1 Korinti 5:11 - Kamano

¹¹ Hu'neanagi nagrama avoma krerami'nofina, mago ne'mo'ma Kraisinte namentinti nehue nehuno, monko avu'avaza nehuno, vahe zante kenunu nehuno, havi anumzante mono hunenteno, vahe huhaviza hunenteno, aka ti neno neginagi neneno, havige huno kumzafa zante hania vahe'enena, tragoteta ne'zana onetfa hiho hu'na hu'noe.

Anumzamofo Routage Avantafere

¹¹ Hu'neanagi nagrama avoma krerami'nofina, mago ne'mo'ma Kraisinte namentinti nehue nehuno, monko avu'avaza nehuno, vahe zante kenunu nehuno, havi anumzante mono hunenteno, vahe huhaviza hunenteno, aka ti neno neginagi nehuno, havige huno kumzafa zante hania vahe'enena tragoteta ne'zana onetfa hiho hu'na hu'noe.

1 Korinti 5:11 Referans Kwoze

Romu 16:17

Nafu nagnahete, hankavetina ama kea neramasamue, Amu'notamifima atane'zama avrenente'za, koma rempi huramigeta antahi'naza ke'ma, havigeretima eme rempi huramiza tamentintima eri kragogo negiza vahekura, kva hunetma mani kore hutma ogantu'a maniho.

2 Tesalonaika 3:14

Iza'o ama avompima kre'nona kemofoma amagema ontesimofona, anamofona kenihunetma, agranena tragoteta omaninkeno agra agazegu hino.

2 Tesalonaika 3:6

Menina nenafugata anage huta hanave kea neramasamune, Ranti Jisasi Kraisi agifina, erizama eri naneke rempima hunezamunke'za novaririza, feru nemaniza tafuhe'ina zmatretma ogantu maniho.

Matiu 18:17

Hanigeno agrama antahi oramisiana, mono kevumofo asami'o. Hanankeno mono kevumofo ke ontahisiana, atregeno agra mono ontahi vahero, havige huno takesi zgo eri vahekna vahe manino.

1 Korinti 5:13

Hu'neanagi Anumzamo megi'a mni'naza vahera refko huzmantegahie. Amu'nontamifinti havi avu'ava'ma hania nera, tamagra'a ahenati atreho. (Diu-Kas 17:7)

2 Joni 1:10

Mago'a vahe'mo'ma kagrite eno, rempima hu'nea tamage kema erino omesimofona, avarenka nonka'afina antege, mago'a huso'e hunka agazone kea huonto.

Revalesen-Hufo Hu'ne 22:15

Hagi avuatga ha' nehza vahe'mo'zane monko'za nehaza vahe'mo'zane vahe zmahe nefriza vahe'mo'zane, havi anumzante mono hunentaza vahe'mo'zane, krunage huzanku zmavenesiza, krunage nehaza vahe'mo'zane, kragna vahe'mo'za ana kumapi ovu'za fegi'a manigahaze.

Revalesen-Hufo Hu'ne 21:8

Hagi koro vahe'ene, zamentinti nosnaza vahe'ene, hi'manage zmavuzmavama nehaza vahe'ene, vahe zamahe nefriza vahe'ene, monko avu'avazamoma antahintahifima nentahiza, monkozama nehaza vahe'ene, avuatga ha' nehaza vahe'ene, havi anumzante mono hunentaza vahe'ene krunage nehaza vahe'mo'za, mizama erisazana, havere tevava nehia teve tirupi manigahaze. E'i nampa 2 fri'zane.

1 Timoti 3:3

hanave rina neno negi oneno, hafra osuno, hagi arimpa fru nehuno, ke hakare osuno, zgogu avesinte'zana atreno.

Matiu 23:25

Kva hiho, kasegere ugagota hu'naza vahe'ene, Farisi vahera, tamagi'ari hutma tavre vahe mni'naze. Na'ankure amega kapumofone, zompamofona tamagra azeri avusese nehaze. Hianagi zmagu'afina kumzafa'sezane zamagraguke huzamo avitene.

Revalesen-Hufo Hu'ne 2:20

Hianagi Nagra anage hu'na hanaveti'na keaga hugantegahue. Jesebelina kasnampa a' mni'noe nehia ara atrankeno, kagrane mani'neno, kazokazo eriza vaheni'a rempi hunezamino, zmavreno havi kante nevige'za, monko avu'avazana nehu'za, havi anumzante kresramna vunte'nea ne'zana ne'naze.

Efesasi 5:5

Na'ankure tamagra antahi ankere'naze, monko'za nehza vahe'ene, kefo avu'ava nehaza vahe'ene, vahe'zante kezmasane nehaza vahe'ene, havi anumzante mono hunentaza vahe'mo'za, Kraisine, Anumzamofo kumara e'origahaze.

Luku 21:34

Jisasi'a mago'ane anage hu'ne, tamagra kva hiho. Ru negi ti neta negineneta, makazana kva huso'e nosuta, tmavufamofo zanku antahintahi hakare hanagi, e'inahuma hanageno'a krifumo zgagafa azeriankna hu'nenigeno, ana knamo'a ame huno onkesageno tmagritera efore hugahie.

