Filemom 1:19 - Kadiwéu New Testament

¹⁹ Ee Paulo jidikotibigaɡ̶aji me jedia okanicodaaɡ̶ica naalewe. Pida jemaa manalakitibige me micataɡ̶a daɡ̶a adinaaleweeni, leeɡ̶odi ee ɡ̶adaxawani manakatoni Ǥoniotagodi, odaa jiɡ̶idaaɡ̶ee naɡ̶a ɡ̶adewikitace.

Filemom 1:19 Referans Kwoze

Gálatas 6:11

Jaɡ̶anatitetiwaji niɡ̶inoa idiko nelecoli ane emaɡ̶a jidi niɡ̶ina natigide me jikee neɡ̶emaɡ̶a jidi naɡ̶adi iwakate notaɡ̶anaɡ̶axi.

Gálatas 5:2

Digawinitiwaji! Ee Paulo, ejitaɡ̶awatiwaji. Nigakagiti ɡ̶adolaaditiwaji ane lakatigi noiigi judeutedi leeɡ̶odi moyotete lajoinaɡ̶aneɡ̶eco Moisés, odaa niɡ̶ijo Cristo aneotedaɡ̶adomi amica jaoɡ̶ate.

1 Coríntios 4:15

Idaaɡ̶ida mowidi ɡ̶aniiɡ̶axinoɡ̶ododipi anetiɡ̶adaxawani me iwitece Cristo, pida aɡ̶eliodi ɡ̶adiododipi. Leeɡ̶odi me ɡ̶adexocitege Jesus Cristo, odaa ee ɡ̶adioditiwaji, igaataɡ̶a jeɡ̶emaɡ̶a jao me ee ɡ̶adiodi niɡ̶ijo naɡ̶a jadeegitaɡ̶awatiwaji nibodicetedi anele anoditece Jesus.

Tito 1:4

Tito, jiwakateetibigaɡ̶aji naɡ̶adi notaɡ̶anaɡ̶axi idie, leeɡ̶odi idejigotaɡ̶awa micataɡ̶a deɡ̶ewi makaami ionigi, igaataɡ̶a eliodi me ɡ̶adaxawani mepaanaɡ̶a iwaɡ̶ati Ǥoniotagodi, digo aneji mejiwaɡ̶adi Ǥoniotagodi. Jemaa Aneotedoɡ̶oji Ǥodiodi iniaa Ǥoniotagodi Jesus Cristo ane Ǥonewikatitoɡ̶odi midioka limedi meletaɡ̶adomi, codaa midioka limedi metiɡ̶adiwikodeni, codaa maɡ̶aɡ̶a owo ɡ̶adaaleɡ̶ena mele.

1 Timóteo 1:2

Timóteo, jidikotibigaɡ̶aji leeɡ̶odi me idejigotaɡ̶awa micataɡ̶a deɡ̶ewi makaami ionigi, igaataɡ̶a ee jaotibige me iwaɡ̶ati Ǥoniotagodi. Jemaa Aneotedoɡ̶oji Ǥodiodi, iniaa Ǥoniotagodi Jesus Cristo midioka limedi meletaɡ̶adomi, codaa midioka limedi metiɡ̶adiwikodeni, codaa mowo midioka limedi mele ɡ̶adaaleɡ̶ena.

2 Coríntios 3:2

Igaataɡ̶a niɡ̶ida makaami jaɡ̶akamaɡ̶akaamitiwaji macataɡ̶a naɡ̶ana ɡ̶ododoeje me ɡ̶odikeeneɡ̶egi lodoe eledi oko, macataɡ̶a naɡ̶adi ɡ̶ododoeje daɡ̶a dinidi catiwedi ɡ̶odaaleɡ̶ena, odaa inatawece oko oyakadi moyowooɡ̶odi codaa moyalomeɡ̶eteloco.

Romanos 16:22

Eemoda Tertius ane jidi niɡ̶inoa Paulo lotaɡ̶a, aaɡ̶aɡ̶a idecoaditibigaɡ̶ajitiwaji, leeɡ̶odi okotawece oko nepilidi Ǥoniotagodi.

2 Coríntios 9:4

Igaataɡ̶a nigica oko anelatibige nipodigi Macedônia ixigaɡ̶awepodi, igaanige ejoɡ̶otaɡ̶awatiwaji nigaleedaɡ̶a ɡ̶adigomi, odaa ja ɡ̶odiboliɡ̶a, codaa akaamitiwaji eledi aniboliki, leeɡ̶odi me domaɡ̶a ɡ̶adinakatoneɡ̶egi magoti niɡ̶ida ɡ̶abakedi.

2 Coríntios 10:1

Ee Paulo, eemoda iwikodaɡ̶a niɡ̶ina me idejo ɡ̶adiwigotigitiwaji, codaa aɡ̶ee loidenigi. Pida niɡ̶ina me leegitaɡ̶awa me ɡ̶adotoniticoace, aidoi me jidikotibigaɡ̶aji me ɡ̶adoxoki. Ideɡ̶eji leeɡ̶odi Cristo me daɡ̶a loidenigiteda mijoa, pida dinatite niɡ̶ina oko anodakapetege, jipokotaɡ̶awatiwaji me daɡ̶awii daɡ̶a leeditibige me ɡ̶adoxoki nigejigo makaamitaɡ̶a. Igaataɡ̶a ajawienataka mabo yaaleɡ̶ena me joxoɡ̶o niɡ̶idi oko anodi me ɡ̶odiciagi me jowookonaɡ̶a niɡ̶ina oko anida aneetege niɡ̶ina iiɡ̶o.

Filemom 1:18

Nigeo me aniatitema ɡ̶aninyeelo, oɡ̶oa domige ɡ̶adinaaleweeni, anikanitici emaɡ̶a ɡ̶adediani.