2 Korinti 1:19 - Kamano

¹⁹ Na'ankure, Anumzamofo mofavre Jisasi Kraisi agi agenkema nagragi, Timotiki, Sailasiki hutama neramasmunana, Jisasi Kraisi, Anumzamofo nemofo'a Agra izoma nehuno'a, i'o osu Ne'mofo agenke huama huta neramasamune.

Anumzamofo Routage Avantafere

¹⁹ Na'ankure Anumzamofo mofavre Jisas Kraisi agi agenkema nagragi, Timotiki, Sailasiki hutama neramasmunana, Jisas Kraisi'a Anumzamofo nemofonku'ma huama huta neramasamunana, Agra izoma nehuno'a, i'o osu Ne'mofo agenke huama huta neramasamune.

2 Korinti 1:19 Referans Kwoze

Hibru 13:8

Jisas Kraisi'a okima mani'neakna huno menina mani'neno, anahukna huno hakare'a knafina manivava hugahie.

Revalesen-Hufo Hu'ne 1:17

Nagrama ana ne'ma nege'na, agafi traka hu'na fri vahekna hugeno, tamaga azanu nagofetu nenteno anage hu'ne, Korera kagra osuo, Nagrani'a ese agafahu mani'na, vgarera mani'noe.

2 Joni 1:9

Iza'o ugoteno nevuno, Kraisi'ma rempima hu'nea kefima omanisimo'a, Anumzamofona avareonte'ne. Iza'o Jisasi'ma rempima hu'nea kefima manisimo'a, Nefane Nemofonena avarente'ne.

Revalesen-Hufo Hu'ne 2:18

Taiataira kumate nemaniza mono nagamokizmi ankeromofona amanage hunka kremio, Anumzamofo mofavremofona avurgamo'a teve anefakna nehigeno, agamo'a pehe huno bronsi havegna huno marave marave hu'nemo'a anage hu'ne.

1 Joni 5:20

Tagra antahita keta nehune, Jisas Kraisi, Anumzamofo Nemofo eno tamage Anumzana taveri hu'ne. Na'ankure antahi'none, Jisasi'ma e'neazamo tamage Anumzanehu antahintahia tamigeta, tamage Anumzane nehuta, tagra Agripina nemanita, Nemofo Jisas Kraisimpina nemanune. Tamage Anumzane nehuta manivava asimure huta nehune.

Revalesen-Hufo Hu'ne 1:8

Nagrani'a ese agafahu manina (Alfa), vgare mni'noe (Omega). Korapa mni'nena, menina mni'noankina, henka egahue huno hanavenentake Ra Anumzamo'a hu'ne.

Aposol 18:5

Masedoniati Sailasi'ene Timotike eramike akeno, Poli'a agafa huno mika Jiu vahera zamazeri atru huno mono kege'za maka kna nezamasmino, Jisasi'a, Agra'a tazahuno taguvazi nere huno eriama huno zamasmi'ne.

Revalesen-Hufo Hu'ne 1:11

Amama kana zantamina avontafe krenka, 7ni'a kumate me'nea mono nontaminte atregeno vino. Efesasima, Smenama, Pegamamima, Taitariama, Sadisima, Fildafiama, Ledosiama hunka krezamio.

1 Joni 1:3

Keta antahita hu'nonazanku, tagra tamagri enena neramasmunankita, tamagra tagri'ene emeri mago hutma manisageta, tamage huta Nefane, Nemofo Jisas Kraisi'enena tragoteta manigahune.

2 Pita 1:17

Na'ankure Anumza Nafatimo Agra'a ra agi nemino, masa'a eriama nehuno, hanavenentake masa'afinti anage huno Jisasinkura hu'ne, ama'i Nagri Mofavre, navesinentena muse hunentoa Mofavre'ni'e hu'ne.

Hibru 1:11

Zamagra frigahazanangi, Kagra maninka nevananke'za, tavravemo atafareno havizahiankna mikamo'za hugahaze.

Aposol 15:22

Anante aposol naga'ene, mono kva vahe'mo'zane, maka mono kevumo'za amuno zamifinti huhampri zamanteneana, Judasinku Basabasi nehaza ne'ene Sailasi'a ana naga'amofo kva ne' zamine huhampri zananteke, Poline Banabasi kizni Antioku vihogu huzmante'ne.

Aposol 9:20

Ame huno, ana zupage Jisasi agigenkea osi mono nompi marerino, ama Nera Anumzamofo Mofavre huno huama huno zamasmi'ne.

Aposol 8:36

Anama hu'za karankama nevu'za mago'a ti me'nere ageno, agonkna'zama hari'nea ne'mo'a, Keho! Ti me'neaki! Na'amo mono tima frezanifina nazerigahie? huno nehigeno,

Joni 20:31

Hianagi ama kre'naza avomo hugasmisigenka kmentinti nehunka, Jisasi'a Tzahu ne', Anumzamofo Ne'mofavre, Kraisi'e hunka kmentinti hanunka kagra manivava mani'zana Agri agireti erigahane.

Joni 19:7

Jiu kva vahe'mo'za ke nona'a amanage hu'naze, Tagrira kasegetia me'ne, hagi ana kase kemofo amage' anteno Agra frigahie. Na'ankure Agra Anumzamofo Ne'mofavre mani'noe huno hu'ne.

