1 Korinti 15:3 - Kamano

³ Na'ankure miko'zama agatere'neazana nagra ko erite'na, neramasmue. E'i anazana Anumzamofo avontafepi kre'nea kante Kraisi tagri kumiku huno efri'ne.

Anumzamofo Routage Avantafere

³ Na'ankure miko'zama agatere'neazana nagra ko erite'na, neramasmue. E'i anazana Anumzamofo avontafepi kre'nea kante Kraisi'a tagri kumiku huno efri'ne.

1 Korinti 15:3 Referans Kwoze

1 Pita 2:24

Agra avufare kumiti erino rugeka zafare hantinegu, tagra kumi'ma huzampina nefrita, fatgo tavutavama huzampina, kasefa huta manigahune. Na'ankure Agri avufgama aguzama ru'nazazamo, tagrira tazeri so'e hu'ne.

Galesia 1:4

Jisasi asimu'a atreno kumitia atrerante'ne. E'inama hu'neana Anumza Nafatimofo avesi avaririno, mopafima amama meni mni'nona kefo avu'avazampinti tahokeno tazahunaku anara hu'ne.

1 Joni 2:2

Agra'a kumitimofona nona huno apaserante'ne, tagri kumike sese huorante'neanki, maka mopafi vahe kumi'ene sese huzmante'ne.

Galesia 1:12

Na'ankure ama ana kea vahepinti e'orina, vahe'mo'za rempia huonami'naze. Hianagi oku'a frakinea kea Jisasi eriama huno nami'ne.

Revalesen-Hufo Hu'ne 1:5

Jisas Kraisi fatgo huno, Anumzamofo ke'a huama nehimo, Agra'a fri'naza vahepintira ugagota huno ese oti'nemo, maka mopafi vahe'mokizmi kini vahe kegva huzmante'nea ne'manin'eankino, Agra kumitifima mani'nonkeno, avesiranteno korama'areti mizaseno katufe tantenegu agi'a erisaga hanune.

Romu 4:25

Na'ankure tagri kumiku Jisasina atregeno efri'nemofo azeri oti'nea zamo, Anumzamofo avurera tagrira tazeri fatgo vahera se'ne.

Efesasi 5:2

tamagra vaheku tamavesi nezmanteta, Kraisi'ma agu'areti avesiranteno agra'a avufga atreno tazama hu'neakna nehutma, Agra'a avufa tagriteku huno Anumzamofontega mananentake'za kre sramna vu'neakna hiho.

2 Korinti 5:21

Na'ankure Anumzamo'a kumi'a omnenea ne'mofo Kraisina tagri kumiku, azeri kumi vahekna nehuno, tagri kumira Agumpi erinte'nea zamo, tagrira Anumzamofo avure tazeri fatgo vahera nese.

1 Korinti 11:23

Na'ankure Nagra Ramo rempi hunami'neaza, ete rempi huneramue. Jisas Kraisina komoru hu'za ha' vahe zmazampima avrentenaku haza kenagera, Agra breti erino,

Aposol 3:18

Hagi korapa Anumzamo'a, Kasnampa vahepima runtaninoma, Kraisia ata hoza erigahie hu'noma hunte'neazamo, ana kante efore hu'ne.

Joni 1:29

Anante kotigeno Jisasi'a agrite egeno negeno, Joni amanage hu'ne, keho, Anumzamofo sipisipi anentara, ama mopafi vahe'mokizmi kumira, Agra eri atregahie!

1 Pita 1:11

Kraisi Avamumo zamagripi mni'neno, Kraisi'ma atama eriteno, ra agima erisia zankura zmasamine. Ana nehige'za zmagra Kraisi'a inankna Ne'mo, ina zupa efore hugahie hu'za hu'naze.

Efesasi 1:7

Kraisi koranu tahokeheno miza seneranteno, maka kumitia eri fnane nehuno, tusi'a asunku zama'areti Agra asuragiranteno taza hu'ne,

Galesia 3:13

Kasegemofo kazusifintira Kraisi'a mizaseranteno taza hu'neankino, ana kazusia Agra'a erino taza hu'ne. Na'ankure anage huno avontafepina krentene, maka vahe'mo'za keka zafare'ma hanti'nesamo'za kazusifi mani'naze hu'ne. (Diu-Kas 21:22, 23)

Romu 3:25

Anumzamo'a, Jisasina tamigeno kumitimofo nona huno korama'a tagino, kumitia apaserante'nea zamo'a Anumzamo'a agru huno ftago huneankita, Agritema tamentinti hanuta Anumzamofontera egahune. Anumzamo'ma e'inahu hu'neazamo, Anumzamo'a fatgo hu'ne nehie. Ko'ma kumi hu'naza vahe'ma akoheno mni'neno kumizmia atrezmante'nea zamo'a eama hu'ne. E'ina zamo'enena eriama huno Jisasimpima zamentintima haza vahe'ma nezmavrea zamo'a taveri huno Anumzamo'a fatgo hu'ne nehie.

Matiu 26:28

Na'ankure Anumzane huhagerafita manisnaza'zamo avempa huno mesnigu ama'i korani'e. Mika vahe'mofo kefo zazmi eri apase zmantenigu korani'a tgi neramue.

1 Pita 3:18

Na'ankure Kraisi'a maka vahe'mofo kumiku huno, magoke zupa fatgo ne'mo, fatgo osu vahe'motagu fri'neankino, Agra tavareno Anumzamofonte vanigu ahazageno fritegeno, Anumzamofo Avamu'mo azeri otigeno, kasefa huno mani'ne.

Hibru 5:3

E'i ana agafare agra'a kumikura kresramana nevuno, vahe'mokizmi kumikura kre sramana vugahie.

Hibru 5:1

Miko prisi vahera vahe'pinti zamavre'za huzamantage'za Anumzamofo avurera vahe'mokizmi zamagi eri'za mani'ne'za Anumzamofontega museza kre sramana vunente'za, kumiku kresramana vunte eri'za vahere.

1 Korinti 11:2

Nagra, tmagrira tamazeri antesgahue. Na'ankure ana miko'zama hazafima tamage'sa antahi nenamitma, antahi'zama rempima huramino'a kante azeri antroko hu'naze.

Jenesis 3:15

Nagra kagrira kazeri'na a'mofo ha' vahe'a antesugeno, a'mo kagri ha' vahe manigahie. Hanigena Nagra tanagigomokizmi amunopina ha'za antesugeno a'mo ksentesia mofavremo kaseni reproro vazina, kagra agamerumpafi amprigahane.

Matiu 26:24

Agriku'ma hu'za krente'naza kante, Vahe'mofo mofavremo frigahie. Hianagi kva hino, komoru huno ha' vahete navre zamisnia ne'mo'a, nerera'ma kse ontene'sinia knare hisine.

Luku 24:25

Jisasi'a amanage huno znasami'ne, Kasnampa vahe'mo'za hu'naza maka nanekegura negi nenetma tamagu'afina tamentintia nosaze!

Aposol 8:32

Ana ne'mo'ma hampri'nea avontafemo'a, amanahu ke hu'ne, Sipisipi afu'ma ananke taga hunaku avare'za nevazankna hu'za nevu'za, sipisipi afu anenta azoka taga hunaku nehazageno, agira aka huno krafa osu'nea kna huno, Agra agira aka osu'ne.

Aposol 17:2

Poli'a Jiu vahe'mo'za osi mono nozmifi mani'nageno marerino, korapa agrama nehiaza huno, tagufa mni fruhu kna (Sabat) zupa avontafepinti kea zamasmino,