1 Korinti 15:54 - Kamano

⁵⁴ Hu'neanagi ana kasri avufgamo onkasri tvufga erisigeno'a, fri avufgamo'a ofri avufga erina, avontafepi amanage huno kre'nea kemo e'ama hugahie: fri'zana Anumzamo ahe fanane hugahie! (Aisa 25:8)

Anumzamofo Routage Avantafere

⁵⁴ Hu'neanagi ana kasri avufgamo'a onkasri avufga erisigeno'a, fri avufgamo'a ofri avufga erina, avontafepi amanage huno kre'nea kemo e'ama hugahie, Fri'zana Anumzamo ahe fanane hugahie! (Ais 25:8)

1 Korinti 15:54 Referans Kwoze

Revalesen-Hufo Hu'ne 20:14

Anantera fri'zane, fri vahe kuma'enena matevuno teve tirupi znatregeke uramina'e. E'i ana teve tirura nampa 2 fri'zane.

Revalesen-Hufo Hu'ne 21:4

Ana nehuno maka zmavunura eri homu huzmante vgaresigeno, mago'ene fri'zana omnenkeno, zmasunku huza zavima atezana omnena, zmatama krizana omnenigeno, ese'ma me'nea zantamina omnegahie.

Luku 20:36

Na'ankure zamagra mago'ane ofrigahaze. Na'ankure zamagra ankero vahekna hu'za, Anumzamofo Mofavre nemniza, kerifinti oti'nea mofavregna hu'za manigahaze.

2 Korinti 4:11

Na'ankure tasimu'ma erita mani'nomota Jisasi fri'zankuma huama hunazanku, hakare zupa fri kantera tavrenenteankino, Jisasi nomani'zana, ama amega tavufgare eama hanige'za kegahaze.

Romu 2:7

Iza'zo knare zamuzma huvava hu'za nevu'za, ra zmagima erisagu nehake'za, himamu hankave erisigu nehake'za, haviza osniazanku nehakesamokizmia, Anumzamo manivava zmasimura zamigahie.

2 Tesalonaika 1:10

Anazama fore'ma haniana Ramoma ete esianknarera Agri vahe'ma mni'naza vahe'mo'zama ra agima nemisafina, tamagranena ana vahe amu'nompi maninetma, ra agi amigahaze. Na'ankure tagrama Agriku'ma huama hu'na kerera, tamagra tamentinti hu'naze.

Romu 8:11

Hagi Anumzamofo Avamu'mo Jisasi'ma frinefinti' azeri oti'nea Avamu'mo'ma tamagu'afima mni'nesnigeno'a, Kraisima fripinti azeri oti'neaza huno tamagu'afina ana avamu mani'neankino, amega tamavufgamofona asimu amigahie.

Romu 6:12

E'ina hu'negu atrenkeno amega tmavufgamofona kumimo'a kvagrioramantena, tavufgamofo havi avesizana ovaririho.

Romu 1:23

Hagi zamagra manivava Anumzamofo ra agima amigazana, erimare'za fri'naza vahe'mofo amema'agi, nmaramimofo amema'agi, 4'a agazane zagagfamofo amema'agi, zmurugufati vano nehaza zgaramimofo amema'a tro hunte'naza zante ra agi nemize.

2 Korinti 5:4

Tagrama ama mopafi tavufgare'ma mani'neta tusiza huta kragira nerune. Na'akure tagra tavufa tavapako omnita kukena hunaku nehune. Hianagi monare kukena antaninunkeno asimuma erino manizamo fri tavufga ahe fanane hanigeta, mevava tavufga erigahune.