ZOSUA 24:4 - Anumzamofo Routage Avantafere

⁴ Ana hute'na Aisakina tare ne' mofavrea Jekopune, Isone ami'noe. Hanki Seiria agona mopa Isona ami'noanagi, Jekopu'ene mofavre naga'amo'za Isipi moparega urami'naze.

ZOSUA 24:4 Referans Kwoze

Tiuteronomi Kasege 2:5

Hianagi tamagrafintira hara huozamanteho, na'ankure zamagri mopafintira magore hu'na mopa ontamitfa hugahue. Na'ankure Seiri agona mopa Isone hu'na ami'noe.

Jenesis 36:8

Higeno Iso'a Seiri agona moparega umani'ne. Isona mago agi'a Idomu'e.

Aposol 7:15

Hanki Jekopu'a Isipi umani'neno, anantega agrane tagehe'zanena fri'naze.

Sams-Zgame 105:23

Hagi henka Israeli naga'mo'za Isipi mopafina efre'naze. Ana hutazageno Jekopu'a Hamu vahe mopafi kraga vahe seno emani'ne.

Jenesis 32:3

Jekopu'a ke erino vu vahe huzmantege'za vugote'za nefu Iso mani'nere Idomu moparega, mago agi'a Seirie nehazarega vu'naze.

Sams-Zgame 127:3

Ra Anumzamo'ma mofavreramima neramiana museza neramie. Ana hu'neankino Anumzamo'a asomu hunerante.

Jenesis 36:9

Iso'a Seiri agona kokampi nemaniza Idomu vahe'mofo nezmageho'e.