1 Pita 1:6 - Kamano

⁶ Anazama erisaza zankura muse nehazanagi, ama atupa knafina ruzahu ruzahu knazama e'nerisageno,

Anumzamofo Routage Avantafere

⁶ Anazama erisaza zankura muse nehazanagi, ama atupa knafina ruzahu ruzahu knazama e'nerisageno,

1 Pita 1:6 Referans Kwoze

Jemisi 1:2

Nenafugta knazampima ufresutma, muse zane hutma tamagesa antahiho.

1 Pita 5:10

Hanki atupa'a knafi tamatazana erigahazanagi, tamagri'ma Kraisi manivava msa'afima tamagima hu'nea Anumzamo'ma tamazeri knaretfa nehuno, knare hu'naze huno huneramanteno, tamazeri hanavetina, oti hanavetita manigahaze.

Romu 12:12

Fore hanigu hankave antahintahima hunemiza zankura musena nehuta, tusi'a knazama fore'ma hanigetma kazikazi huta nevutma nunamu huvava hiho.

Romu 5:2

Na'ankure Kraisimpi tamentinti hu'nazamo tavreno amama mreri agatere'nea kumapi efregeta menina otineta, hankavea e'nereta, Anumzamo'ma msazama'anema esigura avega ante'nonazamo higeta musena nehune.

Matiu 5:12

Kaninkaha hutma muse hiho, na'ankure avamutami'amofo fenozana rama'a monafinka me'ne. Na'ankure korapara kasnampa vahera anahukna hu'za zamahe'naze.

Joni 16:33

Ama'ina naneke Nagra neramasmuana, Nagripinti tamarimpa fru erigahaze. Ama mopafina hazenke zane, kasuzamo egahianagi, oti hanavetiho, na'ankure Nagra ama mopa hago agtere'noe.

Joni 16:22

E'i ana hu'negu tamagra menina zavira netaze, hianagi Nagra henka nermagesugeno, tamagu'amo muse nehina, mago'mo ana musezana tamagripintira eri otregahie.

Matiu 11:28

Ana'ana nehuta mragu'za netinkeno, knama tamavenesinimota nagrite enkena tamazeri fru haneno.

Romu 5:11

Hu'negu Rantimofo Jisasi Kraisimpi Anumzamofona musena huntegahune. Na'ankure Rantimofo Jisas Kraisimpi ete mago'ane, Anumzamo'a tazeri mago hu'ne.

Aposol 14:22

Zanagra Jisasi amage' nentaza disaipol naga zamagu'a zamazeri hanaveti ke hunezmasmike, hanavetita tamentintifina maniho, Anumzamofo kumapima vunakuma hanuta, rama'a knazampi ufreteta henka vugahune hu'na'e.

Luku 10:20

Hianagi havi avamumo tagri ketia antahino amage antene hutma musena osiho. Hanki tamagri tmagima Anumzamo'ma monafi krente'neazanku musena hiho.

1 Pita 4:7

Makazama vgaresia knamo'a, hago kofta hie, e'ina hu'negu antahintahia hu so'e nehutma, nunamuma hu tamavutamavamofo azeri hanavenetita, kazigazi hutma viho.

Jemisi 4:9

Kumima nehaza zankura tamasunku nehutma, krafa hutma zaviteho. Kiza zokagoma nehazazana netretma, zavi krafa nehutma musema nehaza zana atretma tamasunku hiho.

2 Korinti 4:17

Hanki meni tagritema osi knazama fore nehiazamo'a, tagrira monafima umani vava hanunaza retro huneranteankita, knare huta monafi umani vava nehuta, knarezama omerisunazamo'a, makazana agateregahie.

Jemisi 1:9

Mago'mo amunte omne'nenigeno, Anumzamofo amage nentenimo'a muse hino, Anumzamofo avurera ra agi erine.

Filipai 3:3

Tagra tamage tavufa tgahu vahe mani'none. Na'ankure Anumzamofo Avamupi husga huta Krais Jisasina mono hunenteta, vahe'mo'za zamufama tga nehaza zampina antahi muhara nosune.

2 Korinti 6:10

Tasuzampi mani'nonanagi, muse huvava nehune, tamuntera omane'neanagi, rama'a vahe zmaza hunke'za feno vahera nemnize. Fenona onte'nonanagi (avamupina) feno vahekna nehune.

1 Tesalonaika 1:6

Tamagranena, tagrama nehunaza tavaririta nehuta, Ramo'ma nehiankna nehutma, tamagra Anumzamofo naneke e'nerizageno, rama'a knazana neramizanagi, Ruotge Avamumo tamazeri otigetma muse nehaze.

Filipai 4:4

Hakare zupa Ramofonkura muse hiho, ete mago ene neramasmue, muse hiho!

Galesia 5:22

Hianagi Avamumofo avu'avazana avesinte'zane muse'zane, rimpa fru'zane, akoheno mni'zane, vahe so'e hunte avu'ava zane, knare avu'ava hu'zane, ke amage'anteno avariri fatgohu avu'avazane,

Romu 9:2

Tusi'a nasuza enerugeno, tumo niamo'a nata krivava nehie.

Filipai 2:26

Na'ankure agra maka'motma tamagezanku hugeno antahintahi'amo kna higeno avufa ata eri'ne. Na'ankure tamagra krima eri'nea kema antahi'nagu ana hu'ne.

Luku 2:10

Hianagi ankeromo anage huno zmasami'ne, kore osuta antahi so'e hiho, nagra knare musenke eri'na neonkino, maka ama mopafi vahe'mo'za tusi muse hugahaze.

Luku 1:47

nagri avamunimo'a naguvazi Anumzamofo agafa huno muse huntene.

Matiu 26:37

Pita nevreno Zeveti ne'mofavrea zanagri kogna Jemisine Jonine znavreno nevigeno agafa huno rimpamo tusi kna avenesigeno agu'amo haviza nehigeno,

1 Pita 3:17

Na'ankure Anumzamofo avesi'ma me'nenigeta tagrama knare tavutavama nehanunke'zama, tazeri havizama hanazana, knare hugahie. Hianagi tagrama havi tavutavama hanunte'ma, knama tamisazana havizantfa hugahie.