2 Korinti 3:1 - Kamano

¹ Tagra mago'ane agafa huta tavufga erisaga hunaku nehumpi? Hifi tamagra, tagri tavufa erisagahu avo kreho nehumpi, hifi rumo'za avon kre'za tagri husga hihogu nehune?

Anumzamofo Routage Avantafere

¹ Hagi tagra mago'ane agafa huta tavufga erisaga hunaku nehumpi? Hifi mago'a vahe'mo'zama nehazaza huta tagra, tavufa erisagahu avo kreho nehumpi, hifi rumo'za avonkrerami'za tagri husga hihogu nehuno?

2 Korinti 3:1 Referans Kwoze

2 Korinti 12:11

Tamagra nagrira knare hu'ne hutma nazeri ante'ama hugaragi, netreta nagrira nazeri neginagi vahekna nehaza zankura, nagra navufga ra nehue. Na'ankure nagra amneza mani'noanagi, ugota aposol vahepina henkarfana omani'noe.

2 Korinti 10:12

Na'ankure mago'amo'za knare vahe mani'none nehaza vahera nezmageta, tagratia zamagritera refko huta nonkone. Hianagi zmagra'a mani'naza avamente refko hu'za nege'za, tagra knare vahe mni'none hu'za refko hu'za negaza vahe'mo'za, negi vahe mani'naze.

2 Korinti 5:12

Tagra'a tavufga tamagrite mago'ane erisagahu kazigatira nosunanki, tagriku'ma tamavufgama erisagama hanazazanku nehune, hu'negu amega zamufare'za nege'za zmavufga ra nehu'za, zmaguafizama nonkaza vahera, kenona huzmantegahaze.

Aposol 18:27

Akaea vuku Apolosi'a nentahige'za, mono (kristen) naga'mo'za azeri hanavetike nesamiza huso'e sa'e hunente'za, Jisasi amage nentaza disaipol nagatega azeri so'e hiho hu'za avonkretrenaze. Anante'ma unehanatino'a, Anumzamofo asunku'zamo zamaza hige'za zamentinti nehaza nagara tusi'a zampi zamaza hu'ne.

1 Korinti 16:3

Nagrama uhanatisu'na huhampri' zmante'nesamokizmia, huzmanta'nena, ana musezamofo agofetura avonkrenta'nena eri'za Jerusale kumate vugahaze.

2 Korinti 12:19

Tamagrama tamagesa antahizana, tagrikura zmagra'a ke erihanavetinaku nehaze hutma tamagesa nentahizafi? Tamage e'inahu tamagesa nentahizanagi, Anumzamofo avurera Kraisinku keaga nehuta tamagrima tamaza hanigeta hageta mrerisaza zanku tamavesi neramantona nerafugatagu nehune.

2 Korinti 10:8

Na'ankure Ramo'ma kva vahe manigahaze huno tazeri otigeta mni'neta tavufga rama nehunana, tamagri tamazeri so'e hunaku anara nehunanki, tamazeri haviza hunakura anara nosunankita, tagra tagazegura osugahune.

2 Korinti 2:17

Mago'amo'za zgo erigahune, nehu'za Anumzamofo naneke huama nehzana, tagria Anumzamo hurantegeta fatgo huta huama nehune. Huama nehunana Kraisi'a tagu'afi nemanigeta Anumzamofo avure huama' nehune.

1 Korinti 10:33

Nagranena anahukna hu'na maka'zama huazampina, maka vahe'mo'zama muse hanazaza nehu'na, nagra knare'zankura nosuanagi, hakare vahe'mokizmi knare'zanku nehanugeno, rama'amokizmia Anumzamo zamagu'vazigahie.

1 Korinti 4:15

Na'ankure tamagrira 10 tauseni'a vahe'mo'za Kraisimpi kva kriramante'ne'za tamazeri fatgo hugahazanagi, tamagrira rama'a neramafa omnigahie. Na'ankure nagra Krais Jisasimpinti neramafa'za hu'na mani'ne'na, knare musenkea neramasamue.

1 Korinti 3:10

Anumzamo'a asunku zama'areti nami'nea avamente, nogi antahi'zane vahekna hu'na nomagi trara eri agafa hunte'noge'za, mago'a vahe'mo'za anante negize. Hianagi magoke magokemo'a, nankna huno kinaku hanuno'a, kva hu'neno ana agofetura nona kino.

Romu 16:1

Senkeria kumateti dikeni mono eriza e'neria nersaro Fibina knare'za huntesazegu nehue.

2 Korinti 10:18

Na'ankure agra'agu knare hu'noe huno nehimo'ompage, Anumzamo'ma hu izo hu'nesimoke agra'agura musena hugahie.