Juan 9:18 - Bëngbe Bëtsa Cabëngaftaca Entsoyebuambna

¹⁸ Pero chë judiënga ndoñe montsanos̈buaché, cha chë jtaná inamnama y chora ibojtsabinÿnama. As chënga, ínÿenga tmojanichamó chë boyabásabe bëtsë́tsata jobiats̈ama.

Juan 9:18 Referans Kwoze

Hebreos 4:11

Chíyeca, s̈ontsamna lempe nts̈amo tmojobenacá jamana chë jóchnama uámana luare jëftsashjáchama, nts̈amo chë Bëngbe Bëtsábioye ndoñe tmonjanoyeunangcá ndocná chaondë́tsamama, y chë causa chënga chë soye ndoñe tmonjë́ftsashjache.

Juan 9:22

Tempo, chë judiënga imojenóyeunaye, chëngbe enefjuana yebnënguents̈ana jtëbuacanana chë Jesús ndegombre chë Uámana Uabuayaná, chë Cristo yojamna ca tmojayanënga. Chë bëtsë́tsatna chama ibojtsauatja;

Juan 5:44

Ts̈ëngaftanga corente jésebos̈ana, ínÿenga ts̈ëngaftangbiama ts̈abá chamotsichámuama, y ínÿengbiama ts̈abá jtsichámuama; pero ndoñe ntsebos̈ana chë nÿe canÿe Bëngbe Bëtsá ts̈ëngaftangbiama cachcá chaotsichámuama. Chca s̈mojtsamëse, ¿nts̈amo s̈mochtsobena Bëngbe Bëtsábeñe jtsos̈buáchiyana?

Juan 1:19

Canÿe te, Jerusalenoca judiënga tmojanichamó básefta chëngbe bachnanga y levitënga, chë Bëngbe Bëtsabe bëts yebnoca trabájayënga, Juan yojtsemnoye, cha nda bétsemnama chamuatjayama.

Lucas 16:31

Pero Abraham ibojauyana: ‘Chënga ni mo Moisés, ni chë Bëngbe Bëtsabe juabna oyebuambnayë́ngbioye ndoñe tmonjóyaunase, Bëngbe Bëtsábeñe ndoñe quemochatos̈buáchiye, masque canÿe obaná chauatayenëse, chë́ngbioye jábuayenama ca’ ” —Jesús tojancuentá.

Juan 9:19

Chë bëtsë́tsata tbojánashjango ora, chë judiënga tmojanatjá: —¿Quem boyabása tsëndatbe uaquiñá yomna ca? ¿Ndegombre tas̈ojtsichamo cha jtaná inonÿnama? Chcase, ¿nts̈amo mora cha ibojtsabinÿna ca?