2 Coríntios 3:13 - Kadiwéu New Testament

¹³ Baadaɡ̶a ɡ̶odiciagi Moisés. Moisés beɡ̶eo lipegeteɡ̶e ane yapoɡ̶oditini latobi eotibige loiigi Israel me doɡ̶onadi naɡ̶a dineliotini latalaɡ̶a Aneotedoɡ̶oji aneiteloco latobi.

2 Coríntios 3:13 Referans Kwoze

2 Coríntios 3:7

Niɡ̶ijo Aneotedoɡ̶oji naɡ̶a iiɡ̶e Moisés me idí liiɡ̶enatakaneɡ̶eco, iditeloco wetiɡ̶a liwailidi, codaa niɡ̶ica latalaɡ̶a Aneotedoɡ̶oji ja dinikee. Niɡ̶ijo natalaɡ̶a eo latobi Moisés maɡ̶aɡ̶a datale. Niɡ̶ijo natalaɡ̶a naɡ̶a dineliotini, pida eɡ̶idokee me yoniciwadi. Joaniɡ̶idaa leeɡ̶odi loiigi Israel aɡ̶oyakadi oteɡ̶exaaɡ̶aɡ̶a moiwita Moisés. Niɡ̶ijoa liiɡ̶enatakaneɡ̶eco Aneotedoɡ̶oji owo oko midioka limedi me nigo. Niɡ̶idiwa niiɡ̶enatakaneɡ̶eco inoka nadeegi némaɡ̶a. Niɡ̶ijo Moisés naɡ̶a iditedini liiɡ̶enatakaneɡ̶eco, odaa jaɡ̶aɡ̶a datale Aneotedoɡ̶oji latalaɡ̶a. Odaa niɡ̶ida gela ɡ̶onimaweneɡ̶egi me idinilakidenaɡ̶atege Aneotedoɡ̶oji aneotoɡ̶odomi Liwigo, niɡ̶ida gela anejinaɡ̶a daɡ̶axa me ikee anodaaɡ̶eeteda Aneotedoɡ̶oji me datale.

Colossenses 2:17

Niɡ̶ijoa niiɡ̶enatakaneɡ̶eco liciagi niɡ̶ina liwa oko ane jowooɡ̶otaɡ̶a mina menagi. Pida niɡ̶ini oko niɡ̶ini mejinataɡ̶a, odaa aɡ̶ica ane jaoɡ̶a daɡ̶a jiwinaɡ̶ata liwa. Cristo jiɡ̶ijoa menagi, odaa aɡ̶alee leeditibige daɡ̶a jotetenaɡ̶a niɡ̶ijoa nakataɡ̶a laxokodi ane liciagi niɡ̶inoa wa.

Romanos 10:4

Igaataɡ̶a Cristo eotedibige me daɡ̶adiaa leeditibige niɡ̶ina oko me yotete liiɡ̶enatakaneɡ̶eco Aneotedoɡ̶oji oditaɡ̶a ja iɡ̶enaɡ̶a. Pida niɡ̶ina oko leeditibige midokida me nakato Cristo, odaa Aneotedoɡ̶oji ja dibatetege.

Marcos 8:25

Odaa Jesus ja dibatacetedeloco ligecooɡ̶eli niɡ̶ijo etoinaɡ̶a, odaa iiɡ̶etaceda me doletibece. Odaa aɡ̶ica daɡ̶a leegi ligecooɡ̶eli niɡ̶ijo ɡ̶oneleegiwa ja icí, odaa yakadi mepaanaɡ̶a doletibece.