Juan 19:14 - Bëngbe Bëtsa Cabëngaftaca Entsoyebuambna

¹⁴ Bashco fiestama canÿe te yojtsájamna, y mo nÿetsto ora yojtsemna. Chora Pilato chë judiënga tojanë́yana: —¡Muents̈e ts̈ëngaftangbe rey entsemna ca!

Juan 19:14 Referans Kwoze

Mateo 27:62

Yëfsana, chë ochnayté, chë bachnangbe amë́ndayënga y chë fariseunga cánÿiñe tmojána Pilato jinÿama.

Juan 19:5

As Jesús tojánbocna chë uchmas̈ë́fjangaca coronë́sha uabests̈ajoná y chë shbuenda uafjatsenga ents̈ayá mo reycá uichëtjoná. Y Pilato tojanë́yana: —¡Muents̈e chë boyabása entsemna ca!

Juan 19:42

Asna, nÿe chents̈e Jesusbe cuerpo tmojansegorá, chë Bashco fiestama canÿe te yojtsájamna causa, y chë cuevëshe chë béconana inámnayeca.

Marcos 15:25

Cachëse, base mos̈enana ora Jesús tmojancrucificá.

Juan 19:3

Chorna chënga imojtsóbobecocnaye y jtsafchayama imojtsatsëtsnaye: “¡Bayté judiëngbe Rey cochtsemna ca!” Y imojtsejuebants̈etaye.

Lucas 23:54

Yëfsana ochnayté bétsemnayecna, cach te yojanotocana saná japróntana chë yëfsana jasama; y chë ochnayté ya yojtsebínÿana.

Marcos 15:42

Chë yëfsana ochnayté yojtsémnayeca, cach te yojánamna saná japróntana chë yëfsana jasama. Ya yojtseibétatana ora,

Mateo 27:45

Nÿetsto orscana las tresë́ntscoñe, nÿets quem luare yojtseibétata.

Lucas 23:44

Nÿetsto orscana las tresë́ntscoñe nÿets quem luare yojtseibétata.