1 Joni 2:17 - Kamano

¹⁷ Ama mopane, maka'a avesi'zamo'a vgaregahie. Hianagi iza'o Anumzamofo avesi'ma amage'antesimo'a, manivava hugahie.

Anumzamofo Routage Avantafere

¹⁷ Ama mopane, maka'a avesi'zamo'a vagaregahie. Hianagi iza'o Anumzamofo avesi'ma amage'antesimo'a, manivava hugahie.

1 Joni 2:17 Referans Kwoze

Matiu 24:35

Monane mopanena fanane hugahie. Hianagi Nagri nanekemo'a fanane osu mevava hugahie.

Romu 12:2

Ama mopafi avu'avazanena tagrora oteho. Hianagi tamagra atrenkeno antahintahitamia Anumzamo tmazeri kasefa nehanigeno, tamavutamava zamo'a ruzahe hino. Anama hanuta, tamage Anumzamofo avesizamo'a, knare huno haviza osuno, fatgo hu'ne huta eriama hugahaze.

1 Korinti 7:31

Ama mopafi zama eri'nenimofona atrenkeno anazamo'a razana oseno. Na'ankure ama mopane anampima menima me'neazamo'a, fanene hugahie.

1 Pita 4:2

Anahukna huno ama avufganema mni'nenuno'a, vahe'mofo havi avesizampina ovugahianki, Anumzamofo avesizampi vugahie.

Hibru 10:36

Akohenka maninenka knazana erinka vanunka, Anumzamofo avesi nevaririnka, Anumzamo'ma huhampri kante'neazana erigahane.

Maki 3:35

Iza'zo Anumzamofo avesizama amage'ma nentamo'za, nenaganaki nensaroki nenreraki hu'za mani'naze.

1 Pita 1:5

Tamagra Anumzamofonte tamentinti hazageno, Anumzamo'a hanave'areti kegva huramante'neankita, so'e hutma manigahaze. Tamagri tamahokeno tamaza hunaku retro huntegeno me'neankino, e'i anazama haniana mona mopa vgamare'nea knazupa eama hugahie.

1 Tesalonaika 4:3

Na'ankure ama'i Anumzamofo avesizane, mani agru hutma maka monko avu'avazampina maniho.

Joni 4:14

Hianagi izano Nagrama amisua tima nesuno'a, mago'ene tinkura ave'osigahie. Hianagi Nagrama aminaku nehua timo'a, kampu'i timo hiaza huno agu'afi me'neno, evava nehuno manivava asimu amigahie.

Matiu 7:21

Mago'a vahe'mo'za Nagriku, Ra Anumzanti, Ra Anumzantie nahaza vahe'mo'za, mona kumapina ovugahaze. Hianagi iza'o monafi nemnia Nfanimofi avesi'ma nevariri'samo'za ufregahaze.

Jemisi 4:14

Okima tamagrite'ma fore'ma haniazana ontahi'naze. Tamagra nanterampi hamponkna hu'nazankitma osi'a kna manitetma fanane hugahaze.

Joni 6:58

Ama'i monafinti ermi'nea breti me'ne. Tmagehe'za ka'ma mopafi nete'za fri'naza ne'zana omne'ne, aza'o mago'mo ama bretima nesimo'a manivava hugahie.

Matiu 21:31

Taremokiznifintira inamo nefa avesizana avaririne? Zamagra hu'za Pusante'mo'e, hzageno Jisasi anage huno, Nagra tamage neramasmue, zgoma vahepinti zonegiza vahe'ene, monkote'ma nehaza vahe'mo'za tmagrira tmagatere'za Anumzamofo kumapina vugahaze.

1 Tesalonaika 5:18

Hakare'zampina Anumzamofona susu hunteho, na'ankure Jisasi Krasimpima e'inahu tamavutamavama huzankura Anumzamofona avenesie.

Kolosi 4:12

Epafrasi'a Krais Jisasi kazokzo eri'za ne' tamagri kumateti nekino, musenke atreramante. Agra tamagrikura tusi'za huno, Anumzamo'ma avesinea kante tamaza hanigeta oti hanavenetita, nena vahekna nehutma ana mikomotma hakare zampina ama hnazegu nunamuna maka zupa huneramantea nere.

Proveps-Knare Nomaniza 10:25

Kefo avu'avazama nehaza vahe'mokizmia unu ko'ma atuno esuno'a, zamavreno fregahie. Hianagi fatgo vahe'mo'za oti hanavetiza, manivava hugahaze.

Kolosi 1:9

Hanki e'iana agafare, tagrama tamagenkema antahuna knaretima e'neana, tagra tamagrira Anumzamo Agra'a avesite avamupi knare antahizane, antahi ama hu'zana antevitermantesiegu nunamuna huvava huta antahi'negone.

Joni 7:17

Aza'o agu'amo otinkeno Anumzamofo avesi'za huku hanimo'a, rempima nehuana agra antahino, Anumzamofonteti e'nefi, Nagrani'a navesite nehufi refko huno kegahie.