1 Pita 3:4 - Kamano

⁴ Hianagi tamagu'afi havizama osania avasesezana, fru huno akoheno mani avasese'za hiho. E'inahu avasese zanku Anumzamofona avenesie.

Anumzamofo Routage Avantafere

⁴ Hianagi tamagu'afi havizama osania avasesezana, fru huno akoheno mani avasese'za hiho. E'inahu avasese zanku Anumzamofona avenesie.

1 Pita 3:4 Referans Kwoze

Kolosi 3:12

E'ina hu'negu Anumzamo'ma huhampri ramantegeta ruotge hazageno'a, Agra tusiza huno avesiramantenegu, tamagra rumokizmia tamasunku huzmanteta zmazeri so'e nehutma, vahe'mofo knare tamavu'tamava hunezmanteta, anteramita nemanita, agazone tamavutamava nehuta, akoheno avega anteno mani tamavutmavara kukena hiaza hiho.

Romu 2:29

Tamage Jiu vahema mni'nakuma hanuza, kasegemofo amage antegahaze. Tamage oku avufgama tga huzana agu'afi tumo'amofo Anumzamofo Avamumo erifore hugahianki, amega avufgare erifore osugahie. E'inama nehaza vahe'mo'za vahe'mofo tegatirompage, Anumzamofontegati ra zmagima erisaza zanku nehakaze.

Matiu 11:29

Nagri agarenmare zafa eri kofinetma, Nagriteti rempi hiho. Na'ankure Nagra akohena nagu'a antefru hu'na nemanue. Hanigeno tamagu'amo'a fru hugahie.

Taitus 3:2

Zamagra mago mofonkura amefiga'a kea huonte'za, agazone zampi nemni'za, zamarimpa fru hu'za mani'ne'za, maka vahera agazone huzmanteho,

Matiu 23:26

Tamavu asuhu Farisi vahekure, pusantera zompane kapumofona agu'afi sesehugeno, amega avufamo'a anahu kna huno avusese hino.

Romu 7:22

Nagra Anumzamofo kasegea ana miko nagu'areti navesinentoe.

2 Korinti 4:16

Ana hu'negu tavresra nosie. Tamage tavufgamo'a frino negasrianagi, knane knanena avamutimofona erikasefa nehie.

1 Tesalonaika 4:11

Tamagra fruma huno manizankura hanavetitma maninetma, tamagra'a erizana eriho. Koma hihoma hu'na tamasami'nonaza hutma, tamagratami tamazanu eri'zana erigahaze.

Efesasi 4:2

Tamavufga anteramitma, agazone hutma ru vahe'ene nemnitma, ke hakare osutma fru hutma, vahe'mofo antahizamitma zamesi zamantegahaze.

1 Pita 3:15

Hianagi tamagu'afina Kraisina atrenkeno ruotge huno Rana nemanina, tamagrama fore'ma hanigu amuhama nehutma tamentintima nehaza zanku'ma tamantahima kesageta, maka knafina tro hutma mni'netma, antahinezamita akohetma fru kefinti kenona hunezmanteta,

1 Timoti 2:2

Kini vaheku'ene maka kva krinerantaza vaheku'ene nunamu huzmante'sune, ana nehnunke'za kva huso'e nehnageta, agzone huta, fruzampi Anumza avu'avate ene fatgo mani'zampi so'e huta magoke'pi manigahune.

Luku 11:40

Tamagra negi vahe mni'naze, Agra amegama troma hunemo'a, agu'afinena trora osunefi?

Jemisi 1:21

E'ina hu'negu mika agru osu avu'avazana erinetreta, tamagu'afima kefo avu'avazama me'nesiana erinetretma, anteramitma, tamagu tamema tamaguma vazisia nanekema Anumzamo'ma tamagu'afima hankre'neana eriho.

2 Timoti 2:25

Fru huta fru kefinti ke hakare hurmantesamokizmia zamazeri fatgo hiho. E'ina hanageno ana ke ontahisaza vahera Anumzamo zamaza hina, zamagu'a rukrahe nehu'za tamage kea antahi'za keza hugahaze.

2 Tesalonaika 3:12

Menina e'inahu vahe'mofona, Ramofo Jisas Kraisimpina hanavege huta zmazeri hanave'netita, akohe'za mni'ne'za zamagrazmi zamazampinti erizana eri'za, nomanizazmia retro hu'za maniho huta nehune.

Matiu 5:5

Akohe'za nemanimokizmia Anumzamo asomu huzmantegahie. Na'ankure maka mopa zamisige'za erigahaze.

Romu 6:6

Tagra antahinone kumi tavutavazana Jisasi'ene rugeka zafare hantigeno, kumimofo hankavea tagripintira eritrene. Tagra mago'ane kumimofo kazokzo eri'za vahera omani'none.

Luku 16:15

Hu'neanagi Jisasi'a amanage huno zamasmi'ne, vahe'mofo zamavurera tamagra fatgo vahere hutma nehazanagi, Anumzamo'a tmagu'a ke'ne. Na'ankure vahemo'zama kanarezantfa me'ne nehaza'zamo'a, Anumzamofo avufina havizantfa me'ne.

1 Pita 1:23

Na'ankure tamagra kasefama hu'nazana, haviza nehia avimazanteti rompage, haviza osu avimzama Anumzamofo mevava kea asimu me'nea ke'areti kasefara hu'naze. (Jon 3:1-9)

Kolosi 3:3

Tamagra frizageno, tamasimumo'a Kraisi ene frakino Anumzamofompi me'ne.

Galesia 5:23

akoheno fru avu'ava hu'zane, agra'a avesiza kegva huzamofona mago kasegemo'a hara reontegahie.

2 Korinti 10:1

Nagrani'a Poli'na, Kraisi anterami avu'avazampinti'ene fru avu'avazanteti tamantahinegoe. Nagra tamagranema mani'nena fru avu'ava huramante'noanagi, afete'ma mani'nena hanave naneke huneramantoe.

Matiu 21:5

Saioni mofara anage hunka asmio, ko, kagri kinimo'ma kagritega ne-eanki, avufa anteramino, donki agumpi manino, ve agaho donkifi, ne-e. (Zek 9:9)

Romu 1:23

Hagi zamagra manivava Anumzamofo ra agima amigazana, erimare'za fri'naza vahe'mofo amema'agi, nmaramimofo amema'agi, 4'a agazane zagagfamofo amema'agi, zmurugufati vano nehaza zgaramimofo amema'a tro hunte'naza zante ra agi nemize.