João 8:14 - Kadiwéu New Testament

¹⁴ Naɡ̶a niniɡ̶odi Jesus, meetediogi, “Idaaɡ̶ida nige emeɡ̶ejitece ane Ee, pida yotaɡ̶a baɡ̶a diniwaloe, ejitece anewi. Igaataɡ̶a jowooɡ̶odi ane jicoɡ̶oticogi codaa jowooɡ̶odi ane jopiticogi. Pida niɡ̶ida makaamitiwaji aɡ̶owooɡ̶oti ane jicoɡ̶oticogi, oteɡ̶exaaɡ̶aɡ̶a niɡ̶ica ane jopiticogi aɡ̶owooɡ̶oti.

João 8:14 Referans Kwoze

João 16:28

Jaladi Eiodi, odaa ja janagi niɡ̶ina iiɡ̶o. Odaa natigide jaladi niɡ̶ina iiɡ̶o, jopitalo Eiodi”.

João 14:10

Aɡ̶iwaɡ̶atakani mejotelogo Eiodi, codaa Eiodi miniwa meetaɡ̶a?” Odaa jeɡ̶eetediogi Jesus niɡ̶ijo anodiotibece, “Niɡ̶inoa anejitedaɡ̶awatiwaji, aɡ̶ejitece emeɡ̶ee. Pida Eiodi aniniwa meetaɡ̶a, joaneɡ̶epaaɡ̶eote libaketedi.

João 8:42

Odaa jeɡ̶eetediogi Jesus, “Digawinitiwaji, deɡ̶ewi me Ǥadiodi Aneotedoɡ̶oji, daɡ̶anagawini ademaani, igaataɡ̶a Ee Lionigi, codaa jiɡ̶idaa jicoɡ̶oticogi miniwataɡ̶a. Aneɡ̶emaɡ̶a yoniciwaɡ̶a me janagi, pida jiɡ̶iniaa idiiɡ̶e.

João 17:8

Igaataɡ̶a jeloɡ̶oditiogi ɡ̶adotaɡ̶a ananajicitediwa, odaa joɡ̶odibatege. Codaa joɡ̶oyowooɡ̶odi mewi me jicoɡ̶otibigimece makaamitaɡ̶a, codaa jeɡ̶eniwaɡ̶atakanaɡ̶a mewi naɡ̶akamaɡ̶a adiiɡ̶eni.

Apocalipse 3:14

Odaa meetediwa, “Idiitema yotaɡ̶atibige niaanjo lapo loiigi Ǥoniotagodi ane idei manitaɡ̶a nigotaɡ̶a Laodicéia: Lotaɡ̶a Niɡ̶ijoa ane liboonaɡ̶adi ‘Jiɡ̶idaaɡ̶ee’, leeɡ̶odi ewi me ikee anodaaɡ̶eeteda Aneotedoɡ̶oji codaa me jakataɡ̶a me jinakatonaɡ̶a ane ligegi. Jiɡ̶iniaaɡ̶iniwa Aneotedoɡ̶oji ane ibake meote inoatawece aninoa.

2 Coríntios 12:19

Jakadi maleetibigetiwaji minoatawece niɡ̶inoa ane jidi, jidikotibigaɡ̶aji midokida me jikeetaɡ̶awa me diɡ̶icata ɡ̶obatiigi. Pida Aneotedoɡ̶oji ɡ̶odadi me jidiiɡ̶atedini inoatawece leeɡ̶odi me ɡ̶odexogotege Cristo, odaa jemaanaɡ̶a me ɡ̶adaxawaneɡ̶egi me ili ɡ̶atiwaɡ̶atakaneɡ̶egi, anakaami ɡ̶odokaaɡ̶etedipi ɡ̶odemaanigipi.

2 Coríntios 12:11

Jao me iciagi yetole me jotaɡ̶a, leeɡ̶odi me idinabaketibece. Pida akamaɡ̶akaamitiwaji awiitibige me jao niɡ̶ida aneji me jotaɡ̶a. Igaataɡ̶a akamaɡ̶akaamitiwaji domaɡ̶a leeditibige madinienaɡ̶aneɡ̶eni. Igaataɡ̶a jiɡ̶idaa niɡ̶idi oko modiletibige me diɡ̶icata iniwaló, niɡ̶idi oko anoditibige me daɡ̶axa me ɡ̶oneɡ̶aɡ̶a liiɡ̶exedi Aneotedoɡ̶oji, niɡ̶idi adaɡ̶axa meletibigiwaji doɡ̶onaɡ̶axatiloco.

2 Coríntios 11:31

Leeditibige midioka limedi me joɡ̶eeɡ̶atalo Aneotedoɡ̶oji, Noenoɡ̶odi codaa me Eliodi Ǥoniotagodi Jesus Cristo, ane yowooɡ̶odi me daɡ̶a jiwitaka.

João 10:36

Enige ina meji me Ee Aneotedoɡ̶oji Lionigi, igaamee ina menitiwaji me jotaɡ̶atibige Aneotedoɡ̶oji? Igaataɡ̶a idixipetedice Eiodi, odaa idiiɡ̶etedicogi niɡ̶ina iiɡ̶o.

João 5:31

Deɡ̶emokee mejitece ane Ee, daɡ̶anagawini niɡ̶ina oko aɡ̶odibatege yotaɡ̶a.

João 18:37

Odaa Pilatos ja igetace Jesus, meetalo, “Enice, ida makaami, akaami inionigi-eliodi?” Naɡ̶a niniɡ̶odi Jesus, meeteta, “Ee inionigi-eliodi, diganaleeɡ̶alitigi ɡ̶agegi. Joaniɡ̶idaa leeɡ̶odi me janitini, odaa ja janagi digoina iiɡ̶o mejitece anewi. Niɡ̶ina oko anida aneetege anewi, joaniɡ̶iniaa wajipatalo yotaɡ̶a”.

Apocalipse 1:5

Codaa iniwa eledi idioka limedi meletedaɡ̶adomitiwaji, Jesus Cristo, anidioka limedi me ikee anewi idaaɡ̶ida me dawikode. Jesus Cristo daɡ̶axa me ɡ̶oneɡ̶egi caticedi niɡ̶ina eledi ane newiɡ̶atace, codaa me iiɡ̶e inionaɡ̶atigi niɡ̶ina iiɡ̶o. Ijaaɡ̶ijoa ɡ̶odemaa, codaa ɡ̶odapitaɡ̶aditetema ɡ̶obeyaceɡ̶eco leeɡ̶odi me nadooɡ̶odi lawodi. Eote moko dinoiigiwepodi codaa iiɡ̶e ɡ̶odaaleɡ̶enali. Najigotedoɡ̶owa, anoko loiigi, mida ɡ̶onaɡ̶atetigi me jiboonaɡ̶atio eledi oko lodoe Aneotedoɡ̶oji, ane Eliodi Jesus. Leeditibige midioka limedi me jeloɡ̶otaɡ̶a Jesus Cristo me daɡ̶axa me ɡ̶oneɡ̶egi, codaa mida naɡ̶atetigi codaa mida loniciwaɡ̶a. Odaa jiɡ̶idaaɡ̶ee. Amém.