2 Korinti 4:3 - Kamano

³ Tagrama knare musenke huama hunazamo'ma ama'ma nosiana, fananema hanaza vahe'mo'za amara nosaze.

Anumzamofo Routage Avantafere

³ Tagrama Knare Musenke huama hunazamo'ma ama'ma nosiana, fananema hanaza vahe'mo'za amara nosaze.

2 Korinti 4:3 Referans Kwoze

2 Korinti 3:14

Hianagi antahintahiza zmimo'a hanavetino antro higeza maniza neazageno, ama knare ehanatine. Na'ankure korapa huhagerafi kasegema nehamprizageno'a, ana tavravemo'a refiteno ne-egeno, Kraisimpi ana tavravea eritrene.

1 Korinti 1:18

Fnanema hanaza vahe'mo'za keka zafamofo nanekegura neginagi naneke hu'za nentahize. Hu'neanagi tagri'ma tagu'vazino tavre'nea vahe'mota, e'i Anumzamofo himamu'e huta nehune.

Matiu 11:25

Ana knazupa Jisasi anage huno nunamuna hu'ne, Nenfaga monane, mopamofo Ra mni'nane, susu huna musenke hugantoe antahi'zane vahe manita, antahi ankerenone nehaza vahetera, eri frakinenka, osi mofavre'gna hu'naza vahete eri ama hu'nane.

2 Korinti 4:4

Ama mopafi havige anumzamo, Sata'a zamentinti nosaza vahera antahintahizamia refinetege'za, knare musenkemofo msa Kraisina Anumzamofo amema'a nonkaze.

Romu 2:16

Hagi mago kna ne-enkino Anumzamo'a Jisas Kraisimpi ana miko vahe'mofo oku'a antahintahizmia refko hugahie. Ama knare musenkemo hu'nea kante neramasamue.

1 Timoti 1:11

msa'nentake konarari'ane knare musenke'afi (gospol) asomu'ane Anumzamo, huzamasmio huno huhamprinante'ne.

1 Tesalonaika 1:5

Na'ankure tagrama knare musenkema nehunana, ke'age nosune. Hianagi Ruotge Avamumofo hanavere tagu'areti huta huama nehunanki, tagra inakna vahe'mota tamagrira tamaza hunakura nehune, tamagra tageta antahita hu'naze.

2 Korinti 2:12

Nagrama Troasi kumate Kraisi knare musenke huama hunaku uhnatugeno'a, Ramo'a kankamuna erinaginantene.

1 Korinti 2:6

Tagrama knare antahintahizamofo keagama nehunana, zmentintifima nena hu'naza vahepi nehune. Hianagi ama knare antahintahigu'ma nehunana, ama knafino, ama mopafi fanane hanaza kva vahetmimofo knare antahintahi zankura nosune.