1 Tesalonaika 4:3 - Kamano

³ Na'ankure ama'i Anumzamofo avesizane, mani agru hutma maka monko avu'avazampina maniho.

Anumzamofo Routage Avantafere

³ Na'ankure ama'i Anumzamofo avesizane, mani agru hutma maka monko avu'ava'zampi maniho.

1 Tesalonaika 4:3 Referans Kwoze

1 Pita 4:2

Anahukna huno ama avufganema mni'nenuno'a, vahe'mofo havi avesizampina ovugahianki, Anumzamofo avesizampi vugahie.

1 Tesalonaika 5:23

Hagi rimpa fru Anumzamo'a, Agra maka sese huramanteno tamazeri ruotage nehuno, avamutamine, tamagu tamene, tamavufanena kegva huramantena, Ranti Jisasi Kraisi'ma esianknarera kema hurantezana omanetfa hugahie.

Romu 12:2

Ama mopafi avu'avazanena tagrora oteho. Hianagi tamagra atrenkeno antahintahitamia Anumzamo tmazeri kasefa nehanigeno, tamavutamava zamo'a ruzahe hino. Anama hanuta, tamage Anumzamofo avesizamo'a, knare huno haviza osuno, fatgo hu'ne huta eriama hugahaze.

Hibru 13:4

Aravema huno a'ane ve'anema manifatgoma huno mni'zana, raza amunontamifina meno, hagi aravema osu' vahe'mo'ma monkozama hanimofone, koma aravema hu'nesimoma atreno, ru vene a'ene monko avu'ava'zama hanimofona, Anumzamo keaga huzmantegahie.

Efesasi 5:17

E'i zanku tamagra negi vahe knara osutma, Rantimofo avesi'zama hanaza zankuke tamagesa antahiho.

Kolosi 3:5

Tamagripima ama mopafi kefo tamavutamava me'nesiana ahefriho. Ana avu'avara monko avu'avazama, agru osu avu'avazama, rumofo zantema kenunu hu'zama, havi agu'agesa antahizama, agraguke antahi avu'avazama, e'inahu avu'avazamo'a havi anumzante mono hunteakna hu'neanki atreho.

1 Tesalonaika 4:4

Tamagra mago magomotma tamavufga kegva nehutma, tamazeri agru nehutma, ruotge hutma maniho.

Galesia 5:19

Ama tavufgamofo avesi'zana amanahu'za me'negeta negone. Monko avu'avazane, agru osu avu'avazane, havi avu'avazane,

1 Joni 2:17

Ama mopane, maka'a avesi'zamo'a vgaregahie. Hianagi iza'o Anumzamofo avesi'ma amage'antesimo'a, manivava hugahie.

Matiu 7:21

Mago'a vahe'mo'za Nagriku, Ra Anumzanti, Ra Anumzantie nahaza vahe'mo'za, mona kumapina ovugahaze. Hianagi iza'o monafi nemnia Nfanimofi avesi'ma nevariri'samo'za ufregahaze.

Revalesen-Hufo Hu'ne 21:8

Hagi koro vahe'ene, zamentinti nosnaza vahe'ene, hi'manage zmavuzmavama nehaza vahe'ene, vahe zamahe nefriza vahe'ene, monko avu'avazamoma antahintahifima nentahiza, monkozama nehaza vahe'ene, avuatga ha' nehaza vahe'ene, havi anumzante mono hunentaza vahe'ene krunage nehaza vahe'mo'za, mizama erisazana, havere tevava nehia teve tirupi manigahaze. E'i nampa 2 fri'zane.

2 Tesalonaika 2:13

Hianagi tamagriku huta maka kna tagra Anumzamofona susu hunentone. Ramo'ma avesi'neramantea nenafugata e'se agafare Anumzamo'a tamagu'vazinaku huhampri' ramante'neankino, Avamuteti'ene tamage kerema tamentintima nehazageno, tamazeri ruotge hu'ne.

Hibru 10:36

Akohenka maninenka knazana erinka vanunka, Anumzamofo avesi nevaririnka, Anumzamo'ma huhampri kante'neazana erigahane.

Efesasi 6:6

Mopafi kva vahe'tmimo nermagesageta eri'zana erisunke'za muse hnaze osiho. Hianagi Krais kazokzo eri'za vahe nesampreta, tamagu'areti Anumzamofo avemanesia zanke hugahaze.

1 Korinti 7:2

Na'ankure monko avu'ava'za hu'zanku, mago mago vemo'a agra'a, a' antenkeno, mago mago a'nemo'a agra'a ve antegahie.

Aposol 15:29

Ana hu'neanki havi anumzamofo ami'nesia zane korama'a me'nenia ame'ane, anankema tagaosu zgagfa onetma monko'zana osugahaze. Tamagrama amazama osutma maniganeta manisazana knare hugahaze. Tamarimpa frune maniho.

1 Tesalonaika 5:18

Hakare'zampina Anumzamofona susu hunteho, na'ankure Jisasi Krasimpima e'inahu tamavutamavama huzankura Anumzamofona avenesie.

Maki 3:35

Iza'zo Anumzamofo avesizama amage'ma nentamo'za, nenaganaki nensaroki nenreraki hu'za mani'naze.

1 Pita 1:2

Anumzana Nafatimo'a, ko antahino keno hu'nea kante, Ruotge Avamumo tamazeri agru hu'nea nagamota, Jisas Kraisi amage'ma antageno, korama'a tagitreno sese huramante'nea nagamotma, asunku'zane rimpa fruzamo'a tamagrane aviteno mesie.

