Apocalipse 7:10 - Kadiwéu New Testament

¹⁰ Odaa napaawaɡ̶ateloco, modi, “Ǥoniotagodi Aneotedoɡ̶oji ane nicotedeloco epaa nibaanco, iniaa Waxacoco, joaniɡ̶idiaa owo ɡ̶odewiɡ̶a.”

Apocalipse 7:10 Referans Kwoze

Apocalipse 19:1

Odaa niɡ̶idiaaɡ̶idi ja jajipata ijo ane napaawaɡ̶ateloco me notaɡ̶anaɡ̶a, layaagaɡ̶awa niɡ̶ina anelioditiogi oko ane notaɡ̶anaɡ̶ateloco digoida ditibigimedi modi, “Oɡ̶eetetalotiwaji codaa maweniɡ̶ideni Aneotedoɡ̶oji! Jiɡ̶iniaaɡ̶iniwa Ǥoniotagodi Aneotedoɡ̶oji ane najigotedoɡ̶owa gela ɡ̶odewiɡ̶a. Jiɡ̶iniaaɡ̶iniwa aneliodi loniciwaɡ̶a, codaa meliodi me datale.

Apocalipse 12:10

Odaa ja jajipata ijo ane dapaawe me dotaɡ̶a digoida ditibigimedi, mee me dotaɡ̶a, “Niɡ̶ina natigide Aneotedoɡ̶oji noɡ̶atedice niɡ̶ina oko me iteloco loniciwaɡ̶a ɡ̶odaxakawa, ikee loniciwaɡ̶a, odaa ja iiɡ̶e inatawece oko. Codaa Cristo Niɡ̶ijoa ane niiɡ̶e Aneotedoɡ̶oji meote lewiɡ̶a oko, ikee loniciwaɡ̶a. Leeɡ̶odi niɡ̶ijo ane beyagi me dotaɡ̶atibige ɡ̶onioxoadipi noko codaa menoale lodoe Aneotedoɡ̶oji, ijaaɡ̶ijo joɡ̶onokoletini me idei ditibigimedi.

Apocalipse 22:3

Aɡ̶ica gaantokaaɡ̶ini ane beyagi catiwedi naɡ̶ani nigotaɡ̶a. Leeɡ̶odi nibaanco Aneotedoɡ̶oji iniaa Waxacoco idei manitaɡ̶a naɡ̶ani nigotaɡ̶a. Odaa liotaka odoɡ̶etetalo leeɡ̶odi niɡ̶inoa libaketedi anowotema.

Efésios 2:8

Leeɡ̶odi Aneotedoɡ̶oji meliodi meletedoɡ̶odomi, odaa jeɡ̶eote me gela ɡ̶odewiɡ̶a leeɡ̶odi me jinakatonaɡ̶a Cristo. Agotaɡ̶a jakataɡ̶a me jinakatonaɡ̶a daɡ̶a jibakenaɡ̶a okomaɡ̶a ɡ̶odoniciwaɡ̶a, pida Aneotedoɡ̶oji ɡ̶odaxawa me jinakatonaɡ̶a Cristo, micataɡ̶a daɡ̶a ɡ̶onoɡ̶eeditalo ɡ̶otiwaɡ̶atakaneɡ̶egi.

João 1:29

Neɡ̶eledi noko João ja naditege Jesus migo midataɡ̶a. Odaa João jeɡ̶ee, “Digawinitege! Niɡ̶inoa joaniɡ̶inaaɡ̶inoa Waxacoco ane niwakateetedigi Aneotedoɡ̶oji, ane noɡ̶a libeyaceɡ̶eco inatawece oko digoina iiɡ̶o.

Apocalipse 21:5

Odaa Aneotedoɡ̶oji ane nicotedeloco nibaanco me ɡ̶oneɡ̶egi mee, “Inoatawece jigelaɡ̶atidi.” Odaa meetediwa, “Idiitedini niɡ̶inoa yotaɡ̶a leeɡ̶odi ewi, codaa niɡ̶ina oko oyakadi monakato.”

Lucas 3:6

Odaa inatawece oko onadi Aneotedoɡ̶oji anodaaɡ̶ee me yewikatidi oko.’” (Joaniɡ̶idaa Isaías iboɡ̶oditege niɡ̶ijo me ilakidetice naigi Ǥoniotagodi, João ane ilakideticoace laaleɡ̶enali oko mowajipatalo lotaɡ̶a Jesus.)

Apocalipse 5:7

Niɡ̶ijoa anoiciaceeketege Waxacoco jiɡ̶igo dibate naɡ̶ajo notaɡ̶anaɡ̶axi ane idei libaaɡ̶adi Niɡ̶ijoa ane nicoteloco nibaanco me ɡ̶oneɡ̶egi.

Apocalipse 4:6

Lodoe naɡ̶ani baanco ɡ̶oneɡ̶e jinadi idi ane liciagi weiigi ane diɡ̶ica liniogo igeditice macataɡ̶a naɡ̶ana galaapa. Liniogotibece codaa odipegitege naɡ̶ani baanco ɡ̶oneɡ̶e icoa cwaatolo ewikaɡ̶a, anowidi ligecooɡ̶eli lodoe codaa me lowidi.

João 4:22

Niɡ̶ina akaamitiwaji samaritaanotedi aɡ̶owooɡ̶oti niɡ̶ica anoɡ̶eeteta. Pida niɡ̶ida moko anoko judeutedi baɡ̶a jowooɡ̶otaɡ̶a ane joɡ̶eeɡ̶ata. Igaataɡ̶a Aneotedoɡ̶oji baɡ̶a ikeetediogi judeutedi niɡ̶ica anodaaɡ̶ee me yewikatidi oko.

João 1:36

Niɡ̶ica naɡ̶a naditece Jesus me ixomaɡ̶atedijo, odaa jeɡ̶eetiogi João, “Digawinitiwaji. Niɡ̶ijoa digoida, niɡ̶ijoa Waxacoco ane niiɡ̶e Aneotedoɡ̶oji”.