1 Timoti 3:7 - Kamano

⁷ Hagi monopi omani megi'a vahe'mo'za nege'za, knare nere nehnageno, agra havi avu'avapina uramino Sata krifufina ohegahie.

Anumzamofo Routage Avantafere

⁷ Hagi monopi omani megi'a vahe'mo'za nege'za, knare nere nehanageno, agra havi avu'avapina uramino Sata krifufina ohegahie.

1 Timoti 3:7 Referans Kwoze

2 Korinti 8:21

Anumzamofo avurekera fatgo huta omanisunanki, vahemofo avure enena fatgo huta manisunazanku tavenesie.

2 Timoti 2:26

Anahina zamagu'a ante fatgo nehu'za, Sata kifopima ahe'nazana katufegahaze. Sata'a kina huzmante'nege'za avesi'zama nevaririza zampintira atre'za vugahaze.

Kolosi 4:5

Zamentinti osu vahema maninesafina, kakamuma fore hanigetma hakarezama hanazana kva hunetma, ama antahintahi zanteti knare tamavutmava huzamaveri hiho.

1 Timoti 6:9

Ana hianagi feno vahe maniku hanaza vahe'mo'za, rezmatagafi evurami'za krifu aheaza hanageno, maka havi avu'avamofo zamesi'zampi negi vahe kna nehu'za, zamazeri haviza huzante kezmasane hanageno, ana vahera zamahe haviza huno havi kampi zamareno uramigahie.

1 Tesalonaika 4:12

E'inahukna nehutma, megi'ama mani'naza vahetera, knare tmavutmava nehutma, mago'a zankura atupara osugahaze.

2 Korinti 6:3

Mago'mo'ma kama vanoma nehifina, tagra zamazeri tanafahu have erinteaknara nosune. Ana hu'negu tagrama eruna erizamofontera vahe'mo'za tazeri tagaze osugahaze.

1 Korinti 10:32

Mago'mofone hunka Jiu vahepino, Griki vahepino, Anumzamofo vahepinena, zmazeri tanafa hu havegnara osiho.

Aposol 6:3

E'ina hu'negu tafuhete, tamagra amu'no tamifinti keso'e hutma 7ni'a vahema zamu'zmamo knare'ma hu'nesnia vahe'ma, Avamu'ene knare antahi'zamo'ma avitenesia vahe zamazeri otinke'za, esageta tagra ama erizana refako huta zamazampi antesune.

Taitus 2:8

tamage ke'age huzamasmigeno mago'mo'a huhaviza huoganteno. E'ina hanankeno aza'o huhaviza hugantesimo'a agzegu hugahie. Na'ankure zamagra havigema hurante zankura hakregahaze.

Taitus 2:5

Knare zamagu'zamagesa nentahiza avusese hu'za mani'ne'za, vaheku vhaku nehu'za, nezme agorga'a mani'nesage'za nege'za Anumzamofo nanekea huhaviza osugahaze.

1 Tesalonaika 5:22

Ana nehutma, maka havi avu'ava zampintira maniganeta maniho.

1 Timoti 5:14

Nagrama nagesa nentahuana, kahefa kento a'nemo'za ve eri'za mofavre nente'za, no zamia kegva nehnage'za, huhavi'za huzmanteku hanaza vahe'mo'za kegura hakregahaze.

1 Korinti 5:12

Megi'a mani'naza vahe'ma refko'ma huzmante eri'zana nagri zana omne'ne. Hianagi mono agu'afima mni'nea vahera, tamagra amne refko huzmantegahaze.

Aposol 22:12

Ana kumate mago nera mani'neana agi'a Ananaisi kasegemofo avariri fatgo nehige'za, anampima nemni'za maka Jiu vahe'mo'za, knare nere nehaza ne'mo,

Aposol 10:22

Hige'za zamagra anage hu'naze, mago sondia vahe kva nera, Koniliasi'e megi'a ne'mo fatgo huno Anumzamofonku kore nehia nekino, mika Jiu vahe krerafamo knare nere hu'za nehaza ne'mofo Ruotge hu'nea ankeromo asamigeno, kagriku noniarega eno keaga eme nasminkena antahineno huno hurantegeta e'none.

Maki 4:11

Jisasi'a anage huno zmasami'ne, Anumzamofo kumamofo oku'a antahintahia tmagrira ko tamine. Hianagi megi'ama mani'naza vahe'mo'za fronka kege nentahize.

3 Joni 1:12

Demitriasinkura rama'a vahe'mo'za huama hunentageno, tamage kemo'enena huama hunte'ne. Tagranena anazanke huta huama nehunkenka, kagra antahinka kenka hu'nane, tagrama hunankemo'a tamage me'ne.

1 Timoti 3:6

Menima agu'a rukrahe hu'nesnia nera, mono kva ne' manisnie hunka ame'ama hunka azeri o'otio. Agra avufa erisaga nehnigeno Sata'a ana hanifi efreno azeri traka hugahie.