1 Joni 2:27 - Kamano

²⁷ Hagi menina tamagriku huno, huhampri ramante'neaza Avamura Agripinti eri'nazageno tamagu'afi mani'neanki mago vahe'mo'a huramagesa huzankura ontahigahaze. Hu'neanagi Agri Avamu'mo maka'zana rempi huramigahiankino havi kea osu tamage hugahie. Tamasmi'nea kante antetma Agripi manigahaze.

Anumzamofo Routage Avantafere

²⁷ Hagi menina tamagriku huno, huhampri ramante'neaza Avamura Agripinti eri'nazageno tamagu'afi mani'neanki mago vahe'mo'a huramagesa hu'zankura ontahigahaze. Hu'neanagi Agri Avamu'mo maka'zana rempi huramigahiankino havi kea osu tamage hugahie. Tamasmi'nea kante antetma Agripi manigahaze.

1 Joni 2:27 Referans Kwoze

Joni 14:26

Hianagi tmaza hu'zana, Ruotge Avamu, Nenfa'a Nagri nagifi huntesigeno eno, Agra maka'zanku eme rempi huramigahie. Nagrama maka'zanku tmasmi'noana hurmagesa hugahie.

1 Korinti 2:13

Mika kema nehunana, vahe'mo rempi huorami'nea antahintahi nosune. Anumzamofo Avamu'mo rempi hurami'nea antahintahire nehunankino, ana Avamu'mo taza higeta, avamu antahizampi Avamu'mofo nanekea eri ante mago huta eriama nehune.

Joni 16:13

Hianagi Tmage Avamu'ma esuno'a, agu'vazi zamanteno tamage nanekemofo eri ama huno tmasmigahie. Na'ankure Agra'a antahintahi'ane, hanave'arera ana nanekea osugahie, hianagi na'ano Agrama antahisia kege nehuno, henkama esia zamofonku tmasmigahie.

1 Tesalonaika 2:13

Maka kna tagra Anumzamofona susu hunentone, tamagrama tamametintima hu'naza zankura, ana kema huama hunketma tamagrama erinazana, vahe'mofo ke eriaza hutma e'ori'naze. Hianagi tamagra Anumzamofo tamage ke eri'naze.

2 Joni 1:2

Na'ankure tamage kemo tagu'afi me'neankino, maka kna tagrane mevava hugahie.

1 Joni 3:24

Mago vahe'mo'ma Anumzamofo kasegema antahino avaririmo'a Anumzane manigeno, Anumzamo'a agrane nemanie. Anumzamo Avamu'ma tami'nea Avamuteti antahita, Anumzamo'a tagrane mani'ne huta hugahune.

1 Joni 2:28

Hagi menina osi mofavre naganimote, Kraisimpi mani'nenkeno, Agrama efore'ma hanigetma oti hanavenetita, ete esigetma tamagazegura huta korera osugahaze.

1 Pita 1:23

Na'ankure tamagra kasefama hu'nazana, haviza nehia avimazanteti rompage, haviza osu avimzama Anumzamofo mevava kea asimu me'nea ke'areti kasefara hu'naze. (Jon 3:1-9)

Kolosi 2:6

Hanki e'ina hu'negu Krais Jisasina, Rane hunka ko avrenananki, Agra'ene magoka vano huo.

Joni 14:17

E'i ana tmaza hu'zana tamage Routge Avamure, ama mopafi vahe'mo'za e'origahaze, na'ankure zamagra ke'za antahi'za osu'naze. Hianagi tamagra Agrira (Avamura) antahi'naze, na'ankure Agra tamagra ne mani'neno, tmagu'afi manigahie.

Efesasi 4:21

Tamagrama ko Agriku'ma nentahizageno Agripima rempi hurami'nea zana, Jisasimpi tamage nanekea me'ne.

Joni 4:14

Hianagi izano Nagrama amisua tima nesuno'a, mago'ene tinkura ave'osigahie. Hianagi Nagrama aminaku nehua timo'a, kampu'i timo hiaza huno agu'afi me'neno, evava nehuno manivava asimu amigahie.

1 Timoti 2:7

Ana zanteku huno nagrira nazeri oti'ne, Anumzamofo mono naneke zamasmi'nena antahisnagu, nazeri oti'nea aposol ne'mo'na, nagra tamage nehue, havigea nosue. Zamufga tga osu vahe (gentiles) rempi huzminena zamentinti hu'za tamage nanekea antahihogu huama nehue.

Proveps-Knare Nomaniza 28:5

Kefo zamavu' zamavama nehaza vahe'mo'za, fatgo huno refkohu avu'avazana antahi amara nosazanagi, Ra Anumzamofonkuma nehakamo'za makazana antahi amara nehaze.

Matiu 13:11

Jisasi'a ke nona huno, Anumzamofo kumapi oku'a me'nea zantmina kehogu tamaveri nehie. Hianagi zamagrira zmeri nosie.

Joni 6:45

Kasnampa vahe'mo'za amanage hu'za Avontafepina kre'naze, Ana hanigeno Anumzamo maka'mokizmia huzmasmigahie. (Aisa 54:13) Maka'mo'za Nenfa ke nentahi'za rempi hanamo'za Nagrite egahaze

Joni 14:16

Nenfana antahigesugeno, Agra mago tmaza hu'zana tamisnigeno, Agra tamagra ne manivava hugahie.

1 Korinti 2:12

Menina hago Avamura eri'none, ama mopafi avamurompage Anumzamofontegati Avamure, e'ina hu'negu Anumzamo amne neramiazane antahita keta hugahune.

2 Korinti 1:21

Hagi Agrake Anumzamo, tagri'ene tamagri enena tazeri hanavetino, Kraisimpina huhampritante'ne.

1 Tesalonaika 4:9

Nenfugta avesintezamofona mago'ene avona kreta, ovesinte avesinte hiho huta osugahunanki, Anumzamo ovesinte avesinte hu'zana ko rempi huramine.