1 Pita 3:22 - Kamano

²² Hagi Jisasi'ma monafinka vuno Anumzamofo azantmaga umani'nege'za, maka ankero vahe'mo'zane, kegva hu'nazamozane, hanavemo'za, Agri agorga'a mani'naze.

Anumzamofo Routage Avantafere

²² Hagi Jisasi'ma monafinka vuno Anumzamofo azantmaga umani'nege'za, maka ankero vahe'mo'zane, maka avamutamimozane, maka hanavezmima me'nea zagaramimo'za Agri agorga'a mani'naze.

1 Pita 3:22 Referans Kwoze

Hibru 9:24

Na'ankure Kraisi'a vahe'mo azanu ki'nea mono nompina uofrene. Hagi mona kumapi tagriku huno Anumzamofontera amuno nera mani'ne. Mono hunte'naku kintenaza mono nompi Agra uofre'ne. Na'ankure monafinka me'nea mono nomofo avame'zane.

Hibru 12:2

Tagra tavuraga Jisasinte kentesune, tamentintima azeri knarema huzamofo agafa'a mani'ne. Na'ankure Agranena musezamo avega'antenegeno, agazegura osuno kazigazi huno knazana erino keka zafarera vuteno, menina Anumzamofo azantamaga kaziga mareri agaterenea tratera mani'ne.

Hibru 10:12

Hianagi tagri Ugagota Prisi nemo'a magoke zupa tagri knare zanku, Agra'a avufga Anumzamofo amigeno, kumitigura avufa agu'zarutegeno, Agra Anumzamofo azantamaga kaziga mani'ne. (Sam-Zga 110:1)

Maki 16:19

Anage huno zamasmitegeno, Anumzamo'a Jisasina avareno monafi marerino, azantmaga kaziga ome antegeno mani'ne.

Hibru 8:1

Tagrama nehunazamofo agafa'a ama'ne, tagrira Ugagota Prisi ne'tia monafinka mreri agaterenea kini trate Anumzamofo azantamaga kaziga mani'ne.

Hibru 6:20

Jisasi'ma tagri tagi erino vugoteno ufrenemo, Melkisedeki nona erino mani'vava Ugota Prisi nera mani'ne.

Kolosi 3:1

Kagrira Kraisi'ene fripinti Anumzamo'a kazeri otinegu, kagu'a monafinka me'nea zantaminte anto, Kraisi'ma Anumzamofo azantamaga kazigama mani'nere.

Romu 8:38

Nagrama hankave antahintahima nentahuana, frizamo'o, asimu erino manizamo'o, ankeromo'zo, havi avamumozo, meni fore nehza zamozo, henka'a fore hanaza zamozo, mago'a hihamu hankvemozo,

Romu 8:34

Iza huhaviza hurantegahie? Ko Jisas Kraisi'a tagrikura efrino otino Anumzamofona azantmaga kaziga umani'neno, tagri tagi erino Anumzamofontera nunamuna hunerante.

Matiu 22:44

Ramo'a nagri Rantega anage hu'ne, tmaga kzigani'a mni'negena, ha' vaheka'a zmare kagri kagafi ataneno hu'ne. (Sam-Zga 110:1)

Hibru 1:3

Ne'mofavre'amofompi Anumzamofo msazama'amo'a remsa nehigeno, Agrikna huno mani'neno, Agri'a hanave ke'areti maka'zana erigasefa huno nevuno, kumi'ma eri agruhu eri'zama eriteno, Marerisgahu Anumzamofo azantamaga kaziga monafinka mani'ne.

1 Korinti 15:24

Anantera mika'zama vgare knamo esigeno, Jisasi'a maka hanave kumatamine vahe'ene, ugagota kva vahe ene mika ama mopafi hanavema zmahe fanane hute'nuno'a, Kraisi'a hanave'a Nefa Anumzamofo azampi antegahie.

Aposol 3:21

Ama ana Nera monamo avare'anagamu tenesigeno umani'nenigeno, Anumzamo'a mika zana azeri kasefa hugahie, Anumzamo ko' huama hu'ne, korapa knafima ruotge kasnampa vahe'mofo zamagipi huvempa hu'naze.

Aposol 1:11

anage hu'na'e, Galili vahe'mote na'a higetma amarera oti'netma monafinka negaze? Ama ana Jisasi tmatreno monafi negageno mreri'neaza huno, ete anahu kna huno egahie, huke zamasmi'na'e.

Maki 12:36

Ruotge Avamumo Daviti azeri otigeno amanage hu'ne, Ramo'a anage huno Ranimofonkura hu'ne, Nazantmaga kaziga trate manige'na, ha' vaheka'a kagafinka azeri fenkamu atraneno hu'ne. (Sam-Zga 110:1)

Hibru 1:13

Hianagi ina ankeronku Anumzamo'a huno, kagra nazantamaga kaziga mani'negena ha' vaheka'a zamazeri kaga tra antaneno hu'ne? (Sam-Zga 110:1)

Luku 20:42

Na'ankure Deviti'a zgame avontafepina huno, Ramo'a nagri Ramofonku huno, nazantmaga kaziga mani'negena,

Matiu 28:18

Anante Jisasi zmagrite eno amanage hu'ne, maka monafine mopafinema kegvahu hihamu'a, Anumzamo'a ko Nagri namine.

Hibru 1:6

Hagi zage mofavre'ama avreno ama mopafima ne-eno'a, atrenkeno ana miko Anumzamofo ankeromo'za mono hunteho hu'ne.

Hibru 4:14

E'ina hu'negu tagrira mareri ageteresa prisi nera monafinka ufrenemofonte, Anumzamofo Ne' Mofavrere Jisasinte tamentintia azeri hankavetisune.

Joni 13:32

Anumzamo ra agi Agriteti eritesuno'a, anazanke huno Anumzamo ra agi Agrira amigahie, nehuno hantaka'a ra agi amigahie.