1 Korinti 11:4 - Kamano

⁴ Mika vene'nemo'za tavrave zmanunte'ma refitene'za nunamuma hanazano, kasnampa kema hanaza zamo'a zmagra'a zmaseni zmazeri agaze hugahaze.

Anumzamofo Routage Avantafere

⁴ Hagi mika vene'nemo'za tavrave zmanunte'ma refitene'za nunamuma hanazano, kasnampa kema hanaza zamo'a zamagra'a zamasenia zamazeri agaze hugahaze.

1 Korinti 11:4 Referans Kwoze

1 Korinti 12:28

Hagi, mono eri'za erisagu Anumzamo huhamprizmante'nea vahera, esera aposol nagare, anantera kasanampa vahere, anantera rempi huzami vahere. Ana huteno Anumzamo'a kaguvazama hu vahe zmazeri otino, mago'amokizmia vahe'ma krifintima zmazeri kanamre muse'za nezamino, mago'amokizmia vahe'ma zamaza hu muse'za nezamino, mago'amokizmia kva eri'za eri muse'za nezamino, mago'amokizmia ruzahu ruzahu ageru ru muse'za zami'ne.

1 Korinti 12:10

Hagi mago'mofona ruzahu ruzahu kaguvaza eri fore hu museza nemino, mago'mofona kasnampa ke huamahu museza nemino, mago'mofona avamutmima rezagneno ke museza nemino, mago'mofona ruzahu ruzahu zmegeru'ma ru museza nemino, hagi mago'mofona ruzahu ruzahu zmageru'ma rukrehe hu museza ami'ne.

1 Korinti 11:14

Vemofoma zanra azoka'ma hunte'nesiana agra agaze hugahifi?

Aposol 13:1

Antiokua mono nontema menima mani'naza kasnampa vahe'ene, rempi huzmi vahera ama'a mani'naze, Banabasiki, Simioni (aganumpa nere hu'za nehaze ne'ki), Lusiusi'a Sairini ne'ki, kumate ugagota kva (Gavana) ne' Heroti knampa, magoka ositeti rasena'a ne' Maeniaki, Soliki hu'za mani'naze.

1 Korinti 11:5

Hianagi mika a'nemo'za zmanunte refi'otene'za nunamu hanazo, kasnampa kema hanazana zmagra'a, zmaseni zmazeri zamagaze nehaze. Na'ankure agra magoke mani'neno, aseni azoka'ma vazagatetre'nea a'negna nehuno, asenimofona agaze erinemie.

1 Korinti 13:2

Hagi kasnampa ke hu muse'zane mika e'neri'na, Anumzamofo oku antahizama'a e'neri'na, mika knare antahi'zana e'neri'na, nagra mika hanave namentintia hanugeno agona retufega hugahianagi, avesinte'zama omne'nenigeno'a ana miko'za hanua zamo'a amnezankna hugahie.

1 Tesalonaika 5:20

Kasnampa kemofona antahi amnezanknara osiho.