Juan 7:43 - Bëngbe Bëtsa Cabëngaftaca Entsoyebuambna

⁴³ Y chca, ínÿengna Jesusbe pavor imojtsemna, y ínÿengna chabe contra.

Juan 7:43 Referans Kwoze

Juan 10:19

Chë soyënga chë judiënga tmojanuena ora, cachiñe banga Jesusbe contra y ínÿengna Jesusbe pavor imojtsemna.

Juan 9:16

As chora básefta fariseunga imojtsichamo: —Chë jtaná chabotsabinÿnama tojamá ndoñe tonjochná, y ochnayté tojatrabajá. Chíyeca cha Bëngbe Bëtsabe ents̈á ndoñe quenátsmëna ca. Inÿenga imojtsichamo: —Cha canÿe bacna soyënga amá tojtsemnëse, ¿nts̈amo nantsobena canÿe bëts soye Bëngbe Bëtsabe obenánaca jamama ca? Y chca, ínÿenga Jesusbe pavor imojtsemna, y ínÿengna chabe contra.

Juan 7:12

Ents̈ángbeñe ba soyënga chabiama iytëcana imojtsichamo. Inÿenga chabiama imojtsichamo: “Cha ts̈abia endmëna ca”; pero ínÿengna: “Cha ents̈anga entsaíngña ca”.

Hechos 14:4

Pero nÿetsca chë pueblents̈a ents̈anga ndoñe cachcá imontsejuabnaye; ínÿenga chë judië́ngaftaca imojtsemna, y ínÿengna chë Jesucristbe ichmonátaftaca.

Lucas 12:51

¿Ts̈ëngaftanga s̈mojtsejuabná ats̈e tijabo quem luarents̈e ents̈anga natjë́mbana chamotsiyenama? Ndegombre ndoñe chca queochátsmëna; ats̈e sënjabo causa, ents̈anga más mochántsentsjanaye.

Mateo 10:35

Ats̈e sënjabo chë uaquiñá cachabe taitabe contra chaotsemnama, chë bembe cachabe mamabe contra y chë bebincuá chabe uambén mamabe contra chaotsemnama.