1 Korinti 2:14 - Kamano

¹⁴ Hu'neanagi Anumzamofo Avamu ene omani'nea vahe'mo'a, Anumzamofo Avamutegati esiazana e'origahie. Na'ankure zmagra anazama kesazana neginagi zankna hanige'za, antahi'amara osugahaze. Na'ankure zamagra Avamu'mo zmaza hanige'za antahi ankeregahaze.

Anumzamofo Routage Avantafere

¹⁴ Hu'neanagi Anumzamofo Avamu ene omani'nea vahe'mo'a, Anumzamofo Avamutegati esiazana e'origahie. Na'ankure zamagra anazama kesazana neginagi zankna hanige'za, antahi'amara osugahaze. Na'ankure zamagra Avamu'mo zamaza hanige'za antahi ankeregahaze.

1 Korinti 2:14 Referans Kwoze

1 Korinti 1:18

Fnanema hanaza vahe'mo'za keka zafamofo nanekegura neginagi naneke hu'za nentahize. Hu'neanagi tagri'ma tagu'vazino tavre'nea vahe'mota, e'i Anumzamofo himamu'e huta nehune.

1 Joni 2:27

Hagi menina tamagriku huno, huhampri ramante'neaza Avamura Agripinti eri'nazageno tamagu'afi mani'neanki mago vahe'mo'a huramagesa huzankura ontahigahaze. Hu'neanagi Agri Avamu'mo maka'zana rempi huramigahiankino havi kea osu tamage hugahie. Tamasmi'nea kante antetma Agripi manigahaze.

1 Korinti 15:46

Hu'neanagi esera monare avufga fore osu'ne. Hagi esera mopare avufga fore hutegeno, henka monare avufga fore nehie.

Juti 1:19

E'ina vahe'mo'za amu'no tamifina atane'zana avare'neramize. Zamagra ama mopafi vahe'mofo antahintahi nevaririze. Na'ankure Anumzamofo Avamumo'a' zamagripina omanine.

Jemisi 3:15

E'inahukna havi antahintahizana, monafintira nomeanki, ama mopafi kefo hankrotegati ne-e.

1 Joni 2:20

Hianagi anage hu'na nehue, Ruotage'ma Hu'nemo, Anumzamo tmagrira huhampri ramantegeta, maka'motma ko antahi'naze.

1 Korinti 15:44

Asentesnia avufga mopafi avufga asentegahie. Azeri otisnia avufga, monare avufga azeri otigahie. Ana hu'negu mopare avufga me'nesigeno'a, anazanke huno monare avufgane megahie.

1 Korinti 2:12

Menina hago Avamura eri'none, ama mopafi avamurompage Anumzamofontegati Avamure, e'ina hu'negu Anumzamo amne neramiazane antahita keta hugahune.

Proveps-Knare Nomaniza 14:6

Hagi kiza zokago kehu vahe'mo'ma, knare antahizanku'ma hake'suno'a, keno eri fore osugahie. Hianagi ama' antahizane vahe'mo'a, fru huno antahizana erigahie.

Joni 12:37

Jisasi'a rama'a kaguvaza (mirakol) huzmeri hu'neanagi, zamagra zamentintia Agritera osu'naze.

Joni 5:44

Tamagra inankna huta tamentintia hugahaze, tamagri'ma ru vahe'mo'za tmagima erisaga nehazana, magoke Anumzamo tmagri'ma muse hurmante'sia zankura ohakre'gahazo?

Matiu 16:23

Hianagi Jisasi'a rukrahe huno Pitankura anage hu'ne, maniganenka namefi evuo Sataga! Nagri kana rehiza nehane, na'ankure kagra Anumzamofo antahintahi e'norine, vahe'mofo antahi'za e'nerine.

Joni 14:26

Hianagi tmaza hu'zana, Ruotge Avamu, Nenfa'a Nagri nagifi huntesigeno eno, Agra maka'zanku eme rempi huramigahie. Nagrama maka'zanku tmasmi'noana hurmagesa hugahie.

