Mateo 8:16 - Bëngbe Bëtsa Cabëngaftaca Entsoyebuambna

¹⁶ Chë te jaibétatama ora, Jesús yojtsemnoye banga bacna bayëjëngbe juabna uambaye ents̈anga tmojanënatse. Chora, nÿe canÿe Jesús jóyebuambayëse chë bacna bayëjënga imojtsaisebocana y nÿetsca s̈oquënga tojanashná.

Mateo 8:16 Referans Kwoze

Lucas 4:40

Shinÿe yojuenatjëmba ora, banga inÿe y inÿe s̈ocana bomnënga Jesúsbioye tmojanënatse, y cha nÿetsca s̈oquë́ngbeñe cucuats̈ënga tojanjajó y tojanashná.

Mateo 14:14

Chents̈ana, chë barquë́shoicana tojtanastjango ora, Jesús ba ents̈anga tojánanÿe, chë cha tmojánguanguënga. Chëngbiama tbojanongmé y chë ents̈anguents̈ana ba s̈oquënga tojanashná.

Hechos 5:15

Ts̈a bëts soyënga chë ichmónëngaftaca yojtsebinÿna; chíyeca ents̈anga imojanamana jutsnëshangañe y tjuashënguiñe tsáshenoye s̈oquënga jubuacnana, chca, Pedro chëjana tojtsachnëjuana ora, nÿe mo chabe sómbrënaca chëngbe cuerpëjana chaochnënguama, shnánënga jtsatsmënama.

Marcos 5:8

Chca tbojaniyana, er Jesús chábioye tbojaniyana: —¡Bacna bayëjbe juabna, chábents̈ana maisebocna ca!

Mateo 12:22

Chora, Jesús yojtsemnoye canÿe boyabása jtaná y ndëbiá tmojanánatse. Chana bacna bayëjbe juabna uambayá inamna; y Jesús chábioye tbojanshná, chabuatabínÿnama y chabuatauénanama.

Marcos 2:3

Chora tojanopasá, canta boyabásenga tmojánashjango, canÿe ents̈á jama ndobená imojtsaismana.

Mateo 9:2

Chora, canÿe jama ndobená, tjuashiñe jajoná, Jesús yojtsemnoye básefta boyabásenga tmojanamba. Jesús tojáninÿe chënga ts̈a imojtsos̈buáchema chë s̈ocábioye jáshnama cha bétsobenama; as chë s̈ocábioye tbojaniyana: “Sobreno, añemo matsca; acbe bacna soyënga tcbontseboperdoná ca.”

Marcos 9:25

Y bëtscá ents̈anga imojtsójotoma Jesús tojáninÿe ora, chë bacna bayëja tbojtsanbochembo mënts̈á: —¡Bacna bayëja, chë básetema tësmá y ndëbiá biamnayá; chábents̈ana maisebocna y ndocna te más chábeñe catjésamashëngo ca!

Mateo 8:33

Chora chë cots̈ënga anÿenënga tmojtsanacheta, y chë puebloye tmojánashjajna ora, tmojanonts̈é lempe nts̈amo yojochnëngcá jacuéntana y nts̈amo chë bayëjbe juabna uambayátaftaca tojanopasámnaca.

Mateo 8:15

Chora Jesús chë uambén mamabe cucuats̈e tojánbojajo y cachora chë calentora tbojtsanóbojuanañe. Chorna chë uambén mamá tojtantsbaná y tojanonts̈é chënga jobuácuedana.

Lucas 4:41

Chora, ba s̈oquëngbents̈ana bacna bayëjënga imojtsaisebocana y mënts̈á imojtsanchembumbuana: “¡Aca chë Bëngbe Bëtsabe Uaquiñá condmëna ca!” Pero Jesusna yojtsëcácana y ndoñe tonjanalesenciá chamóyebuambama, er chë bayëjënga imnatáts̈ëmbo cha chë Cristo bétsemnama.

Lucas 13:12

Jesús chábioye tbojáninÿe ora, tbojanchembo y mënts̈á tbojaniyana: “Batá, mora ya ndoñe s̈ocá quecátsmëna ca.”