1 Joni 1:8 - Kamano

⁸ Tagrama huta, kumi osu'none hanuta, tagra'a reravatga hanunkeno, tamage kemo'a tagri tagu'afina omanegahie.

Anumzamofo Routage Avantafere

⁸ Tagrama huta kumi osu'none hanuta, tagra'a reravatga hanunkeno, tamage ke'mo'a tagri tagu'afina omanegahie.

1 Joni 1:8 Referans Kwoze

Romu 3:23

Na'ankure maka'mota kumi huta Anumzamofo hanave'ane kumapina umanigara osuta, atupa hu'nonane.

Jemisi 3:2

Na'ankure rama'a zampi havizana nehune. Hagi iza'o agrama kema hanifima fatgo osu kegaga huzanku'ma kva'ma hanimo'a, agra soe ne'kino amne mika avufgamofona kvahu so'e nehie.

1 Joni 2:4

Aza'o huno Anumzamofona antahi'na ke'na hu'noe nehuno, kasege'a amage ontesimo'a, havige vahe mani'neakino, e'inahu vahepina tamage kemo'a agu'afina omanegahie.

1 Joni 1:10

Tagrama huta kumi osu'none hanuta, Anumzamofona azeri havige ne' kna nehunkeno, ke'amo'a tagu'afina nomane.

Proveps-Knare Nomaniza 20:9

Nagu'amo'a fatgo higena, nagra agru hu'noankino nagripina kumira omane'ne huno iza hugahie?

Galesia 6:3

Na'ankure mago'mo'ma agima omnenenimo, nagi me'ne huno agesama antahisiana, agra'a revatga hugahie.

Jemisi 1:26

Mago'moka mono vahe'mani'noe nehunka kagefu'na kegva osnanana, kagra'a regavatga hanankeno mono kamo'a amnezankna hugahie.

1 Timoti 6:5

maka'zupa zamagu'amo knare osu'nea vahe ene fra nevziza, zamagu zamagesamo haviza hu'nea vahe'mo'za tamage kea nosaze. Zamagrama antahi'zana Anumzamofo nanekefintira feno erisanti haregahune nehaze.

1 Korinti 3:18

Mago vahe'mo antahintahi huno, nagra knare antahi'zane vahe ama knafina mani'noe hania vahe'mo'a, agra'a ravatga osino. Hanki atrenkeno neginagi vahe maniteno, henka knare antahi'zane vahera efore hino.

2 Joni 1:2

Na'ankure tamage kemo tagu'afi me'neankino, maka kna tagrane mevava hugahie.

1 Joni 1:6

Tagrama huta Agrane vano nehune huta nehuta, hanizampima vano hanunana tagra havige nehuta, tamage kemofona amage nontone.

Jemisi 1:22

Amnea Anumzamofo Ke'agera ontahio, kagraka'a regavatga hugahananki, ana nanekemoma hania kante antenka amage anto.

2 Timoti 3:13

Hianagi havi vahe'mo'zane krunage nehza vahemo'zanena, haviza nehaza zampintira agtere'za tusi'a havizampi ufregahaze. Vahe'ma rezmatga nehza'zantera, ana zanke hu'za zamagri'enena rezmatga hugahaze.

3 Joni 1:3

Na'ankure mago'a nenafu'za e'za tamage kemo'ma kagu'afi me'nea kema huama hazage'na, tamage kemo'ma hu'nea kante mani fatgo hu'nana zankura, nagra tusi muse hu'noe.

2 Pita 2:13

Zamagra havi zmavuzmava nehazanki'za, mizama'a haviza erigahaze. Zamagrama zamagesama antahizana, musenkase huta aka tina zge ferupina negahune nehu'za, havi zmaguzmagesareti nezama kagranema nenazazamo'a, zamagraguke antahi zmavuzmava nehu'za, zmagazehu zmavuzamava hu'za nevazankino, ana zmavu'zamavamo'a, zmazeri haviza hugahie.

Joni 8:44

Tamagra Sata mofavre naga mani'naze, ana hunetma nermafa'ma avenesia avu'avaza nehaze. Ese agafare vahe ahe fri'nea ne' mani'neno, tamage nanekemofona amage nonte. Na'ankure tamage kea agripina omne'ne. Kema hifina, havigege nehie, agra avu'ava zanku kea nehie. Na'ankure havige ne' mani'neno, havigemofo nefa'e.

Romu 3:10

Avontafepi krentenena, Magora fatgo vahera omanine. Magore huno omnitfa hu'ne.

1 Joni 4:20

Hagi mago'mo huno, Anumzamofo navesinentoe nehuno, amentintima nehia nefuma avesi ontesuno'a, havige vahe mani'ne. Na'ankure mago'mo amentinti nehia nefuma negemofama avesi ontesuno'a, Anumzana nonkemofona avesi ontegahie.