1 Timoti 2:9 - Kamano

⁹ Nagri'ma navesiana, anahu'kna a'nemo'za zamavasese hanafina hugahaze, kukena knare'za hu'za masigahaze, kukena hanazana vahe'mo'za kezmasane hu'zane, zamanu zamazoka hane'zane, kolire trohuntenaza avasase zane, hage rimpinti zane (pearl), marerisa kukena osiho.

Anumzamofo Routage Avantafere

⁹ Hagi nagri'ma navesiana, a'nemo'za fatgo huza kukena nehu'za, zamavasesema hanafina vahe'mo'za kezmasane hu'zana nosuza, zamanu zamazoka hane'zane, golire trohunte'naza avasase zane, hage rimpinti zane (pearl), marerisa kukena osiho.

1 Timoti 2:9 Referans Kwoze

Proveps-Knare Nomaniza 7:10

Ana a'mo'ma kukenama hu'neana monko a'nemo'za nehazankna kukena hu'neno, ana ne'ma masavenkema asamino azeri savrima hanigura e'ne.

Jenesis 24:53

Abrahamu eri'za ne'mo avasese hu'zana silvare'ene, golire tro hu'naza zane, kukenane Rebeka nemino, anazanke huno mago'a knare'nare zantmina zgo'amo mreri'nea zana nesarone, nererane znami'ne.

Proveps-Knare Nomaniza 31:22

Agra tafe'ma masi tafera hatino tafera nehuno, zgo'amo mareri efeke ene fitunke tavravereti kukena hugahie.

Matiu 11:8

Hagi na'a ome kenaku vu'naze? Mago vahe'mo marerisa kukena hu'nea kenafi? Kinimofo kumapi nemani'a vahe'mo'zage marerisa kukena eri nehankraze.

Proveps-Knare Nomaniza 31:25

Agra hanave'areti'ene ra agima amizanteti kukena hiankna nehuno, henkama esia zankura kiza regahie.

1 Timoti 2:10

Hu'neanagi Anumzamofo amage' nentonema hanaza a'nemo'za, knare avu'ava nehu'za, ana avu'avateti knare avasese hiaza hu'za hugahaze.