2 Korinti 3:3 - Kamano

³ Kraisintegati kretregeno e'nea avontafe kna huta eama nehazageta, tagra kegva nehune. Ana avona avo zotaretira onkre'neanki, kasefa huno mani'nea Anumzamofo Avamuteti krente'ne. Hagi ana avona havere kreonte'neanki, vahe'mofo tumopi krentene.

Anumzamofo Routage Avantafere

³ Kraisintegati kretregeno e'nea avontafe kna huta eama nehazageta, tagra kegava nehune. Ana avona avo zotaretira onkre'neanki, kasefa huno mani'nea Anumzamofo Avamuteti krente'ne. Hagi ana avona havere kreonte'neanki, vahe'mofo tumopi krentene.

2 Korinti 3:3 Referans Kwoze

Hibru 8:10

Hianagi Israeli vahetera ama kasefa hagerafi huvempa ke Ramo huno, henka'a Nagra kasegea antahintahi zmifine zamagu'afine krenentena, Nagra zamagri Anumza maninenke'za zamagra nagri vahe manigahaze hu'ne.

Hibru 10:16

Vahe'niarera kasefa hagerafi huvempa kea ana knarera hugahue huno Ramo'a hu'ne. Nagra kasegea zamagu'afi nentena antahintahizamifi krentegahue hu'ne. (Jer 31:33-34)

2 Korinti 6:16

Hagi inankna huno Anumzamofo mono none, havi anumzamofo mono nomo'a erimago znarimpa hugaha'e? Na'ankure tagra asimu erino maninea Anumzamofo mono noma'a mani'none. Anumzamo'a anage hu'ne, Nagra zamagu'afi mani'nena, zamagri'ene kana vano hugahue. Nagra zamagri Anumza mani'nugeno, zamagra nagri vahe manigahaze hu'ne. (Lev-Pri 26:12)

Hibru 9:14

Hagi tamagesa antahiho, Kraisi koramo'a razankrefa me'neankino, fri avu'avazama nehunkeno tagutagesa azeri agru higeta, kasefa huno mni'nea Anumzamofona monora hunentone. Na'ankure manivava Avamumofo hankavere, Kraisi'a kefozama'a omne ne'mo, Anumzamofontera Agra'a avufga tagri kumikura aguza rune.

Proveps-Knare Nomaniza 3:3

Atregeno vahe'ma knare kavukvama huntezamo ene, tamage avu'avamo'a katreno ovino. Hagi knankempi nofi kintegeno me'nena kagu tumote avo krentegeno meno.

Proveps-Knare Nomaniza 7:3

Kazeri kagesa hanigu rini kazampi antaniankna hunka kantu kagu'afi tumoka'are krento.

1 Tesalonaika 1:9

Na'ankure rama'a vahe'mo'za tamagrama neravreta, havi anumzama tamefi hunemitma, kasefa huno mani'nea tamage Anumzamofontema tamamentinti hu'naza zana tasami'naze.

Matiu 16:16

Saimoni Pita'a kenona'a anage hu'ne, kagra Kraisige, ksefa huno mni'nea Anumzamofo mofavre mni'nane.

Revalesen-Hufo Hu'ne 3:22

Iza'o agesama me'nenigenoma nentahisimo'a, Avamu'mo'ma mono nagate'ma huamama nehia kea antahise hino.

Revalesen-Hufo Hu'ne 2:18

Taiataira kumate nemaniza mono nagamokizmi ankeromofona amanage hunka kremio, Anumzamofo mofavremofona avurgamo'a teve anefakna nehigeno, agamo'a pehe huno bronsi havegna huno marave marave hu'nemo'a anage hu'ne.

Revalesen-Hufo Hu'ne 2:8

Hagi Smena kumate maninaza mono nagamokizmi ankeromofona amanage hunka krezamio, Nagra e'se agafahu mani'na, vgare mani'nena, fritena otina mani'nomona, anage nehue,

Revalesen-Hufo Hu'ne 3:14

Laodisia kumate nemaniza mono naga'mokizmi ankeromofona amanage hunka kremio, Nagra tamage nemo'na, maka kea avariri fatgo nehu'na, fatgo hu'na maka kea huama nehumo'na, Nagra maka zama Anumzamo'ma, ese agaferetima troma hu'neazamofo agafa'a mni'nomo'na, ama naneke atrogeno tamagritega e-e.

Revalesen-Hufo Hu'ne 3:7

Fildelfia kumate nemaniza mono naga'mokizmi ankeromofona amanage hunka kremio, Agra ruotge huno, tamage Ne'mo, Deviti kinofi eri'neankino, kafama anagisiana, magomo'a eri onkisigeno, erigisiana mago'mo'a eri anagigara osu'nemo anage nehie,

Revalesen-Hufo Hu'ne 2:12

Hagi Pegamam kumate nemaniza mono nagamokizmi ankeromofona amanage hunka krezamio, tarega kaziga asanenea kazima eri'nea ne'mo amanage nehie.

Revalesen-Hufo Hu'ne 2:1

Efesasi kumate mono nagamokizmi, ankeromofona amanage hunka krezamio, Nagra 7ni'a hanafira nazantamaga azenerina, 7ni'a tavi'ma rekru hunte kolire azotaramimofo amunompi vano nehumo'na, nehuanki antahiho.

Revalesen-Hufo Hu'ne 3:1

Sadisi kumate mono nagamokizmi ankeromofona amanage hunka kremio, Nagra Anumzamofo 7ni'a Avamura nazampina eri'nena, 7ni'a ofuna eri'nomo'na, ke'ma hanuana antahiho. Kagrama nehana kavukvara antahina ke'na hu'noe. Maka vahe'mo'za kagra ksefa hunka mni'nane hu'za nehazanagi, kagra ko fri'nane.

1 Korinti 3:5

Apolosi'a inanknahu nere? Poli'na iza'ne? Tagra eri'za vahetfa mani'no'e. Ramo hurantegeta tagra eri'zana e'neru'e. Anumzamo tagripi huvazino tamaza higeta tamentinti'a hu'naza eri'za ne' tre'ne.

2 Korinti 3:6

Agra anazanke huno tagrira huranteno hankave tamigeta kasefa hagerafi kea hu'nea zamofo kegva hu'neta erizana e'nerune. Avompima krentenea zankura nosunanki, avamupi zanku nehune. Na'ankure Avompima krente zamo'a zamahe nefrie. Hianagi avamumo'a, zmasimu nezamie.

2 Korinti 3:7

Hagi, havere erivakakino krentenea avompinti frizana avareno neazamofo erizamo masa'ane ne-e. Hu'negu Israeli vahe'moza, zamavuginki hige'za Mosena avugosafina onke'naze, na'ankure masazamo avugosafintira remsa hige'za nonkageno, ana msamo'a akoheno avugosafintira resu hu'ne. (Diu-Kas 35)