1 Korinti 11:23 - Kamano

²³ Na'ankure Nagra Ramo rempi hunami'neaza, ete rempi huneramue. Jisas Kraisina komoru hu'za ha' vahe zmazampima avrentenaku haza kenagera, Agra breti erino,

Anumzamofo Routage Avantafere

²³ Na'ankure nagrira Ramo rempi hunami'neaza, ete rempi huneramue. Jisas Kraisina komoru hu'za ha' vahe zamazampima avrentenaku haza kenagera, Agra breti erino,

1 Korinti 11:23 Referans Kwoze

1 Korinti 15:3

Na'ankure miko'zama agatere'neazana nagra ko erite'na, neramasmue. E'i anazana Anumzamofo avontafepi kre'nea kante Kraisi tagri kumiku huno efri'ne.

1 Tesalonaika 4:2

Na'ankure tagrama kasegema, Ramofo Jisasi hanavefima tamasamunketma ketma antahitma hu'naze.

Matiu 28:20

Nagrama huramantoa kasege rempi huzaminke'za ana miko vahe'mo'za avaririho. Hagi kma antahiho, Hakare zupa tamagra ne manina nevanenkeno mafkaza vgaregahie.

Galesia 1:1

Nagra Poli'na aposol ne'mo'na, ama eri'zana mago'a vahe'mo hunantege, mago'a naga'mo'za erio hazagena e'norue. Hianagi Anumza Nafatimo Jisas Kraisi fri'nefinti azeri otinemo'ene,

Aposol 20:7

Ana Sontamofo pusa kna're bretima kori'za (komonion) neku eritruma nehunkeno'a, Poli'a oki vugahue huno agesa nentahi'no keaga nezmasmino, mono kea huvava nehigeno kerage amu'no ase'ne.

Matiu 26:34

Jisasi'a huno, tamage hu'na negasmue, meni kenegetfa kokorege osu'nenkenka, tagufa zupa Nagrikura onke'noe hunka vahane hugahane.

Matiu 26:17

Zo'ore Breti nenaza hompa knamofona ese zupa, amage nentaza disaipol nagamo'za Jisasinte e'za eme antahige'za, inantega kinafinti zmare'nea knagu antahimi ne'zana retro hugante'sunkenka negahane?

Matiu 26:2

Antahi'naze Anumzamo Israeli vea kinafinti zmare'nea kna, tare knama agteresigeno egahie. Hagi Vahe'mofo Mofavre avare zamisage'za, ahe'za keka zafare hantigahaze.

Luku 22:17

Anagema huteno, waini ti me'nea kapu erino Anumzamofo susu hunteteno, anage huno hu'ne,

1 Korinti 10:16

Tagrama kapufinti tima nenakura, Anumzamofo susu hunteteta nenone. E'i ana kapufinti tima erifko'ma nehunana, Kraisi korana omne'nefi? Tagra bretima korita, erifko huta nenonana, e'i Kraisi avufga omne'nefi?

Kolosi 3:24

Kagra Ramofontegatima musezana erisintiharegahane hu'nea zana erisana zankura ko antahinane. E'i Ramofo Kraisi erizama enerinane.