Apocalipse 18:24 - Kadiwéu New Testament

²⁴ Aneotedoɡ̶oji iloikatidi naɡ̶ani nigotaɡ̶a leeɡ̶odi catiwedi aniaaɡ̶ani naɡ̶ani nigotaɡ̶a oyakadi lawodi niɡ̶ijo anoyeloɡ̶oditedibece Aneotedoɡ̶oji lowooko, codaa me lawodi niɡ̶ijo noiigi Aneotedoɡ̶oji ane iomaɡ̶aditedice mepoka nepiliditeda, codaa me lawodi ijotawece niɡ̶ijo anonigodi digoina iiɡ̶o.”

Apocalipse 18:24 Referans Kwoze

Apocalipse 17:6

Odaa ja jinadi naɡ̶ajo iwaalo yemáɡ̶a, yemakatidi me wacipetalo lawodi loiigi Aneotedoɡ̶oji, codaa me lawodi niɡ̶ijo ane nigo leeɡ̶odi modiotibece Jesus. Niɡ̶ijo naɡ̶a jinadi, eliodi me idawela.

Apocalipse 16:6

Igaataɡ̶a niɡ̶idi oko onadooɡ̶odi lawodi noiigi anaolaatice me ɡ̶adoiigi, codaa me lawodi niɡ̶ijo anoyeloɡ̶oditedibece ɡ̶adowooko. Odaa jaɡ̶ajicitiogi ɡ̶odawodi mowacipetalo. Odaa natigide joɡ̶odibatege ane loojedi niɡ̶ijo loenatagi ane beyagi.”

Apocalipse 19:2

Niɡ̶ina me iloikatidi niɡ̶ina oko ikee niɡ̶ina anewi codaa meote niɡ̶ina ane iɡ̶enaɡ̶a. Aneotedoɡ̶oji iloikatidi naɡ̶ajo iwaalo agopeloa ane diɡ̶icaadaɡ̶a yowooɡ̶odi leeɡ̶odi loenataka ane napioi digoida iiɡ̶o me loomatewepodi oko. Aneotedoɡ̶oji iloikatidi leeɡ̶odi me nigodi niɡ̶ijoa liotaka Aneotedoɡ̶oji.”

Atos 7:52

Liwigotigi niɡ̶ijo anoyeloɡ̶oditedibece Aneotedoɡ̶oji lowooko aɡ̶ica ini ane daɡ̶a oiatetibeci ɡ̶adaamipi. Onigodi niɡ̶ijoa Aneotedoɡ̶oji ane imonya migotibeci oyeloɡ̶odi lotaɡ̶a, niɡ̶ijo anoyatematitibece Aneotedoɡ̶oji me niiɡ̶e Liotagi anepaɡ̶a iɡ̶enaɡ̶a. Pida jaɡ̶ajicitetiwaji mijotaɡ̶a neloɡ̶ododipi, odaa jiɡ̶idaaɡ̶ee neɡ̶eloatitetiwaji.

Apocalipse 11:7

Igaanige oigodi niɡ̶ijoa itoataale liotaka Aneotedoɡ̶oji moyeloɡ̶oditedibece lowooko Aneotedoɡ̶oji, odaa niɡ̶ijo eijeeɡ̶agi nelegi ane doide ja noditibige icoɡ̶otinece niɡ̶ijo elagigi ane diɡ̶ica liniogo. Odaa ja ideleɡ̶e niɡ̶ijoa itoataale liotaka Aneotedoɡ̶oji, odaa aɡ̶odibotege, ja nigodi.

Mateus 23:35

Joaniɡ̶idaa leeɡ̶odi Aneotedoɡ̶oji makaami laagetedipi leeɡ̶odi lemeɡ̶egi ijotawece niɡ̶ijo oko ane iɡ̶enaɡ̶atibigiwaji anonigodi, odoejegi moyeloadi Abel ɡ̶oneleegiwa ane iɡ̶enaɡ̶a, lionigi niɡ̶ijo odoejegi ɡ̶oneleegiwa Adão, neɡ̶epaaɡ̶otota moyeloadi Zacarias, lionigi Baraquias, naiigo ɡ̶adoiigitiwaji, anoyeli wetice Aneotedoɡ̶oji liɡ̶eladi, ipegitege Aneotedoɡ̶oji nameeja.

Mateus 23:27

Nagoodi akaamitiwaji ane iiɡ̶axinaɡ̶anitece najoinaɡ̶aneɡ̶eco, codaa anakaami fariseutedi, anokawii makaami eletetiwaji! Ǥadiciagitiwaji niɡ̶ina émeɡ̶egi libegi, ane libinienigi inokina we, leeɡ̶odi onadineɡ̶eta nadinaɡ̶ajegi ane yapacaɡ̶a niɡ̶idiwa wetiadi. Pida catiwedi niɡ̶ida begi, baɡ̶a nolee ɡ̶obitaka inaa neladaɡ̶a.

1 Tessalonicenses 2:15

Niɡ̶idiwa judeutedi jeɡ̶epaa oyeloadi Ǥoniotagodi Jesus, codaa eledi onigodi Aneotedoɡ̶oji liotaka niɡ̶ijo jotigide anoyeloɡ̶oditedibece lowooko. Codaa moko eledi etiɡ̶odiatetibece. Niɡ̶idiwa judeutedi owotibige Aneotedoɡ̶oji me yelatetema, codaa odakapetege inatawece oko.