Joni 8:58

Jisasi'a anage huno zamasmi'ne, tamagerafa hu'na neramasmue, korapa Abrahamuna kse onte'nage'na, Nagra mani'noane.

Joni 6:69

Tagra tamentinti nehuta Kagrira antahita keta hu'none, Kagra magoke Anumzamofo Ruotge' ne', hugantegenka e'nane.

Joni 3:16

Anumzamo tusiza huno mopafi vaheku avesi nezmanteno, magoke ante'nea Ne'mofavre'a zami'ne. Agrite zamentinti hanamo'za fananne osu'za manivava hugahaze.

Joni 1:49

Higeno Natanieli'a Agri ke'nona amanage hu'ne, Hurami nere, Kagra fatgo hunka Anumzamofo nemofoga mani'nane. Kagra Israeli vahe'mokizmi Kini nere.

Joni 1:34

Nagrani'a kete'na, huama hu'na ama Anumzamofo mofavre hu'na neramasmue.

Luku 1:35

Ankeromo'a kenona'a anage huno asami'ne, Ruotge Avamumo kagrite ne-enkenka, Marerisa Anumzamofo hihamu'amo refitegantegahie. E'ina hu'negu ksentesana Mofavremo'a ruotge hanigeno, Anumzamofo mofavre hu'za hugahaze.

Maki 1:1

Anumzamofo Mofavre Jisas Kraisi knare musenkea ama agafa hu'ne.

Matiu 27:54

Anante 100ti'a sondia vahe'mokizmi kva ne'ene, mago'ama Jisasinte kvagri'naza sondia vahe'moza imima enerigeno fore hiaza nege'za tusi kore nehu'za, Tamage ama Nera Anumzamofo Mofavre! hu'naze.

Matiu 27:40

amanage hu'naze, Kagra ra mono nona tapage hunka tagufa knafina ete kivga'regahue hu'nane, hagi Anumzamofo Mofavre mani'nesnunka kagraka'a kza hunka rugeka zafaretira eramio.

Matiu 24:35

Monane mopanena fanane hugahie. Hianagi Nagri nanekemo'a fanane osu mevava hugahie.

Matiu 17:5

huno kema nehigeno, msa'ane hampomo tmino refite nezmantegeno, mago ageru'mo hampopinti anage hu'ne, Ama'i Nagri Ne'mofavre, Agriku navesi nentena, tusiza hu'na musena hunentoe, ke'a antahi amiho!

Matiu 3:17

Higeno, monafinkati mago ageru'mo huno, Ama'i Nagrama avesinento'a magoke Mofavre, hige'na Nagra tusi'a muse Agrira hunentoe.

Joni 20:28

Tomasi ke nona huno Jisasi asmi'ne, Nagri Ranimoka, nagri Anumzane!

Matiu 4:3

Revatga hu ne'mo anante ehanatino Jisasinku anage hu'ne, Kagrama Anumzamofo mofavre mani'nesunka, ke nehugeno ama have'zgamo'a breti fore hino.

Aposol 16:1

Poli'a Debe kumate ene Listra kumate'ene ne-eno, mago nera Timoti'e nehaza ne'kino, nerera'a Jiu a'mo amentinti nehia a'mofo mofavre. Hianagi nefa'a Griki ne' mani'ne.

2 Korinti 1:1

Ama avona Poli'na Anumzamo, Kraisi Jisasi aposol eri'za vahe manio huno huhamprinante ne'mo'nane, Timoti nerafu'ene kreneramu'e. Ama ana avona, Korinti mono nagate'ene ana miko Akai (Greece) kaziga Anumzamofo mono naga'ma mni'narega kreneramu'e.

1 Tesalonaika 1:1

Nagra Polinagi, Sailasi'ene Timotigata ama avona Tesalonaika kumate Anumzamofompi mani'naza nagamotarega kreneramune. Anumza Nafatine, Ranti Jisas Kraisi asunku'zamo'ene, rimpa fruzamo'a tamagrane mesie.

2 Tesalonaika 1:1

Nagra Poli'nagi Sailasi'ene Timotigata Tesalonaika mni'naza mono nagamota Anumza Nafatine, Ranti Jisasi Kraisinte tragotetma mni'nazamotarega, ama avona kre'neramunankino,

1 Timoti 3:16

Maka vahe'mota mago trimpa nehune, Anumzamofo avu'avapi tamentintima hu'zamo'a eama nehie, Kraisi'a avufa erino eama higeno, Avamu'mo fatgo avu'ava eriama higeno, ankero'moza kageno, Kraisi agi agenke hakare kaziga huama higeno, miko mopane mopane vahe'mo'za zamentinti hzageno, tusi'a msa'nentake konariri'afi avreno mreri'ne.

1 Pita 5:12

Hanki Sailasi'a nazahigeta ama atupa avona kre'no'e, nagrama kena antahinama agri'ma huana, fatgo huno Ramofona amage nentea nenafu mni'ne. Nagra ama atupa avoma kreneramuana, tamazeri hanaveti ke hu'na, Anumzamofo tamage asunku zankura kreneramuanki, ana asunkuzantera oti hanavetiho.