Apocalipse 19:2 - Kadiwéu New Testament

² Niɡ̶ina me iloikatidi niɡ̶ina oko ikee niɡ̶ina anewi codaa meote niɡ̶ina ane iɡ̶enaɡ̶a. Aneotedoɡ̶oji iloikatidi naɡ̶ajo iwaalo agopeloa ane diɡ̶icaadaɡ̶a yowooɡ̶odi leeɡ̶odi loenataka ane napioi digoida iiɡ̶o me loomatewepodi oko. Aneotedoɡ̶oji iloikatidi leeɡ̶odi me nigodi niɡ̶ijoa liotaka Aneotedoɡ̶oji.”

Apocalipse 19:2 Referans Kwoze

Apocalipse 6:10

Niɡ̶idiwa niwicidi napaawaɡ̶ateloco, modi, “Akaami Ǥoniotagodi ane iiɡ̶eni inoatawece, aɡ̶ica makaamitaɡ̶a gaantokaaɡ̶ini ane beyagi, akaami anewi. Igaatigi ica nigawini anemiita idi oko digoida iiɡ̶o? Igaatigi nigaloikatiti niɡ̶ijo anetiɡ̶odigodi?”

Apocalipse 18:20

Aniniitibecetiwaji akaamitawece ane ɡ̶adiɡ̶eladi digoida ditibigimedi, akaamitiwaji ane ɡ̶adiomaɡ̶atitedicoace Aneotedoɡ̶oji makaami nepilidi, codaa makaami liiɡ̶exedi, codaa makaamitiwaji aneloɡ̶otitedibece Aneotedoɡ̶oji lowooko! Aniniitibece akaamitawecetiwaji igaataɡ̶a naɡ̶ajo nigotaɡ̶a aɡ̶aleeɡ̶aca, joɡ̶oyaaɡ̶adi. Aneotedoɡ̶oji ja iloikatidi leeɡ̶odi niɡ̶ijoa loenataka ane beyagitaɡ̶adomi.”

Apocalipse 18:3

Igaataɡ̶a Babilônia yajigotiogi niviinyo inatawece noiigi, codaa iedeɡ̶etinece mowacipeta niviinyo aneote me nalaɡ̶atibigoɡ̶oji niɡ̶icoa epaa lidaɡ̶ataka ane beyagi me loomatewa okanicodaaɡ̶ica oko. Niɡ̶inoa inionaɡ̶a-eloodoli digoina iiɡ̶o eledi noomatewa. Pida niɡ̶inoa anoojetekaɡ̶a jeɡ̶epaanaɡ̶a liicotedi leeɡ̶odi niɡ̶eladimigipitigi naɡ̶ani nigotaɡ̶a odinoojete okanicodaaɡ̶ica leeɡ̶odi lidaɡ̶atakaneɡ̶egi ane beyagi.”

Apocalipse 15:3

Nigaanaɡ̶anaɡ̶a, oigaa ijo elaagi Moisés niɡ̶ijo liotagi Aneotedoɡ̶oji ijaaɡ̶ijo elaagi Waxacoco. Modi me nigaanaɡ̶anaɡ̶a, “Ǥoniotagodi Aneotedoɡ̶oji, eliodi ɡ̶adoniciwaɡ̶a. Codaa eloodoli niɡ̶inoa ɡ̶adoenataka ane joxicaɡ̶atema. Jaɡ̶akamaɡ̶akaami ninionigi-eliodi noiigi ane aolaatice me ɡ̶adoiigi. Iɡ̶enaɡ̶a codaa ewi niɡ̶inoa ɡ̶adowooko.