1 Korinti 15:19 - Kamano

¹⁹ Kraisimpi menima tasimu erita mni'nona nomnizampike taza hugahie huta tamentinti hanunana, vahe'mo'za zmasunku hunezmantaza vahera zmagatereta, tusi'a zmasunku hurantesaza vahe manigahune.

Anumzamofo Routage Avantafere

¹⁹ Hagi Kraisimpi menima tasimu erita mani'nona nomanizampinke taza hugahie huta tamentinti hanunana, vahe'mo'za zamasunku hunezmantaza vahera zamagatereta, tusi'a zamasunku hurantesaza vahe manigahune.

1 Korinti 15:19 Referans Kwoze

Revalesen-Hufo Hu'ne 14:13

Anante mago ageru monafinti arigena nentahugeno anage hu'ne, avona krento, Ramofompi mni'ne'za frinamo'za, menintetima agafa huno vaniana muse hugahaze! Ozo huno Avamumo'a hu'ne. Zamagrama mraguzati'za e'naza zana manifru hugahaze. Na'ankure zamagrama knare zmavu'zamavama hu'zama e'naza zmavuzmavamo'a, zamagrane magoka zamage zmavaririno ne-e.

1 Pita 1:21

Kraisi taza higeta, fripinti azeri otino husga hunte'nea Anumzamofontera tamentintia nehune. E'ina hu'negu tamagra Anumzamofontera tamentinti'a nehutma, amuhara nehaze.

2 Timoti 1:12

Na'ankure e'ina nehua agafare natazana e'nerue. Hianagi nagazema hu'zamo'a nazeri otregahie. Na'ankure nagra izantero namentintima nehumofona antahi'na kena nehuna, eri'zama'a erinentoana, Agra antahineankino kva kri ante'nenkeno ana kna efore hugahie.

Aposol 14:22

Zanagra Jisasi amage' nentaza disaipol naga zamagu'a zamazeri hanaveti ke hunezmasmike, hanavetita tamentintifina maniho, Anumzamofo kumapima vunakuma hanuta, rama'a knazampi ufreteta henka vugahune hu'na'e.

2 Timoti 3:12

Tamage, aza'o Krais Jisasimpi hagerfino Anumzamofo avu'avate mani'naku hanimofona, vahe'mo'za knara zamante'za zamazeri haviza hugahaze.

Joni 16:33

Ama'ina naneke Nagra neramasmuana, Nagripinti tamarimpa fru erigahaze. Ama mopafina hazenke zane, kasuzamo egahianagi, oti hanavetiho, na'ankure Nagra ama mopa hago agtere'noe.

Luku 21:34

Jisasi'a mago'ane anage hu'ne, tamagra kva hiho. Ru negi ti neta negineneta, makazana kva huso'e nosuta, tmavufamofo zanku antahintahi hakare hanagi, e'inahuma hanageno'a krifumo zgagafa azeriankna hu'nenigeno, ana knamo'a ame huno onkesageno tmagritera efore hugahie.

1 Tesalonaika 1:3

Na'ankure tamagrama Anumza Nafatimofonte tamentinti nehuta, erizama enerita, avesintezamofo eriza enerita, Rantimo Jisas Kraisi'ma eforema hanigu, kazigazi hutma Anumza Nafatimofo avure e'nerizazankura antahirami vava nehune.

Luku 8:14

Hagi ave'ave trazampima evurami'nea avimzana, Anumzamofo kea antahi'naze. Hianagi zamavufamofo zavamesi zankuke nehu'za, mopafi zanku antahintahi hakare nehu'za, fenoma eri'za mni'zazmima eri so'e hanaza zankuke antahintahi hakare nehazageno, anazamo kintrako hige'za, rga renontaze.

Matiu 24:9

Henka'a, ha' vahete tmagrira tamavare'za vnage'za tamata neramiza tamahe frigahaze. Hakare kuma'mo'za tusi'za hu'za zmavesra huramantegahaze. Na'ankure Nagri nagireku hu'za ana huramantegahaze.

2 Timoti 2:4

Kraisi sondia ne'mo'a mopafi mani'zampina uvazi evazia nosie. Na'ankure huhampri ante'no sondia eri'za ami'nea ne' azeri muse hugahie.

Joni 16:2

Jiu vahe mono nompinti (sinagog) tmahe anati atregahaze, mago kna ne-eankino, tmahefrisu'za zamagesa antahisazana Anumzamofo eri'za e'nerune hu'za antahigahaze.