Filipai 4:13 - Anumzamofo Routage Avantafere

¹³ Kraisi'a hanavea nenamigena, Agri hanavefi maka'zana amne hugahue.

Kamano

¹³ Kraisi'a hanavea nenamigena, Agri hanavefi maka'zana amne hugahue.

Filipai 4:13 Referans Kwoze

Aizaia 41:10

E'ina hu'negu korora osiho, na'ankure nagra tamagrane mani'noe. Nagra tamagri Anumza mani'noanki, antahintahi hakarea osiho. Nagra tamazeri hankaveneti'na, tamaza hugahue. Nagra tamagerfa hu'na hankavenentake tamaga nazampi tamazerigahue.

Kolosi 1:11

Agri'a masanentake hankavereti tamazeri hankavetinketa kazikazi huta nevuta, akoheta agazone huta musezampi manigahaze.

Efesasi 6:10

Hanki vagare nanekema tamasmisuana, Ramofonte hanavetitma Agri hihamu'mofo hanavefi manigahaze.

Efesasi 3:16

Nagra nunamu nehue, Agra'a marerisa knare'za huhampri tamanteno hanave'afi tamazeri hampo'na hanigu, Agra'a Avamu'a vahe'mofo agu'afinka ante'ne.

Joni 15:7

Tamagrama, Nagri'ene tragoteta mani'ne'nageno, naneke ni'amo tamagri tamagu'afi'ma me'nena, tamesinia zankuma nantahigesazana amne erigahaze.

Aizaia 45:24

Zamagra Nagrikura amanage hu'za hugahaze, Ra Anumzamofona agripinke fatgo avu'ava zane hankavenena me'ne hu'za hugahaze. Ana nehanage'za Anumzamofoma zamarimpama ahente'naza vahera esnageno zamazeri zamagaze hugahie.

1 Timoti 1:12

Hagi Krais Jisasi'a tagri Ramo, hihamu nami'negu muse hunentoe. Na'ankure Agra nagri antahinamiteno, erizani'a erigahane huno huhamprinante'ne.

Matiu 14:29

Higeno Knareki eno! higeno Pita'a votifinti uramino ti avozare Jisasintega vu'ne.