1 Korinti 2:1 - Kamano

¹ Nenfugtane nasareheta, tamagrite'ma e'noana, haganentake ke'ni'areti ene knare antahintahi zanteti Anumzamofo agenke tmasminakura ome'noe.

Anumzamofo Routage Avantafere

¹ Hagi nenfugtane nasareheta, tamagrite'ma e'noana, haganentake ke'ni'areti ene knare antahintahi zanteti Anumzamofo agenke tmasminakura ome'noe.

1 Korinti 2:1 Referans Kwoze

1 Korinti 1:17

Ana hu'negu Kraisi'a mono ti frezamantogura huonante'ne. Hianagi knare musenke huama hanane huno hunante'ne. Hagi ama mopafi mreri antahi'zampinti, Kraisi'ma keka zafare fri'nea zamofo hanave'a eriotregahue.

1 Korinti 2:13

Mika kema nehunana, vahe'mo rempi huorami'nea antahintahi nosune. Anumzamofo Avamu'mo rempi hurami'nea antahintahire nehunankino, ana Avamu'mo taza higeta, avamu antahizampi Avamu'mofo nanekea eri ante mago huta eriama nehune.

1 Korinti 2:4

rempima hunerami'na, nanekema huama nehuana, tamagri tmagu'a eri vakanenaku knare antahintahi zampintira osu'noanki, Ruotge Avamumo hihamu hanave'a erinte ama nehie.

2 Timoti 1:8

Hu'negu Rantimofo naneke huama hu'zantera kagzegura osuo, nagrama Agri kinama hu'nogura kagazea osuo. Hagi nagrane tragotenka knazana knare musenkerera (gospol) Anumzamofo hanavefi erio.

Romu 16:18

Na'ankure e'i ana vahe'mo'za Rantimofo Kraisi eri'zana e'norizanki, zamagra'a knare zankuke nentahize. Haga huno masave ke zmireti, fatgo zmavu'zmavama nehza nagara zamarevatga nehaze.

2 Korinti 11:6

Hianagi nagranena naneke hu'zana rempi hu'na ontahi'noanagi, antahintahi zania me'ne. Hakare kampinti, eriama hu'nogeta makazana ke'naze.

Revalesen-Hufo Hu'ne 1:2

Joni'a Anumzamofo kea huama nehuno, Jisasi agenkene makazama ke'nea zamofo kea huama hu'ne.

1 Joni 4:14

Tagra negeta huama huta Nefa'a, Nemofo huntegeno ama mopafi vahe'mota tahoke heno taza hunaku e'ne.

2 Tesalonaika 1:10

Anazama fore'ma haniana Ramoma ete esianknarera Agri vahe'ma mni'naza vahe'mo'zama ra agima nemisafina, tamagranena ana vahe amu'nompi maninetma, ra agi amigahaze. Na'ankure tagrama Agriku'ma huama hu'na kerera, tamagra tamentinti hu'naze.

1 Korinti 1:6

Na'ankure Kraisinku'ma huama hu'na tamasmi'noazamo, tamagripina eritamage nese.

Aposol 22:18

Ramo'a negogeno anage huno nasami'ne, Hantaka'a Jerusalea atrenka ame' hunka vuo, na'ankure Nagri nagenkema kagrama hanana kea ontahigahaze.

Aposol 20:21

Jiu vahe'ene Griki vahera hu'ama hu'na tamagu'a rukarehe hutma Anumzante ne-etma, Ranti Jisasinte tamentinti hiho hu'na zamasmi'noe.

Revalesen-Hufo Hu'ne 19:10

Anante nagranena agiafi narena rena mono hunte'za huanagi, ana ankeromo'a anage huno nasamine, e'inahura osuo, kagrane negafuzane nehazaza hu'na nagra Anumzamofo eri'za vahe mni'neta, Jisasi'ma hu'nea ke'mofo huama nehuta, Anumzamofo monora huntegahune. Na'ankure Jisasi'ma hu'nea kemo vahe'mofona azeri otigeno, kasnampa kea huama nehaze.

Revalesen-Hufo Hu'ne 1:9

Nagra Joni'na neramafu'na Anumzamofo kumaku'ma knama enerita Jisasinte'ma kazigazi huta magoka nevumo'na, navre'za ti amunompi Patmosie nehaza mopa, me'nere ome nante'naze. Na'ankure Anumzamofo kereku'ene, Jisasi agenkema huama'ma nehua zanku anara hu'naze.

1 Timoti 1:11

msa'nentake konarari'ane knare musenke'afi (gospol) asomu'ane Anumzamo, huzamasmio huno huhamprinante'ne.

2 Korinti 10:10

Na'ankure mago'amo'za amanage nehaze, Poli'a avontafepina hankave ke kreneramino, tavure'ma ne-eno'a, akoheno kea nehige'za, amnege nehie hu'za nehaze.

Romu 16:25

Anumzamo'a tmagrira knare musenkema neramasamua kante tmazeri hankavetise. E'i Jisasi Kraisi knare musenkene, vahe'mota tmavresigu korapa oku'a retro hunte'nea naneke neramasamue.

1 Korinti 2:7

Tagrama nehunana Anumzamofo knare antahintahia, korapa oku'a retro huntegeno me'neazanku nehune. Ana antahintahizana mopa fore osu'negeno oku me'neana, e'i ana antahintahizana, menima tagrama knare hanunku retro hunte'ne.