagrama nehunaza tavaririta nehuta, Ramo'ma nehiankna nehutma, tamagra Anumzamofo naneke e'nerizageno, rama'a knazana neramizanagi, Ruotge Avamumo tamazeri otigetma muse nehaze.

Kolosi 3:16

Atrenkeno Kraisi nanekemo'a tamagu'afina mevitenena, miko knare antahintahireti rempi hunezamita zmazeri fatgo nehutma, Anumzamofo avontafepi zgamera nehutma, krente zgamera nehutma, mono zgamera hutma Anumzamofona tamagu'areti susu huntegahaze.

Filipai 2:17

Hianagi ana zanke hu'zama waini ofagna hu'zama korani'a tagi netre'za, kre sramna neviaza hanaza zamo'a tamentintia tamaza nehina, nagra nagu'areti musena neha'nena, tamagrane muse hugahaze.

Romu 11:12

Hagi Israeli vahe'mo'za kumi'ma hu'nazazamo, kokankoka vahetega marerisa asomura vu'ne. Trakama hu'naza zamo'a marerisa asomura megi'a vahe'mokizmia huzmantene. Hu'neanagi Israeli vahe'mo'za Anumzamofoma zmefima huomizasina, inanknahu asomu kokankoka vahe'mo'za erizasine.

Proveps-Knare Nomaniza 16:16

Knare antahi'zama eri'zamo'a golia agateregeno, ama' antahizama avesinteno erizamo'a, silva agatere'neankino hentofaza hu'ne.

1 Pita 4:13

Hianangi ana tamatazama e'neriza zankura muse huvava hiho. E'i anazamo'a Kraisi'ma atama eri'neaza nehazankino, Agrama hanavenentake masa'ane eama hanigetma, magokama muse hanaza zamofo retro huneramante.

2 Korinti 4:7

Hianagi tagra mopa kavogna hunonkeno zgo'amo mareri'nea fenomo agu'afinka me'neakna hu'none. Tamage hankevea tagritegatira nomeanki, Anumzamofontegati ne-e.

2 Korinti 2:4

Narimpamo'a tusigna nehige'na zavi netena, ama avona kreneramue. Tamarimpa tamazeri kna hunakurompage, nagrama nagu'afima navesineramantoaza antahiama hnazegu kreneramue.

Romu 15:13

Fore'ma haniguma amuhama nehunazamofo Anumzamo, miko musezane rimpa fruzana tamentintifina antevi'netena, Ruotge Avamumofo hankavefi fore'ma hanigura amuhara hugahaze.

Romu 12:15

Musema hanaza vahe'enena muse nehuta, zavi'ma atesnaza vahe'enena zavira ateho.

Aposol 5:41

Hige'za aposol nagamo'za ana kanisol naga zamureti'ma zamatre'za nevu'za, Anumzamofo avure mani'neta Jisasi agire'ma eriga knaza erune, nehu'za muse hume vu'naze.

Luku 6:21

Tamagaku'ma menina nehanamota, muse hiho. Na'ankure tamagrira Anumzamo'a tamaminigetma neramu hugahaze. Zavi'ma menima netenamota muse hiho. Na'ankure tamagra kiza regahaze.

Matiu 5:4

Zamasu'zampi mani'ne'samokizmia, Anumzamo asomu huzmantegahie. Na'ankure Agra zamazeri fru hugahie.

1 Timoti 6:18

Zamagrira huzamasmige'za knare'za nehu'za, knare eri'zamo feno zamigna hanige'za, upama hu'nesaza vahe zamaza hu'zanku nentahi'za, feno zamia retro hiho,

1 Tesalonaika 5:16

Makazupa muse hiho.

Aposol 3:6

Hianagi Pita'a anage hu'ne, silvane, kolinena e'ori'noanki, nagrama eri'noazana kamigahue. Jisas Kraisi Nazareti ne'mofo agifi, otinka vuo!

Kolosi 1:24

Tamagriku'ma hu'na natama e'neruazankura nagra muse nehue. Na'ankure Kraisi'ma atama erimete'nea zamo'a ama navufarera natazana erivinetoanki, mono kevumotma, Kraisi avufga mani'naze.

Efesasi 3:16

Nagra nunamu nehue, Agra'a mrerisa knare'za huhampri tamanteno hanave'afi tamazeri hampo'na hanigu, Agra'a Avamu vahe'mofo agu'afinka ante'ne.

Efesasi 3:8

Nagra mago'a mono eri'za (saints) vahepina, osi'tfa hu'nogeno asunku hunanteno, urefa erefa'a omne naneke megi'a vahepi huama huo huno namige'na, Kraisimpi knare'za me'neaza eriama hu'na neramasmue.

2 Korinti 4:15

Tamagri knarezanku, ama ana miko zana nehunankino, Anumzamofo asunkuzamo ra huno rama'a vahete vuno eno hania'zamo'a, Anumzamofo ra agi amino musema hunte'zamo avitegahie.

1 Korinti 1:5

Hanki Agripinti, keaga hu'zampine, antahintahizatamifina knare nehutma, maka'zampina eri avi'netaze.

Romu 9:2

Tusi'a nasuza enerugeno, tumo niamo'a nata krivava nehie.

Romu 8:32

Anumzamo'a Nemofona aze'orino makamotagu huno tamineakino, hakarezana tamigahie.

Aposol 16:25

Kenage amunompi Polike Sailasikea, Anumzamofontega nunamune zgame'ene nehakeno, ruga'a kina vahe'mo'za zanantahi'naze.

Matiu 5:12

Kaninkaha hutma muse hiho, na'ankure avamutami'amofo fenozana rama'a monafinka me'ne. Na'ankure korapara kasnampa vahera anahukna hu'za zamahe'naze.

Revalesen-Hufo Hu'ne 21:7

Iza'o ha'ma agateresimo'a ama anazantamina erisanti haresigena Nagra agri Anumza mni'nena, agra Nagri mofavre manigahie.

Proveps-Knare Nomaniza 13:7

Mago'a zmunte omane vahe'mo'za, feno vahe kna nehaze. Hagi mago'a feno vahe'mo'za, zamunte omane vahe kna nehazanagi, feno vahe mani'naze.