2 Korinti 13:10 - Kamano

¹⁰ Na'ankure tamagri'enena omani'noanagi, ama agafare avona krenetamuanki'na, nagrama tamagranema manisuna knazana ontaminaku nehue. Ramo'ma himamuma nami'nea hanavereti, tamazeri haviza hunakura nosuanki, tamazeri hanavetisugeta hagetma tamentintifina marerisazegu nehue.

Anumzamofo Routage Avantafere

¹⁰ Na'ankure tamagri'enena omani'noanagi, ama agafare avona krenetamuanki'na, nagrama tamagranema manisuna knazana ontaminaku nehue. Ramo'ma himamuma nami'nea hanavereti, tamazeri haviza hunakura nosuanki, tamazeri hanavetisugeta hagetma tamentintifina marerisazegu nehue.

2 Korinti 13:10 Referans Kwoze

2 Korinti 10:8

Na'ankure Ramo'ma kva vahe manigahaze huno tazeri otigeta mni'neta tavufga rama nehunana, tamagri tamazeri so'e hunaku anara nehunanki, tamazeri haviza hunakura anara nosunankita, tagra tagazegura osugahune.

2 Korinti 2:3

E'ina hu'negu, amanahukna avona kre neramue. Nagrama esoa knarera, nazeri musema nehaza nagara, zmarimpa kna eri ozamisue. Tamage nagra antahi'noe, tamagra musema hanage'na, nagranena muse hugahue.

Taitus 1:13

Ama kea tamage naneke, hu'negu hampo'na kefinti huge'za, zamentintifina fatgo huza mani'ne'za,

2 Korinti 13:8

Na'ankure tagra tamage kemofo ha'renenteta rutagregara osunonanagi, tamage kemofonke amage antegahune.

2 Korinti 10:2

Nagrama tamagritega vanu'na hankve kea osnuegu nentahue. Hianagi nagra esu'na tagriku'ma vahe'mofo antahintireti havi eri'za e'nerize nehaza vahe'mofona hanavege eme huzmantegahue.

1 Korinti 4:21

Tamagrira na'anku tmavenesie? Nagra sefu knone e'na eme tamazeri ftasgo hanufi, avesinte'zane rimpa fruzane esue?

2 Korinti 13:2

Nagra ese'ma ete'na anantema e'norera, kava huta maniho nanekea ko tamasmi'noe. Hagi menina tamagri enena omninoanagi, mago'ane kumima nehaza vahetamine, mago'a vahetaminena kva huta manisaza nanekea neramasamue. Nagrama henkama esnuna kumima nehaza vahera tamazo onkigahuanki, knaza emeramigahue.

1 Korinti 5:4

Tamagrama Rantimofo Jisasi agifima eritruma hanafina, Rantimofo Jisasi hanavefi, avamupi tamagra ne manigahue.

2 Korinti 6:6

manifatgo huta nemanita, antahintahia e'nerita, akoheta nemanita, so'e avu'avazana nehuta, Ruotge Avamupina nemnita, tamage avesizamofo avu'avazana nehuta,

2 Korinti 10:4

Ha'ma huzantamima azeri'nonana, ama mopafi ha'zana omne'ne. Anumzamofo hankve ha'za me'neankino, Sata vihua ahe'nafru hugahie.