3 Mose 7:36 - Anumzamofo Routage Avantafere

³⁶ Hagi pristi vahe'ma huhampri zmanteno masavema frezmantenia zupa, Ra Anumzamo'a Israeli vahe'mokizmigura ofama hanafintira ama anama'a pristi vahera zamitere hugahaze huno huzmante'neanki'za, Israeli vahe'mo'za fore hu anante anante'ma hanaza vahe'mo'za ofama hanaza zupa, ama anama'a amitere hugahaze.

3 Mose 7:36 Referans Kwoze

3 Mose 8:12

Hagi mago'a masavena Aroni asenifi frenenteno azeri ruotage hunte'ne.

3 Mose 8:30

Hagi Mosese'a vahe'ma huhamprinte masavena mago'a erino, kresramna vu itareti korana mago'a erino Aroni za'za kukenaregane, mofavre'amokizmi za'za kukenaregane rutri tri hu'nezmanteno, Aronine kukena'ane, mofavreramima'ane, kukenazami'nena eri ruotage hu'ne.

3 Mose 3:17

Ama tra kea mevava trake me'nena, tamagri'ene ana miko fore hunante anante hu'za esaza vahe'mo'za, magore hu'za agusa'ane, korama'anena onetfa hugahaze.

1 Samue 2:28

Hagi neramageho Aronina maka Israeli naga nofipintira Nagra'a huhampri antogeno pristi vahe zaza kukena hu'neno, Nagri navuga pristi eri'zana kresramna vu itarera marerino e'nerino, mananentake'zana kremna vu'ne. Hagi mika Israeli vahe'mo'zama ofama tevefima haza ne'zana, miko kagri kagehe'i pristi naga zami'noe.

Zmavarene 27:21

Ana seli mono nompima, huvempa huno huhagerafi vogisima ante asama hunaraginte tavravemofo avuga, Aroni'ene ne' mofavre naga'amo'za Anumzamofo avurera kinagane nanteranena tavira tagintenkeno tevava nehina, ama'i ana avu'avara Israeli vahe'mota huvava hutma nevinke'za henkama tamagehe'za fore hanamo'za ana zanke hu'za vugahaze.