2 Korinti 4:6 - Kamano

⁶ E'ina hu'negu korapara Anumzamo huno, hanimpina tavimo'a remsa hino hu'nemofo masamo, tagrite emani'neno tavi'a taguafina remsa nehigeta, tagra Jisasi Kraisi avugosa negeta, tagra tusi'a msane hanavene ke'noe.

Anumzamofo Routage Avantafere

⁶ E'ina hu'negu korapara Anumzamo huno, hanimpina tavimo'a remasa hino hu'nemofo masamo, tagrite emani'neno tavi'a tagu'afina remsa nehigeta, tagra Jisas Kraisi avugosa negeta, tagra tusi'a masane hankave'anena ke'none.

2 Korinti 4:6 Referans Kwoze

Jenesis 1:3

Anante Anumzamo msa fore hino higeno, msa fore hu'ne!

1 Pita 2:9

Hianagi Anumzamo tamagrira huhampriramante'nea naga mni'neta, kinimofo prisi naga mni'neta, ruotge hu'nea naga mni'nazageno, Anumzamo'ma Nagri nagare huno hu'nea naga maninazankita, Anumzamo'ma hanimpintima tamagima huno, ruzahu msazama'arema tamante'nea so'ezama'agura huama hugahaze.

2 Pita 1:19

Ana higeta tagra kasanampa vahe'mozama hu'naza kea antahi amama nehuta tamentinti hu'none, e'ina hu'negu tamagra ana kemofona keni nehinkeno, zamagri kemo'a hanimpima tavimo remsa huno viankna nehina, nantera ofumo, Kraisi'a tamaguafinti remsa hugahie. (Nam-Ham 24:17, Rev-Huf 22:16)

Efesasi 5:8

Na'ankure korapara hanizampi mani'nazane, hianagi menina Ramofo Msafi mofavre'aza hutma, ana msafi vano hutma maniho.

2 Korinti 4:4

Ama mopafi havige anumzamo, Sata'a zamentinti nosaza vahera antahintahizamia refinetege'za, knare musenkemofo msa Kraisina Anumzamofo amema'a nonkaze.

Hibru 1:3

Ne'mofavre'amofompi Anumzamofo msazama'amo'a remsa nehigeno, Agrikna huno mani'neno, Agri'a hanave ke'areti maka'zana erigasefa huno nevuno, kumi'ma eri agruhu eri'zama eriteno, Marerisgahu Anumzamofo azantamaga kaziga monafinka mani'ne.

2 Korinti 3:18

Hianagi miko tavugosa refi'ote vahe'mota, Ramofo msazama'amo'a tagrite remsa nehigeta, kapomo hiankna huta remsa huta Agri'kna hunkeno, Ramo'a avamukino, agri msazamo'a mago'ane tagripina remsa nehie.

Joni 11:40

Jisasi'a anage huno ana ara asmi'ne, Ko kasmi'noe, kagrama kmentinti hnunka Anumzamofo hankve'a (glori) kegahane hu'na kasmi'nofi?

Kolosi 1:15

Kraisi'a onkenona Anumzamofo amema'agino, ana miko'zama Anumzamo'ma tro hunte'nea zantamimofona Agra e'se mofavre mani'ne.

Efesasi 1:17

Ana nehugeno Ranti Jisas Kraisi Anumzamo, so'e hihamu'ane msamofo Nfa'amo, knare antahi'zane, tamagu tamagesane, tamage ke'a huama hu antahi'zamofo avamura tamisnigeta Agrira antahita keta nehuta, avamupina ra hugahaze.

Joni 1:14

Ana Kemo vahe fore huteno, tagri'ene mani'ne. Agri msazama'a tagra ke'none, magoke ante'nea Ne'mo hanave'ane msa zama'a Nefantegati e'ne. Asunku zamo'ene tmage kemo'a avite'nea Nere.

1 Pita 1:12

Zamagrite'ma eriamama hiana zmagra'a zamaza nosazanagi, tamagriku knare musenkema huama hazafina, monafinti'ma e'nea Ruotge Avamumofo hanavere huama nehaze. Ankero vahe'mo'za anama huamama hzazama kesagura, tusiza huno zmavesi'ne.

Filipai 2:6

Ana hu'neanagi Anumzane mago kna huno mani'nea ne'mo, Kraisi'a Anumzankna hu'na manisnue huno agesa ontahi'ne.

Joni 12:41

Ama'i zanku'ma Aisaia'ma hu'neana, na'ankure Jisasi'a hanave'afi mani'negeno ke'negu huno, Agriku hu'ne.

Luku 10:22

Jisasi'ma nunamu huvgamareteno agafa huno kea zmasami'ne. Nafanimo makazana kegvahu hihamu namine. Mago vahe'mo'a, izane Nagrira ke'za antahiza osu'nazanki, Nefake antahine, Nefa'a iza'e, Nemofoke antahine. Nemofo'ma avesite zmavrea vahe'mokizmia, Nefana zamaveri nehie.

Aposol 26:18

zamurga erihari hananke'za hani'zampintira atre'za msare egahaze. Hagi Sata hanavefintira Anumzamofo hanavere esageno, kumi'zamia atrezamantesnige'za, Nagrite zamentinti hazage'na, kumi'zmi eri fanane hu'noa naga'enena erigahaze huno hu'ne.

1 Korinti 12:8

Hagi mago'mofona Avamupina knare antahintahiza (wisdom) nemino, mago'mofona ama' antahi'za (knowledge) nemie. Hianagi magoke Avamu'mo,

2 Korinti 2:10

Hagi tamagrama mago vahema kumizmi atrezamantesazana, nagranena kumizmia atrenezmantoe. Na'ankure nagra kumizmia atrenezmantoe, [kumima atrezmantegazama menenkena tamage huna atrenezmantoe], Kraisi avurera tamagrama knarema hanagu atrenezamantoe.

Efesasi 1:18

Nagra nunamu nehuankino antahintahitamofona msa tamina, tamagu'amofo avurgamo hari nehanigetma, Agrama kezatino fore hugahie huno tamagima nehiazana, tamagra kegahaze. Mizama'a mreri'nea zantmi, hihamu'ane msazama'afi Anumzamo'a tamina, Agrite mni ruotge nehaza vahe'mo'zane, tamagra erigahaze.

1 Tesalonaika 2:12

Tagra ana nehanunketma tamagrama kama vnazana, Anumzamo'ma tamagi nehuno, Agri'a masanentake kuma erigahaze hu'nea Ne'mofo so'e kumapi vugahaze.

Hibru 6:4

Hianagi iza'zo koma huzamige'za nentahiza, monafi musezama ke'za antahiza nehu'za, Avamura e'neriza,