2 Coríntios 1:4 - Kadiwéu New Testament

⁴ Ǥodaxawatetece inoatawece ane dakaketoɡ̶odomi, eotedibige me jakataɡ̶a me jaxawanaɡ̶a niɡ̶ina eledi aninoa lawikodico, digo anigotedoɡ̶owa Aneotedoɡ̶oji me ɡ̶odaxawa.

2 Coríntios 1:4 Referans Kwoze

1 Tessalonicenses 5:11

Enice oleetibige midioka limedi moniciwaɡ̶ati eledi ɡ̶anioxoa, codaa axawani amaleeɡ̶aɡ̶a ili ɡ̶atiwaɡ̶atakaneɡ̶egitiwaji, niɡ̶ijo anenitiwaji jotigide.

Hebreus 12:12

Enice awii mabo ɡ̶adaaleɡ̶ena, codaa jinaɡ̶adinopootiwaji leeɡ̶otedi niɡ̶inoa ɡ̶adawikodico, micataɡ̶a niɡ̶ina oko me dinigaaxe, ane dinigaaxe libaaɡ̶atedi, codaa me naɡ̶amalaɡ̶a lokotidi. Odaa jiɡ̶idaaɡ̶ee maxawani niɡ̶ina oko ane deɡ̶eliodi eliwaɡ̶atakaneɡ̶egi. Niɡ̶idi oko liciagi niɡ̶ina oko alejaado. Pida nigodiotaɡ̶adicitiwaji me iwitece naigi ane iɡ̶enaɡ̶a, Odaa aɡ̶alee wayoditibigiwaji, pida jeɡ̶ele mewaligitibigiwaji.

João 14:18

Aɡ̶adalatitiwaji doɡ̶odaa micataɡ̶a daɡ̶akaami exiijigipi. Pida idopitacaɡ̶awatiwaji.

João 14:16

Jipokotalo Eiodi me yajigotedaɡ̶awa eledi Ǥanaxawanatitoɡ̶odi, anidioka limedi mini makaamitaɡ̶atiwaji.

João 14:26

Pida Niɡ̶ina Ǥanaxawanatitoɡ̶odi, Aneotedoɡ̶oji Liwigo, ane niwakatee Eiodi leeɡ̶odi Iboonaɡ̶adi, ɡ̶adiiɡ̶axinitecetiwaji inoatawece, codaa eo manalakitibige ijoatawece niɡ̶ijoa anejitedaɡ̶awatiwaji.

1 Tessalonicenses 4:18

Enice atikanitalo niɡ̶inoa notaɡ̶a anajipaatalotiwaji madinaxawani amaleeɡ̶aɡ̶a idioka limedi me ɡ̶adoniciwatitiwaji.

2 Coríntios 7:13

Joaniɡ̶idaa leeɡ̶odi me ɡ̶odoniciwadi. Aɡ̶odoniciwadi diɡ̶idoka leeɡ̶odi meliodi me ɡ̶odemaaneɡ̶egi, pida eliodi me ɡ̶odinitibece niɡ̶ijo naɡ̶a jibodicaɡ̶a makaamitawecetiwaji axawani Tito mele midiaaɡ̶i ɡ̶adiwigotigi.

Filipenses 1:14

Eleditace leeɡ̶odi minaaɡ̶ejo niwiloɡ̶onaɡ̶axi, eliodi ɡ̶onioxoadipi ja daɡ̶axa monakato Ǥoniotagodi, codaa mabo laaleɡ̶ena moyeloɡ̶oditedibece nibodicetedi anele, adoitibigiwaji.

2 Coríntios 7:4

Eliodi me ɡ̶adinakatonitiwaji, codaa me idinanetibece akaami leeɡ̶odi. Ǥoniotagodi eliodi meote yoniciwaɡ̶a leeɡ̶odi akaamitiwaji. Idaaɡ̶ee minoa owidi ɡ̶odawikodico, pida eliodi me ɡ̶odinitibece.