1 Timoti 5:5 - Kamano

⁵ Ana hianagi agraku nemnisia kento a'mo, Anumzante amentinti nehuno hanine zgene nunamuna huno Anumzana antahigegahie.

Anumzamofo Routage Avantafere

⁵ Ana hianagi agraku nemanisia kento a'mo, Anumzante amentinti nehuno hanine zagene nunamuna huno Anumzana antahigegahie.

1 Timoti 5:5 Referans Kwoze

1 Timoti 5:3

Mago kva krintega vahe'ma omni'nesia kento a'nea, kva krizamanteho.

Luku 2:37

Ana a'mo kentoza huno maninegeno kafuzage'amo'a 84'a hu'negeno mono nona notreno, monora Anumzamofona hunenteno, neza a'o huno nunamuna kenage'ene feru enena nehuno manine.

1 Pita 3:5

Na'ankure korapa knafi ruotge hu'za mni'naza a'nemo'za, e'inahukna hu'za zmavasesea hu'ne'za, Anumzamo'ma huvempama huzmante'nea zama fore'ma hanigu Anumzamofonte amuha nehu'za, ve'zamimofo agorga mni'naze.

1 Timoti 5:16

Hagi mago amentinti nehnia a'mo naga'afi kento a'nema mani'nesazana, agra knare'za huno ana a'neramina zamaza hanigeno'a, mono vahera kna eri ozamisageno, zamagra'zmi zamaza huga osune'naza kento a'nea, mono vahe'mo'za zamaza hugahaze.

1 Korinti 7:32

Nagrama nentahuana ama mopafi zankura antahintahi hakarea osihogu nehue. Aravema osu'nea ne'mo'a, Ramofonku antahintahi nehuno, Ramofo azeri muse huzankuke hinogu nehue.

Luku 18:1

Zmavesra osu maka zupa nunamu hanagu, fronka ke Jisasi'a amagema nentaza disaipol naga'a anage huno zmasamine.

Efesasi 6:18

maka zupa nunamu huvava nehutma, nunamuna hutma antahigeho, ana nehanutma tamagra kva hu'netma kazigzi hutma maka eri'za vahekura (kristen) nunamu hutma Anumzamofona antahigeho.

Luku 18:7

Hanki Anumzamo'ma huhampri zmantenea vahe'mo'za, hanine zgene antahigevava nehnageno'a, zmasuragizmanteno zavikezmia ontahigahio?

Ruti 2:12

Anama hu'nana nona'a, Ramo mizana kamisie. Knare kvukva zantera Israeli Ra Anumzamo nona huno ante avitegantesie, kagrama kva hunante'snie, hunkama hu'nana Anumzamo.

1 Korinti 7:34

Ana hu'negenokino ana ne'mofona avesi'zamo'a fako nehie. Arave osu a'mo'o, mofamo'enena Ramofo zanku antahintahi neha'e. Avufgare ene avamupina ruotage hugahie. Hu'neanagi arave hu'nenia a'mo'a, ama mopafi zanku antahintahi nehuno, nevena inankna hu'na azeri muse hugahue nehie.

Romu 1:12

E'i ana zana, tamagri tamentinti azeri hankaveti ke neramasami'nena, nagri'enena ana zanke huta nazeri hanaveti kea nenasamisageta tamentintifina oti hanavetita manigahune.

Romu 1:5

Jisas Kraisi azampi Anumzamo'a asunku huranteno, Agri agifi Anumzamo'a aposol eri'zama miko megi'a vahetema erisunku huhampritantene. E'ina hu'negu zmagra Agri Agifina amagera nente'za zamentintia hugahaze.

Aposol 26:7

Tagri 12fu'a naga'nofiku huvempa huno erigahaze hu'nea kere zamua kete'za mani'ne'za, zagene haninena hanaveti'za monora hunentaze. E'i anazante'ma navuma ketena namentintima hu'noa zanteku, Juda vahe'mo'za nagrira hafra hunenantaze. Mareri'namoke! (king)

Aposol 6:1

Anama haza knafina, amage nentaza disaipol nagamo'za ra hu'za ame'nanempi mareri'zageno, Griki kema nehaza Jiu vahe'mo'za, Hibru kema nehaza Jiu kuma agafa vahetmina kanive rezamante'za, mika zupa kave'ma fakoma hazana kento a'ne nagara antahi nozamize hu'za hu'naze.

Aposol 9:39

Anankema asamikeno nentahino'a, Pita'a otino zanagrane vu'ne. Uma hanatige'za, avare'za anaga agofetu nomofo hunaragintepinka vu'naze. Miko kento a'nemo'za agrane oti'ne'za, zavira nete'za Dokasi'ma zamagranema ofri mani'neno tro hu'nea zanra kukenarami'ne, ruga'a kukenane averi'naze.

Aposol 9:41

Nehuno Pita'a aza antegantuteno azeri oti'ne. Anama nehuno zamentintima nehaza naga'ene, kento a'ne nagara kehuno asimu erie huno avazu huno eme zami'ne.

Filipai 4:6

Mago'a zankura tamagesa ontahitma, hakare zankura nunamu nehutma, upama hu'nesaza zanku Anumzamofo nesamitma, hakare zama huramante'nea zankura, Anumzamofona muse hunteho.

1 Timoti 2:1

Anumzamofo agihanta vazi'zana pusaza me'ne. Nunamu huta agihanta nevzita, tagrima tvesi'nia zanku antahinegeta, muse hunenteta, maka vahe zamagi erita zamaza hanigu antahige'snune,

2 Timoti 1:3

Nagra Anumzamofo muse hunentoe, nagehe'za hu'nazankna hu'na, erizama'a knare nagu nagesareti kinagane nanterane hakare zupa nunamuma hufina kagrikura antahi negamue.