1 Timoti 6:12 - Kamano

¹² Kmentintimofo hara knare ha' nehunka, kagima higenka manivava asimu'ma eri'nanana azeri hanavetio, hakare vahe zamufi kagra ko huama hu'nane.

Anumzamofo Routage Avantafere

¹² Kamentintimofo hara knare ha' nehunka, kagima higenka manivava asimu'ma eri'nanana azeri hanavetio, hakare vahe zamufi kagra ko huama hu'nane.

1 Timoti 6:12 Referans Kwoze

1 Pita 5:10

Hanki atupa'a knafi tamatazana erigahazanagi, tamagri'ma Kraisi manivava msa'afima tamagima hu'nea Anumzamo'ma tamazeri knaretfa nehuno, knare hu'naze huno huneramanteno, tamazeri hanavetina, oti hanavetita manigahaze.

1 Timoti 1:18

Magoke tamentinti nehu'a mofavre Timotiga, ama avompi kre negamua nanekegu, kagesa antahio. Ko'ma mago'mofonku Anumzamofo naneke asmigeno, kagriku huama hu'nea kasnampa kefi hankve tinka Rantimofo ha'pina, knare hunka hara huo.

2 Timoti 4:7

Nagra namentinti'a azeri hanavetina mani'nena, knare ha' hu'na nagiama re'na e'noana hago ehnatue.

Revalesen-Hufo Hu'ne 3:3

Ana hu'negu ko'ma rempi hugamizagenka, nentahinka eri'nana kea azeri kona nehunka, kagu'a rukrehuo. E'ina hu'negu, kagrama otinka, kagu'ama rukrehe osnanke'na, omegahie hunka kagesa ontahinana knafi, kumazafa vahe'mo'za neazankna hu'na egahue.

1 Timoti 6:13

Nagra Anumzamofo avufi negasmue, maka'zama asimu ami'nea ne'ene, Kraisi Jisasi tamage kema Pontias Pailoti avufima huama hu'negu,

1 Joni 2:25

Agra'ama huvempa kema hurante'neana, mani'vava asimu erigahaze huno hurante'ne.

Hibru 6:18

Anumzamo'a huvempa hu'nea ke'ane, hugahuema hu'nea kemoke eri'ante amama hiana, Anumzamo'a havigea osugahie hu'ne. Ana hu'negu tagra maka havizama ne-enketa, Agritega freta vuta kasefa hanavea ome enerita, fore'ma hanigu tamentintima nehu'naza azeri hanavetigahune.

2 Timoti 1:9

Kefo zantifinti tza huno tvareno ruotge kezampinti tagihu'ne. Mago knare eriza eri'nona zanteku anara osu'ne, hagi Agra agafa'a me'negu huno asunku'zanteti Krais Jisasimpi ofenka'ati tza hu'neazamo mevava nehie.

Kolosi 3:15

Kraisi rimpa fruzana atrenkeno tamagu'afina kegva hurmanteno, na'ankure tamarimpa fru huta manisazegu kehigetma mago avufga mani'nazanki, miko zupa Anumzamofona susu hunteho.

1 Timoti 6:19

E'inama hanu'za, zamagra henka'a esnia knafima erisnaza zamofo agafa'a knare hu'za eri atru nehu'za, ana hu'za azerisaza zanteti tamage mani'zana erigahaze.

Hibru 3:14

Na'ankure ese'ma Agritema ne-eta, tamentintima hu'nonazama azeri hankavetisuta, Kraisi'ene tragoteta vgaretera uhanatigahune.

1 Tesalonaika 2:12

Tagra ana nehanunketma tamagrama kama vnazana, Anumzamo'ma tamagi nehuno, Agri'a masanentake kuma erigahaze hu'nea Ne'mofo so'e kumapi vugahaze.

Proveps-Knare Nomaniza 3:18

Iza'o ana knare antahintahima azerimo'a, asimu eri zafagna hu'neankino, agri avesizama azeri hampo'na hanimo'a muse hugahie.

1 Pita 3:9

Vahe'mo'za havizama huramantesagetma, nona hutma haviza huozamanteho. Kema huhavizama huramantesageta, nona hutma kea huhavizana huozmanteta, tamagra Anumzamofo antahigenkeno asomu huzmanteno, Anumzamo'ma tamagima hu'neana, e'inahu hnazegu tamagi hu'neankitma, asomura tamagra erisanti haregahaze.

2 Tesalonaika 2:14

Tagrama knare musenkema huama hunazampi, Anumzamo'a tamavare kana retro higetma, Ranti Jisas Kraisi hihamu masazama'a e'nerize.

2 Korinti 9:13

Na'ankure vahe'ma zmaza huta knazami erizamo, knare tamavuta eriama hina nege'za, Kraisi knare musenkemofona amagenentaze hu'za huama nehu'za, Anumzamofona ra agi erisaga hugahaze.

Hibru 13:23

Nagra tamasamuana, ko nerafu Timotina kinafinitira kazufetre'naze. Agrama esige'na, avare'na tamagritega vugahu'e.

2 Korinti 6:7

tamage kema huama nehumpine, Anumzamofo hankavefina, fatgo mani'zamofo ha'zamo'a tamaga tazampine hoga tazampina me'negeno,

Filipai 1:30

Kote'na knazama eri'noana tamagra nage'naze, knafima nemanuana meninena nentahize, ama ana hara tamagrane tragoteta nehune.

1 Timoti 1:19

Kmentinti azeri hanavetinenka, kagu kagesareti knare antahintahi huo, na'ankure mago'a vahe'mo'za zamenosige'za zamentintifina atre'za vente (ship) eritagnavaziankna nehaze.

1 Timoti 4:14

Kagra kagera oknitfa huo, Anumza naneke huama (profesi) hzagenka anampinti Avamu'mofo muse'za (gift) erinke'za, mono kva vahe'mo'za zamaza ante'za eri'za eriogu huhampri kante'naze.

2 Timoti 2:2

Kagra nentahinke'na maka vahe zamufi huzmasmino'a kema amage nentaza vahera huzamasmige'za, zamagra anazanke hu'za ruga'a vahera rempi huzamiho.

Juti 1:3

Navesi neramantoa nafuheta, Anumzamo'ma tagu'mavazinia zankura huama nehu'na avoma kreramizankura antahintahinimo'a tusiza huno onetige'na retro nehue. Hianagi menina mago'azanku avona kreramisue hu'na huana, Knare Musenkema, Anumzamo'ma Agri'a ruotge hu'nea vahe'arema magoke zupa zmi'neazamo maka kna mevava nehina, tamage nanekere tamentintima nehunazanku, tamentinti otretma hanavetita azeri akona hnazegu tamasmiza nehue.