Mateus 5:15 - Kadiwéu New Testament

¹⁵ Aɡ̶ica ane yalegi noledaɡ̶axi, oditaɡ̶a yapoɡ̶oditinigi anigetaɡ̶ada naɡ̶aaɡ̶axi. Pida naɡ̶ana noledaɡ̶axi oipeke ditibigimedi, mowo me naloteloco iditawece ane idei catiwedi diimigi.

Mateus 5:15 Referans Kwoze

Marcos 4:21

Jesus eɡ̶idaaɡ̶ee me dotaɡ̶a, meetediogi, “Domigica ane yalegi noledaɡ̶axi odaa yapoɡ̶oditeloco baalida, oɡ̶oa domigetaɡ̶a ixotiwece nipe le? Aɡ̶ica! Pida oyalegi naɡ̶ana noledaɡ̶axi, odaa onanyoketi ditibigimedi.

Lucas 11:33

Aɡ̶ica ini oko ane yalegi loledaɡ̶axi oditaɡ̶a yapoɡ̶oditini, domigetaɡ̶a yapoɡ̶oditeloco baxia. Pida ideyate loledaɡ̶axi ditibigimedi, eotibige minatawece oko anodakatiwece diimigi onadi liwitiigi.

Lucas 8:16

Aɡ̶ica ini ane yalegi loledaɡ̶axi oditaɡ̶a yamaɡ̶ateloco ɡ̶inogo ane leegitinece le, migetaɡ̶a ixotiwece lipe le loledaɡ̶axi, pida ipeke loledaɡ̶axi ditibigimedi, odaa inatawece oko anodakatiwece diimigi onadi liwitiigi.

Lucas 11:36

Niganitawece ɡ̶adaaleɡ̶ena nolee lokokena, oteɡ̶exaaɡ̶aɡ̶a idei nexocaɡ̶a, odaa atale macataɡ̶a naɡ̶ana lokokena me nalo catiwedi ɡ̶adaaleɡ̶ena.”

Filipenses 2:15

Awii niɡ̶ida anejitaɡ̶awatiwaji amanagawini aɡ̶ica ane yakadi mee mawii ane beyagi, odaa aɡ̶ica ɡ̶abatiigitiwaji. Odaa nigidaaɡ̶eni jaɡ̶akaami Aneotedoɡ̶oji lionigipi, aɡ̶ica gaantokaaɡ̶ini ɡ̶abeyaceɡ̶egi, mawaanitege niɡ̶ina oko ane doɡ̶oyowooɡ̶odi mowote ane iɡ̶enaɡ̶a, codaa niɡ̶idi oko beyagi. Niɡ̶ida makaamitiwaji ane ideoni liwigotigi niɡ̶idi oko ɡ̶adiciagi niɡ̶inoa yotetitedi ane datale digoida ditibigimedi ane nexocaɡ̶a, niɡ̶ina nige daɡ̶a ikani me iwaɡ̶atakanitiwaji, codaa nige eloɡ̶otitedibece nibodicetedi anele ane icoɡ̶otedigi miniwataɡ̶a Aneotedoɡ̶oji, aneo ɡ̶odewiɡ̶a. Niɡ̶ina nige doɡ̶otaɡ̶anitibecetiwaji codaa nige daɡ̶adinotigimadenitatiwaji, awii me idinitibeci niɡ̶ica noko nige dopitedijo Cristo, leeɡ̶odi aɡ̶ica daɡ̶a atooa me idinoniciwaɡ̶adi, aiciagi niɡ̶ina nalokodeɡ̶ecajo ane dinenyaɡ̶adi, codaa me diniciticobece me walokodi, pida niɡ̶idiaaɡ̶idi aniadi, eledi aiciagi niɡ̶ina aneliodi me diba, pida aɡ̶ica nigaanye.

Hebreus 9:2

Odaa joɡ̶odabiteɡ̶etini niɡ̶ijo lopegedi anijoa iniwataale letiidi. Ica odoejegi le beɡ̶eneɡ̶egi niiɡ̶eticogi we, one liboonaɡ̶adi, “Nopegedi-le anoiomaɡ̶aditema Aneotedoɡ̶oji”. Niɡ̶ini lopegedi-le ada noledaɡ̶axi, acaaɡ̶aca nameeja, icaaɡ̶icoa paontedi anoibootalo Aneotedoɡ̶oji.

Apocalipse 2:5

Odaa jipokotaɡ̶awa manalakitibigetiwaji anodaaɡ̶eni maleekoka ademaani, adinilaanitece niɡ̶ida ɡ̶abatiigitiwaji, odaa awiitace niɡ̶ijo anenitiwaji jotigide. Nige daɡ̶a adinilaanitibecetiwaji, janagi, odaa inoɡ̶atice ɡ̶adoledaɡ̶axitiwaji miditaɡ̶a ane limedi.