Aposol 16:14

Mago ara agi'a Lidia'e nehaza a'mo knare konariri'ane fitu tavrave hatino zagore netrea a'mo, Taitaria rankumateti a' mani'neno Anumzamofonte mono hunentea a'mo kema hu'na kea antahi'ne. Anumzamo'a agu'a eri rukrehe higeno Poli'ma hiankea antahi'ne.

Joni 8:43

Nahigeta kema hua nanekea antahi amara nosaze? Na'ankure Nagrama hua nanekea antahi ama nosazagu, ana nehaze.

1 Korinti 1:23

tagra Kraisi rugeka zafare ahe'za hanti'naza naneke huama nehunazamo'a, Jiu vahe'mokizmia zmagigo zamino zmazeri tanafahu havegna nehuno, megi'a vahetera neginagi nanekegna nehie.

1 Joni 5:20

Tagra antahita keta nehune, Jisas Kraisi, Anumzamofo Nemofo eno tamage Anumzana taveri hu'ne. Na'ankure antahi'none, Jisasi'ma e'neazamo tamage Anumzanehu antahintahia tamigeta, tamage Anumzane nehuta, tagra Agripina nemanita, Nemofo Jisas Kraisimpina nemanune. Tamage Anumzane nehuta manivava asimure huta nehune.

Aposol 25:19

Hagi zamagrazmi mono'mofo zanku'ene mago nera Jisasi'e hu'za nehaza ne'ma fri'nea zanku'ma, Poli'ma huno mani'ne hu'nea zanku agenoka humare'za agripi atre'naze.

Joni 15:26

Tmazama hu'zama huntesugeno Nenfantegati tmagrite esuno'a, Agra Tmage Avamukino Nagri nagenkea eriama hugahie.

Aposol 18:15

Hianagi amama hunentaza kemo'a tamagra kegu'ene tamagigu'ene, tamagratmi kasege eri hankave netizanki tamagratmi erifatgo hiho. Nagrira nave'osigu ama'na naneke'a erifatgo osugahue.

Aposol 17:32

Fri'nefinti azeri oti'nea naneke nehige'za nentahiza, mago'amo'za agiza re'naze. Hianagi mago'amo'za anage hu'naze, mago'ane ama nanekea hananketa antahigahune hu'naze.

Joni 10:20

Rama'amo'za hu'za, kefo hankro'mo agu'a fre'negeno negi neneanki, nahigetma naneke'a nentahi'ze?

Aposol 17:18

Anahu kna huno mago'a Epikurien vahe'ene, Stoik vahe'mo'zanena vahe'mofo nomani'zama rezagane'zama negaza vahe'mo'za (Filosofa) kehakare hunentageno mago'amo'za anage hu'za antahi'naze, Nankna ke ama neginagi vahe'mo'a hunaku nehie? Ruga'amo'za hu'za, Agra ru anumzanku nehia nere. Na'ankure Jisasi agi agenkene, fripintima oti'nea knare musenkegu hu'naze.

Joni 14:17

E'i ana tmaza hu'zana tamage Routge Avamure, ama mopafi vahe'mo'za e'origahaze, na'ankure zamagra ke'za antahi'za osu'naze. Hianagi tamagra Agrira (Avamura) antahi'naze, na'ankure Agra tamagra ne mani'neno, tmagu'afi manigahie.

1 Korinti 1:21

Anumzamofo antahintahimo'a ama hu'negenokino, zmatrege'za ama mopafi vahe'mo'za zmagra'a antahi'zantetira Agrira antahi ama nosaze. Hianagi Anumzamo'a musema nehiana, vahe'mo'za neginagi naneke hu'za nehaza nanekema huama hunke'za zmentinti nehaza vahe zmahoneke.

1 Korinti 1:25

Na'ankure Anumzamofo neginagizane hu'za, nehaza zamo vahe'mofo antahintahizana agatenereno, Anumzamofo hanave'a omne'ne hazazamo'a vahe'mofo hanavea agatere'ne.

1 Korinti 3:1

Nenafugatane nasareheta tamagra ne ko'ma mani'noana, avamupi nena hu'za mani'naza vahe'mo'za nehazaza hu'na nagra noramasamue. Hianagi mopafi avu'avazampi mani'nagu Kraisimpina osi mofavre mani'nazage'na neramasmue.