Marcos 2:24 - Kadiwéu New Testament

²⁴ Odaa niɡ̶ijoa fariseutedi moditalo Jesus, “Digawini! Igame leeɡ̶odi niɡ̶idi anodiotibigaɡ̶adici mowo ane yolitoɡ̶odomi ɡ̶onajoinaɡ̶aneɡ̶egi me daɡ̶a jaoɡ̶a niɡ̶ina me saabado?”

Marcos 2:24 Referans Kwoze

Hebreus 12:3

Amina beɡ̶ele mowoo. Ijaaɡ̶ijoa Ǥoniotagodi, eliodi me dawikode codaa dinatite ijoatawece ane beyagi anowotema niɡ̶ijoa abeyacaɡ̶aɡ̶a. Joaniɡ̶idaaɡ̶ee nigowootibige Ǥoniotagodi, odaa aɡ̶anigaaxetiwaji migetaɡ̶a adinibadaani.

Mateus 12:2

Pida ijoa icoa fariseutedi anonadi noɡ̶onotegi ligecidi leyeema. Noɡ̶onadi, odaa moditalo Jesus, “Digawini! Niɡ̶idi anodiotibigaɡ̶adici joɡ̶owo ane yolitoɡ̶odomi ɡ̶onajoinaɡ̶aneɡ̶egi niɡ̶ina me saabado.”

Marcos 2:16

Niɡ̶ijoa niiɡ̶axinaɡ̶anadi anodiiɡ̶axinaɡ̶atece lajoinaɡ̶aneɡ̶eco Moisés, niɡ̶ijo anida aneetege niɡ̶ijo lapo fariseutedi, onadi Jesus me ligiiwepodi niɡ̶ijo anodibatibigege ninyeelo ninionigi-eliodi romaanotedi, codaa me niɡ̶ijoa eletidi oko aneliodi me abeyacaɡ̶aɡ̶a. Niɡ̶ijo noɡ̶onadi, odaa joɡ̶onigetiniwace niɡ̶ijo anodiotibece Jesus, moditiogi, “Igame leeɡ̶odi Ǥaniotagodi me ligiiwepodi codaa me lacipaɡ̶awepodi niɡ̶ina anodibatibigege ninyeelo ninionigi-eliodi romaanotedi, codaa me niɡ̶idi oko aninoa libeyaceɡ̶eco?”

Marcos 2:7

“Igame leeɡ̶odi idoa ɡ̶oneleegiwa meote ida ligegi? Dotaɡ̶atedibige Aneotedoɡ̶oji. Igaataɡ̶a aɡ̶ica eledi ane yakadi me napitaɡ̶adi libeyaceɡ̶eco niɡ̶ina oko. Iniokiniwateda Aneotedoɡ̶oji baɡ̶a yakadi me napitaɡ̶adi nibeyaceɡ̶eco.”

Marcos 2:25

Pida Jesus meetediogi, “Ajawienataka me naɡ̶alomeɡ̶enitelocotiwaji niɡ̶ijo Davi aneo niɡ̶ijo jotigide, Abiatar me lacilo-sacerdotitedi. Niɡ̶ijo Davi ijaaɡ̶ijoa lokaaɡ̶etedipi naɡ̶a nigodi nigigi, odaa Davi dakatio minitaɡ̶a Aneotedoɡ̶oji liɡ̶eladi, odaa ja yeligo nipaon niɡ̶ijoa sacerdotitedi anoibootalo Aneotedoɡ̶oji. Ǥonajoinaɡ̶aneɡ̶egi ɡ̶odoxoɡ̶o me diɡ̶ica eledi ane yakadi me yeligo niɡ̶ijo paon. Inokinoa sacerdotitedi boɡ̶oyakadi moyeligo niɡ̶ijo paon. Pida Davi baanaɡ̶a yeligo, codaa yajigotiogi niɡ̶ijoa lokaaɡ̶etedipi maɡ̶aɡ̶a oyeligo.”