1 Korinti 11:32 - Kamano

³² Hianagi Ramo'ma tagri'ma refko'ma nehiana, ama mopafi vahe'ma huhampri zmante'nea knazampina uofresunegu tazeri ante fatgo nehie.

Anumzamofo Routage Avantafere

³² Hianagi Ramo'ma tagri'ma refko'ma nehiana, ama mopafi vahe'ma huhampri zmante'nea knazampina uofresunegu tazeri ante fatgo nehie.

1 Korinti 11:32 Referans Kwoze

Revalesen-Hufo Hu'ne 3:19

Nagrama navesizmantoa nagamofona hanavetina, zmazeri fatgo nehu'na, zmavumarora nentoe. E'ina hu'negu knare tamavu'tmavama huzanku nentahitma, tamagu'a rukrehe huta fatgo huta maniho.

1 Korinti 11:30

E'ina hu'negu, amu'no tamifintira hakare'amo'za hanavea omne amne hige'za, kria erizageno mago'amo'za ko fri'naze.

1 Joni 5:19

Tagra antahi'none, Anumzamofo mofavre naga mani'nonkeno, ama mopamo'a havige ne' Sata hanavefi me'ne.

Romu 3:19

Tagra antahi'none kasegama krente'nea kemo'a kasegema eri'naza vahe nezmasamie. Ana hanigeno mago'mo'a huno nagra ftago vahe mni'noe huno osugahie. I'o miko mopafi vahe'mota Anumzamofo avurera hazenketi me'nea vahe mni'none.

Romu 5:16

Asunkuzama'afi Anumzamo tami'nea musezamofo raga'amo'a mago ne'mo'ma kumi'ma hu'nea zamofo raga'agnara osu'ne. Na'ankure Adamu kumimo knaza avareno e'ne. Hianagi Anumzamo'ma amne tami'mea musezamo, Anumzamofo avurera tazeri agru hune.

1 Korinti 1:20

Antahi'zane nera ina mani'ne? Avontafe'ma kre antahi'zane nera ina mani'ne? Ama knafi ke hafra hu nera ina mani'ne? Anumzamo ama mopafi antahi'zane vahera, antahintahi'zazmia zmazeri neginagi nehie.

1 Korinti 1:21

Anumzamofo antahintahimo'a ama hu'negenokino, zmatrege'za ama mopafi vahe'mo'za zmagra'a antahi'zantetira Agrira antahi ama nosaze. Hianagi Anumzamo'a musema nehiana, vahe'mo'za neginagi naneke hu'za nehaza nanekema huama hunke'za zmentinti nehaza vahe zmahoneke.

1 Korinti 11:31

Hianagi tagra'ama refko huta tazeri fatgo osu'nesuta, keagafi manigahune.

1 Korinti 11:33

E'ina hu'negu, nenfugata nensarogata tamagra ne'zama nenaku emeri atruma hanuta, zmavega ante'nenkeno maka etru hutenketa neho.

1 Timoti 1:20

Ana agu'afina Haimenasi ene Aleksandake, e'inahu avamera hu'na'e. Ananku hu'na Sata azampi znante'noe, Sata'a kna nezanaminke'ne rempi huteke, Anumzamofo agi'a azanva kea huontesa'e hu'na hu'noe.