Hibru 13:21

Agri avesizama'a avaririzantema upama hanarera, maka knare zama'areti tamazeri knare hugahie. Hakare'zana Jisas Kraisimpi nehanunkeno Anumzamo'a muse hanie. Hakarea ra agia Agrake erivava hanie. Tamage.

Taitus 2:14

Tagriku huno Agra'a avufga atreno kefo'zampinti miza seranteno tvare atre'ne, Agri'a vahere huno sese huranteno, tvare Agrarega tante'negu, muse nehuta knare'zanke hanune.

Kolosi 1:9

Hanki e'iana agafare, tagrama tamagenkema antahuna knaretima e'neana, tagra tamagrira Anumzamo Agra'a avesite avamupi knare antahizane, antahi ama hu'zana antevitermantesiegu nunamuna huvava huta antahi'negone.

2 Korinti 12:21

Nagra ete'na ome tamagesua zupa, Anumzamo tamagri tamavufima nazeri nagaze huzankura kore hue. Na'ankure hakaremotma korapa kumitami'a tamagu'a rukrehe osu'naze. Tamagra savri avu'avaza nehutma, monko avu'avaza nehutma, agazehu avu'avaza hu tamaga tevava nehiazankura nagrira zavite nagesa nehie.

1 Korinti 1:30

Hu'neanagi, Agrama eri'nea eri'zamo higeta, Krais Jisasimpi mani'naze. Kraisi'a Anumzamofontegati knare antahintahi zantia efore hu'neana, e'i fatgo avu'ava'zane, mani ruotge huno mani'zane, miza hurante Ne' mani'ne.

Aposol 26:18

zamurga erihari hananke'za hani'zampintira atre'za msare egahaze. Hagi Sata hanavefintira Anumzamofo hanavere esageno, kumi'zamia atrezamantesnige'za, Nagrite zamentinti hazage'na, kumi'zmi eri fanane hu'noa naga'enena erigahaze huno hu'ne.

Joni 4:34

Jisasi amanage huno zamagrira zamasmi'ne, Nagri ne'zana aza'o hunantege'na e'nomofo avesite eri'zama'a eri vgare snugu hunantege'na e'noe.

Matiu 15:19

Na'ankure agu'afinti havi antahintahizane, vahe ahe fri'zane, monko'zane, arave osu'neno monko'za hu'zane, kumzafa sezane, havigegu eri tamage hu'zama, knare vahe'mofo huhaviza hunte'zana ne-e.

Matiu 12:50

Iza'o monafi mni'nea Nenfa avesi'zama amage'ma antesimo'a, agra nenagna'ene nensarozane, nenreraza mni'naze.

Kolosi 4:12

Epafrasi'a Krais Jisasi kazokzo eri'za ne' tamagri kumateti nekino, musenke atreramante. Agra tamagrikura tusi'za huno, Anumzamo'ma avesinea kante tamaza hanigeta oti hanavenetita, nena vahekna nehutma ana mikomotma hakare zampina ama hnazegu nunamuna maka zupa huneramantea nere.

Romu 6:22

Hu'neanagi menina kumimo'a kina reoramantegetma Anumzamofo kazokzo eri'za vahe'a mani'nazageno, e'i ana avu'avazampinti tamazahu'zana enerizageno, sese huramanteno tamazeri ruotage huno, manivava tamasimu tamamigahie.

Aposol 20:32

Hagi menina nagra Anumzante'ene, Agri asunku'zamofo kere maniho hu'na huneramantoe. Ama kemo'a tamazeri hanave netina, ruotage'ma hu'za mani'naza nagapi tamagra erisanti haregahaze.

Aposol 15:20

Hu'neanagi avo kreta amanage huta zamazeri haviza huzampintira manigneta maniho huta zamasmi snune. Havi anumzamofo ami'nesia zane, monko avu'avazane, anankema tga osu zgagfane, korama me'ne'nia ame'a oneho huta zamasmisune.

Joni 7:17

Aza'o agu'amo otinkeno Anumzamofo avesi'za huku hanimo'a, rempima nehuana agra antahino, Anumzamofonteti e'nefi, Nagrani'a navesite nehufi refko huno kegahie.

Hibru 12:16

Atrenkeno kefo avu'avazamo'a tamazeri traka nosina, koma Isoma Anumzamofo amagena hunenteno, ese mofavremo eri asomuma atreneakna osiho.

Romu 1:29

Zamagripina hakare havi kefo avu'ava zamo'a avitege'za, kefo zmuzma nehu'za, veva osu agraguke antahizane, vahe'mofo avesi onte'zama, antahi mugizama, vahe ahefri'zama, ke ha' huza kanive oreare huzama, krunage hu'zama, vahe'mofo fruge huonte'zama, vahe'mofo amefi ke hu'zane,

Revalesen-Hufo Hu'ne 22:15

Hagi avuatga ha' nehza vahe'mo'zane monko'za nehaza vahe'mo'zane vahe zmahe nefriza vahe'mo'zane, havi anumzante mono hunentaza vahe'mo'zane, krunage huzanku zmavenesiza, krunage nehaza vahe'mo'zane, kragna vahe'mo'za ana kumapi ovu'za fegi'a manigahaze.

Matiu 5:32

Ana hanigeno Nagra anage tmagrikura nehue, mago vahe'mo a' a'mo monko'za osu'nenigeno atre'siana, ana ne'mo'a ana ara huntesigeno monko'zana hugahie. Hanigeno iza'o, vemo'ma atre'esia a'ma erisia ne'mo, monko'za hugahie.

1 Tesalonaika 4:2

Na'ankure tagrama kasegema, Ramofo Jisasi hanavefima tamasamunketma ketma antahitma hu'naze.