1 Pita 3:8 - Kamano

⁸ Hagi makamotma magopi fru hutma nemanitma, vahe'mokizmia tamasunku hunezmantetma, kogna hutma nemanitma, tamagu'areti so'e tamavutma nehutma, tamagu'a anteramita maniho.

Anumzamofo Routage Avantafere

⁸ Hagi maka'motma magopi fru hutma nemanitma, vahe'mokizmia tamasunku hunezmantetma, kogna hutma nemanitma, tamagu'areti so'e tamavutma nehuta, tamagu'a anteramita maniho.

1 Pita 3:8 Referans Kwoze

Romu 12:10

Tamagra tamage hutma ovesinte avesinte nehuta, tamagra tamavufga anteneramitama, arumokizmi husga huzamanteho.

1 Pita 1:22

Tamagrama tamage kerema amagema antetma nevazazamo, tamazeri agru tamagu tamena higetma, neramafuma ovesinte avesinte tamagu'areti nehutma, tamaguareti hutma mago magomota ovesinte avesintea nehaze.

Efesasi 4:31

Rimpa hevava hu'zane, maka rimpa haviza huno ha' hu'zane, rimpa he'zane, rankege hu'zane, vahe zamefi'a ke hu'zana netretma, maka vahe kna zami'zana atreho.

Jemisi 3:17

Hu'neanagi monafinti erami'nea knare antahintahizana, ese'zana agru huno mani antahintahiza me'ne. Rimpa fruma huno mani'zane, miko kna akoheno mani'zane, rumofo ke antahimi'zane, asunku hu'zane knare'zane aviteno nemanie. Mago'mofonkuke hu'zana omaneno tamage avu'avake hu'zane.

Efesasi 4:2

Tamavufga anteramitma, agazone hutma ru vahe'ene nemnitma, ke hakare osutma fru hutma, vahe'mofo antahizamitma zamesi zamantegahaze.

Kolosi 3:12

E'ina hu'negu Anumzamo'ma huhampri ramantegeta ruotge hazageno'a, Agra tusiza huno avesiramantenegu, tamagra rumokizmia tamasunku huzmanteta zmazeri so'e nehutma, vahe'mofo knare tamavu'tamava hunezmanteta, anteramita nemanita, agazone tamavutamava nehuta, akoheno avega anteno mani tamavutmavara kukena hiaza hiho.

1 Korinti 12:26

Hagi mago kaziga avufamo ata hozama eri sigeno'a, mika'mo'za ana atazana erigahaze. Hagi mago kaziga'a avufamo ra agima erinkeno'a, ana miko avufamo'za muse hugahaze.

Matiu 18:33

Nagrama hugante'noaza hunka kazokzo eri'za negfuna kasunkura huontegahampi?

1 Joni 3:14

Tagra antahita keta hu'none, fri'zampintira atreta tasimu eri kaziga mani'none, na'ankure amentintima nehia nerafuna avesinentonkure. Iza'o rumokizamiguma avesi nontesimo'a, fri vahekna huno mani'ne.

1 Korinti 1:10

Nenafugata hanaveti'na tamantahinegoe, Rantimofo Jisas Kraisi agifi miko'motma mago tamarimpa ohunte ahunte nehanageno amu'nontamifi atane'zana omneno. Ana hanutma fatgo hutma magoke antahi'zampine, tamagesa antahi'zampinena eri mago hugahaze.

Aposol 4:32

Jisasinte zamentinti nehaza vahe'mo'za raru hu'za mago zamarimpare ene antahintahire nemni'za, tagri' zane hu'za osu'za havia mika'zana omiami nehu'za mani'naze.

1 Pita 5:5

Kahefa vahe'mota, anahukna hutma ugagota huramantenesaza ra vahe'mokizmi naneke antahizmita zamage anteho. Makamotma anterami tamavutamavara kukena hiaza nehutma, rumokizmi zmagorga umani emani hiho. Tamage huno avontafemo'a anage hu'ne, zmagra zmavufgama erisaga haza vahera Anumzamo'a ha'renezamanteno, zmavufgama anteramiza mni'naza vahera knare hunezmante. (Pro-Knr 3:34)

Hibru 13:1

Mono nagamota ovesinte avesitema hu avu'ava'zantamimo'a meno vino.

2 Pita 1:7

Anumzamofo avu'avazantetira, neramafuna knare tamavutmava hunezmanteta ovesinte avesinte hiho.

1 Pita 2:17

Maka vaheku husga hunezmantetma, maka zamentintima nehaza tamafuhe'ina zmavesinezmantetma, Anumzamofonku kore hunentetma, kini vahe'mokizmi zmagorga maniho.

Jemisi 5:11

Antahi'naze, knazampima ufre'za azeri agatere'naza vahera muse hiho hunezamantone. Jopu'ma knazampima kazigzi huno agatere'nea zamofo agenke'ane, henka'ama hunte'nea zamofona antahi'naze. Ramofompina asunku'zane, vahe'ma avesinteno asuraginte'zana avite'ne.

Jemisi 2:13

Na'ankure vaheku'ma kasunku huozmante vahe'moka, Anumzamo'a asunkura huogantegosie. Hianagi kagrama vahe'mofoma kasumantagintesanana, Anumzamo'a kagri'enena asuragigante'na vahe'ma refko huknarera, keaga hugante kemofona agateregahane.

Filipai 3:16

Hanki tamage kema, ko'ma antahi'nona kea azerikona hu'neta amage'antegahune.

Romu 15:5

Anumzamo knazantifima tazeri hankavetigeta kazigazi huta nevumo, Kraisimpina mago tamarimpama huzana tamisigeta, magoke huta manigahune.

Aposol 28:7

Ana kumate'ma me'nea mopagerfa, ana ti amunompi mopare ugagota hu'nea ne' Pabliasi'e nehaza ne'mofona, agupo mopa'a me'nea ne'mo, muse nehuno tavareno noma'are vuno, 3'a kna'mofo agu'afina tazeri so'e hurante'ne.

Aposol 27:3

Maseno ko'ati zupa Saidon uhanati'none. Juliasi'a knarere huno Polina huntegeno, amane vunka knampa ka'a ome nezmagenka, kzama hu'zana zamagripinti erigahane huno huntegeno vu'ne.

Aposol 2:1

Kasefa hoza vasage kna Pentikos ege'za, aposol nagamoza mago nompi atru hu'naze.

Proveps-Knare Nomaniza 28:8

Zagoma agrama trohu kazigatima ra zgo agima ahentesia vahe'mofona, ana zagomo'a agri kupina omanegosianki, zamunte omane vahe'ma zmavesinte'za kegvama huzmantesaza vahe'mo'za erigahaze.

Luku 10:33

Hianagi magora Sameria ne'mo'a ana ne'ma masenea kantega ne-eno, eme negeno asuragi ante'ne.

Efesasi 4:32

Agazone hutma vaheku tamasuntgi nezmantetma, Kraisimpi kumitia Anumzamo eri atre'rante'neankna hutma, kumi'zmia atre'zmanteho.

Filipai 2:3

Inankna zama hanaza zantera ra tamagesa ontahita, tamagragukera ontahiho. Hagi tamavufa anteramita, rumofona antahi nemita husga huzmanteho.