1 Pita 3:5 - Kamano

⁵ Na'ankure korapa knafi ruotge hu'za mni'naza a'nemo'za, e'inahukna hu'za zmavasesea hu'ne'za, Anumzamo'ma huvempama huzmante'nea zama fore'ma hanigu Anumzamofonte amuha nehu'za, ve'zamimofo agorga mni'naze.

Anumzamofo Routage Avantafere

⁵ Na'ankure korapa knafima ruotge hu'za mani'naza a'nemo'za, e'inahukna hu'za zmavasesea hu'ne'za, Anumzamo'ma huvempama huzmante'nea zama fore'ma hanigu Anumzamofonte amuha nehu'za, ve'zamimofo agorga mani'naze.

1 Pita 3:5 Referans Kwoze

1 Timoti 5:5

Ana hianagi agraku nemnisia kento a'mo, Anumzante amentinti nehuno hanine zgene nunamuna huno Anumzana antahigegahie.

1 Timoti 5:10

Ana kentomo knare avu'ava nehiaza negesageno, mofavre zga'a negrino, aru vahe agampu nehuno, mono kva vahe zamaga sese nehuno, knafi mani'nesaza vahe zamaza nehuno, ana eri'zama'a arimpa amino knare huno erigahie.

1 Timoti 2:15

Hu'neanagi a'nemo'za mofavrema kse nezmante'za, zamentinti nehu'za, ovesinte avesinte nehu'za, mani ruotage hu'za nemni'za, zamagu'ane zamagi'ene, kva hanaza zamo knare mani'za erigahaze.

Aposol 9:36

Jopa kumatera Jisasi amage nentea a'mofo agi'a Tavita'e. Ana a'mofo agima (Griki kefi eri rukarehe'ma hazana Dokasi'e hu'naze. Ama ana agimofo agafa'a, dia afure hu'ne) agripina knare eri'zamo avite'negeno upa'ma nehu'za zamasunku zampima nemaniza naga miko zupa zamaza hu'ne.

Luku 2:37

Ana a'mo kentoza huno maninegeno kafuzage'amo'a 84'a hu'negeno mono nona notreno, monora Anumzamofona hunenteno, neza a'o huno nunamuna kenage'ene feru enena nehuno manine.

Proveps-Knare Nomaniza 31:30

Mago a'mo'ma fru huno knare avu'avama haniazamo'a krevatga hanigeno, agi agonama keganunuma hananazamo'a, fanane hugahie. Hianagi Ra Anumzamofoma koro hunteno agorgama nemanisia a'mofona, husga huntegahaze.

Hibru 11:11

Sera'enena tavavategeno avufgamo'a haviza hu'neanagi, amentinti nehuno Anumzamo'ma huvempa hu'nea kemo'a nena'a fore hugahie higu, mofavre kasentene. (Jen-Agf 17:19, 18:11-14, 21:2)

1 Timoti 2:10

Hu'neanagi Anumzamofo amage' nentonema hanaza a'nemo'za, knare avu'ava nehu'za, ana avu'avateti knare avasese hiaza hu'za hugahaze.

Aposol 1:14

Maka ana naga'mo'za magoke antahintahifi maka'zupa nunamu nehu'za mago'a a'nene, Meri Jisasi nerera'zane, Jisasi nefu'za mani'naze.

Proveps-Knare Nomaniza 31:10

Izaga knare avu'ava ene ara erigahane? Na'ankure e'inahukna a'mo'a, zago'amo marerisa havea agaterene.

Efesasi 5:33

Anahuga hianagi, amu'nontamifina mago mago'mo'a nenaronkura avesi nenteno agra avufagu agesa nentahiankna nehnigeno, nenaro'a anazanke huno nevena antahi nemino ke'a erizafa hugahie.

1 Pita 1:3

Ranti Jisasi Kraisi Nefa Anumzamofo agi'a erisaga hanune, Agri'a tusi'a asunkuzamo higeta, tagu'a rukrehe hunkeno kasefa tasimura tamigeta, Jisasi'ma friteno oti'nea zankura amuhara nehune.