1 Korinti 6:10

kumzafa vahe'ene, vahe'zante kenunu nehia vahe'ene, aka ti neno havia huno neginagi nehia vahe'ene, vahe'mokizmi zmarimpa zmazeri havizahu ke nehaza vahe'ene, krunage nehaza vahe'mo'za, Anumzamofo Kumapina uofregahaze.

Kolosi 3:5

Tamagripima ama mopafi kefo tamavutamava me'nesiana ahefriho. Ana avu'avara monko avu'avazama, agru osu avu'avazama, rumofo zantema kenunu hu'zama, havi agu'agesa antahizama, agraguke antahi avu'avazama, e'inahu avu'avazamo'a havi anumzante mono hunteakna hu'neanki atreho.

1 Korinti 8:11

Ana hu'negu mreri antahi'zanka'amo hanave'a omne'nesia antahi'zane mono naga, Kraisi zamagriku huno fri'nesia naga zmazeri haviza hugahie.

1 Korinti 6:6

E'ina hugaragi, mono ne'mo'ma, mono nefuma keaga huntenakura, avreno fegia vahe'mofo zamufi hunente.

Romu 13:13

Ana hu'negu msarema nehazankna huta knare tavutava nehuta, hanizamofo muse zampina omanita, aka tina oneta neginagi osuta, monkozana nosuta, monko avu'ava huzampina omanita, mago rimpa osu avu'avazampine omnita kanive oreho.

Revalesen-Hufo Hu'ne 2:14

Hianagi Nagra osiazanku kea kagrikura huza hue, na'ankure mago'amo'za Baramu'ma rempima Barakima humino, Israeli vahema kumi hihogu zmazeri trakama hukema huno, havi anumzante kre sramna vuntenaza ne'za nene'za, monko avu'avazama hihoguma hu'neazana kagra antahinane.

1 Timoti 6:5

maka'zupa zamagu'amo knare osu'nea vahe ene fra nevziza, zamagu zamagesamo haviza hu'nea vahe'mo'za tamage kea nosaze. Zamagrama antahi'zana Anumzamofo nanekefintira feno erisanti haregahune nehaze.

Efesasi 5:18

Waini tina netma negia oneho, na'ankure anazamo tamazeri haviza hugahie. Hianagi atrenkeno Avamu'mo tamagu'afina avitena,

Galesia 2:12

Na'ankure Jemisima huzmante'nea vahe'mo'zama omenageno'a, Pita'a knare huno megi'a vahe'enena magopinti ne'zana netere hu'ne. Hianagi mago'a vahe'ma Jemisi'ma huzmantege'za neageno'a, Pita'a anamokizmia zamatreno agragu umanine. Na'ankure zamufga tga hu'naza vaheku koro hu'no'e.

1 Korinti 11:21

Na'ankure tamagrama ne'zama neneta ruga'amokizmigura zmavegaonte ko nenaze. Mago amo'za zamaga ene nemanizageno, mago'amo'za negi ti nene'za tusi neginenaze.

1 Korinti 10:14

E'ina hu'negu knare rone'nimota havige anumzantetira manigneta maniho.

1 Korinti 7:15

Hu'neanagi amentinti nosanimo ve atre, a' atre hukuma haniana, zmaze'ori zmatrenke'za ana hiho, amama mani'naza nomani'zanpina nerafuno, neresarono mago'zamo'a kina reozmanteno. Hianagi tarimpa frune manisunegu, Ra Anumzamo tagi hu'ne.

1 Korinti 7:12

Ruga'amotagu anage nehue, Ra Anumzamofo keompage nagra nehue, mago neramafu a'mo amentinti nosnianagi, agri ene muse huno neminsigeno'a, agra nenarona otregahie.

Aposol 9:17

Huno higeno, Ananaisi otino mani'nea nonte vuno, azama omenteno nunamuma hunteteno anage huno asami'ne, nenafu Soliga, kantegama neankeno, Ra Jisasi'ma kagrite efore'ma hu'nemo, kagrama etenka kavu negenka, Ruotge Avamura eri avitesane huno hunantege'na nagra e'noe.

Luku 18:11

Farisi ne'mo'a otineno anage huno agra'agu nunamu hu'ne. Anumzamoka nagra susus huna muse nehue, mago'a vaheknama osu'na havige huno musufa nesea vaheknara nosuna, kefoza nehaza vahekna osu'na, arave netanaza vahekna nosuna, ama takesi zgo eneria ne'kna osu'noe.

Aposol 1:15

Ana knafina zamentinti nehaza nagapinti Pita'a 120ti'a naza naga amu'no zamifi otino anage hu'ne.

1 Korinti 6:9

Anumzamofo Kumara fatgo osu veamo'za erisanti ohregahaze hu'nea kea tamagra ontahi'nazafi? Atrenkeno tmagri'a antahintahimo'a tmazeri havia osino! Monko avu'ava'zamo azeri haviama nehia vahe'ma, amema'a omne zante monoma hunentea vahe'ma, ru vemofo a'nene, aravema hu'nea vemo'o, a'mo'ma atreno ru vene savri nehiane, vene'nemo vene'nene monko'za nehia vahe'mo'zane,