1 Korinti 14:12 - Kamano

¹² Kagri'enena e'inahukna hugahie. Kagra avamu'mofo musezantminkura tusi'a antahintahi hanunka, Anumzamofo antahigegeno maka mono kevuma zmaza hania Ruotge Avamu'mofo muse'zana tamino.

Anumzamofo Routage Avantafere

¹² Tamagra'enena e'inahukna hugahaze. Tamagra Anumzamofo Avamu'mofo musezantminku'ma tusi'a antahintahima hanuta, maka mono kevuma zamaza hania Ruotge Avamumofo musezanku hankavetita eriama hiho.

1 Korinti 14:12 Referans Kwoze

1 Korinti 14:26

E'ina hu'negu nenfugatane nasareheheta na'a efore hugahie? Eme atru hanaza zupa, mago'mo mono zgamera nehinkeno, mago'mo rempi huneraminkeno, mago'mo ksefa'za Anumzamo averi haniaza huama nehinkeno, mago'mo ru ageru nerinkeno, mago'mo rekrehe hugahie. Hagi e'i ana maka'zama hanaza zamo'a, knare huno mono kevua zamaza huno, Ramofompina zmazeri hankavetigahie.

1 Korinti 14:1

Avesinte'zamofo kana, nevaririnka Avamu'mofo musezantaminkura tusiza hunka kavesinto. Hianagi Avamumofo musezanpintira, kasnampa ke huama huzanku kavesinto.

1 Korinti 12:31

Hu'neanagi tamagu'areti huta agetere'nea muse zankura tmavesinteho. Nagra mago knare'zantfa huno mreri'nea kana tamaveri hugahue.

1 Korinti 12:7

Hu'neanagi Avamu'mofo eri'zamo'a magoke magoke'mofonte, mikomofo so'eza efore hanigu ko tami'ne.

Taitus 2:14

Tagriku huno Agra'a avufga atreno kefo'zampinti miza seranteno tvare atre'ne, Agri'a vahere huno sese huranteno, tvare Agrarega tante'negu, muse nehuta knare'zanke hanune.

Romu 14:19

E'ina hu'negu atrenketa musezama mono kevufima fore'ma hanea zanku nehuta, tagra'ragara ozeri hankaveti, azeri hanaveti huta tamentintifina hageta ra hanune.

1 Korinti 14:5

Nagri'ma navemanesiana, maka'mota ru tamageru'ma aranazegu navenesie. Hu'neanagi ra navesi'zana, maka'motma kasnampa ke hiho nehue. Hagi iza'o kasnampa ke nehimo'a, ru ageru nerimofona azeri agatere'ne. Hu'neanagi ru agerutamima nerimo'ma, ana ageru'mofo agu'agesa eri ama hanigeno'a, mono kevua zmazeri hanavetigahie.

1 Korinti 14:13

E'ina hu'negu, iza'o ru ageru aranimo'a, ana kema agra'a rekrehe hu'zankura, nunamu huno Anumzamofo antahigeno.