1 Timoti 3:2 - Kamano

² Kvama hania ne'mo'a amanahu hino, hazenke'a omneno, magoke a' anteno, manizama'a kva nehuno, fatgo zanke nehuno, avufa antermino nemnino, nantu antentesia vahe agampu nehuno, agra knare'za rempi huzmi ne' nemnino,

Anumzamofo Routage Avantafere

² Kvama hania ne'mo'a amanahu hino, hazenke'a omneno, magoke a' anteno, mani'zama'a kva nehuno, fatgo zanke nehuno, avufa antermino nemanino, nantu antentesia vahe agampu nehuno, agra knare'za rempi huzmi ne' nemanino,

1 Timoti 3:2 Referans Kwoze

2 Timoti 2:24

Ra Anumzamofo vahemo'za kefra ovazi snaze, hianagi vahera zamesi nezmante'za, rempi hunezmi'za, hazenke huzmante'saza vahe enena agzone hu'za maniho,

Romu 12:13

Anumzamofo vahe'mo'zama mago'a zankuma atupa hanagetama, zmazama hanagura tro huta maniho. Onkenesnaza vahema esnageta nontamifi kehuta zamavrenteho.

1 Timoti 5:9

Hanki kento a'nea zamazama hunaku zamagima kresafina 60ti'a zge kafuma huno, nevente mani fatgo hu'nesia kento a' aza hugahaze.

1 Pita 4:9

Mono tamafu tamagnazama esageta, so'e tamavutamavaza hunezmantetma, antahi havizana hutma ke hakarea huozmanteho.

1 Pita 5:8

Tamagra negia onetma, kva hutma maniho. Ha' vahe'timimo Sata'a agra laionigna huno akoheno rerakaureno krafa huno vano nehuno, ahenoma nesia vaheku nehake.

Hibru 13:2

Ketma antahitma osu'nesaza vahe'ma ne-esagetama nontamifi zamavrente zankura tamagera okanino. Na'ankure mago'amo'za korapara ontahine'za nozamifina zmavrentenazana, ankero vahe anara huzamante'naze. (Jen-Agf 18:1–19:1)

Taitus 2:2

Ranra venenea rempi huzamige'za, fru kefinti kea antemse'za ranke osu'za, knare zmavuzmava nehu'za, knare zamagu'zamagesa antahiho. Hankave zamentinti nehu'za vaheku zamesi nezmante'za, kragogo onkiza hanaveti'za maniho.

Filipai 2:15

Anama hanage'za, vahe'mo'za neramagesagetma fatgo hutma, ketmia omnesigetma nemanitma, Anumzamofo mofavre tro hutma nemanitma, havige huormantesagetma, kazaki'zampi kazigzi nehnaza vahe amu'no zamifina nemanitma, ofumo remsa hiaza hutma ama mopafina remsa huzmantegahaze.

1 Pita 4:7

Makazama vgaresia knamo'a, hago kofta hie, e'ina hu'negu antahintahia hu so'e nehutma, nunamuma hu tamavutamavamofo azeri hanavenetita, kazigazi hutma viho.

Hibru 3:14

Na'ankure ese'ma Agritema ne-eta, tamentintima hu'nonazama azeri hankavetisuta, Kraisi'ene tragoteta vgaretera uhanatigahune.

1 Timoti 4:3

Ana vahe'mo'za arave osugahaze nehu'za, mago'a kavera oneho hanazana, tamage ke'arema tamentinti nehutma nentahimota Anumzamo'ma tro hunte'nea zana muse hunenteta susu huta erigahaze.

Luku 1:6

Ana aravemokea Anumzamofo avurera fatgo hu'ne nemani'ne, maka kasegene tra kea amage nentene, mago havi avu'avara osuke, fatgo huke Ramofontera mani'na'e.

Luku 2:36

Hagi anampina anahu kna huno kasnampa ara agi'a Ana'e, Fanuel mofakino, Asa nagapintire. Ana a'mo ve erino neve'ene 7ni'a kafuzage maninegeno, neve frigetegeno, tavava teno mani'ne.

1 Timoti 3:8

Dikenima manisia ne'mo'a, anahu kna huno avu'avapina fatgo huno mani'neno, tare agerura oruno, hanave tintera osuno, havi kantetira zgoa e'orino,

1 Timoti 3:12

Dikenima manisimo'a magoke a' anteno, mofavre naga'a knare huno kegva negrino, noma'afi zantmine, vahe enena kegva krigahie.

1 Timoti 5:10

Ana kentomo knare avu'ava nehiaza negesageno, mofavre zga'a negrino, aru vahe agampu nehuno, mono kva vahe zamaga sese nehuno, knafi mani'nesaza vahe zamaza nehuno, ana eri'zama'a arimpa amino knare huno erigahie.

1 Timoti 5:22

Ame'ama hunka kzana mago vahetera antenka mono eri'za erisie hunka azeri o'otio. Mago'a vahe'mo'za kumi' hanafina kagra ana kumi'zampintira kagra manigru hunka manio.