1 Coríntios 8:5 - Kadiwéu New Testament

^5-6 Modi minoa eletidi anoditiogi me ɡ̶onoenoɡ̶ododi digoida ditibigimedi, codaa me digoina iiɡ̶o, odaa idaaɡ̶ida modi mowidi niɡ̶icoa ɡ̶onoenoɡ̶ododi codaa me ɡ̶oniotagododi. Pida niɡ̶ida moko baɡ̶a jowooɡ̶otaɡ̶a mokiniwatece Aneotedoɡ̶oji, Ǥodiodi, ane yoe inoatawece aninoa, codaa jiɡ̶iniaa ɡ̶odoe me ɡ̶odewiɡ̶atema. Codaa iniwa oniniwatece Ǥoniotagodi, Ǥoniotagodi Jesus Cristo, ane ibake Aneotedoɡ̶oji me yoe inoatawece aninoa, codaa jiɡ̶iniaaɡ̶eote me ɡ̶odewiɡ̶a.

1 Coríntios 8:5 Referans Kwoze

2 Tessalonicenses 2:4

Niɡ̶ini ɡ̶oneleegiwa dakapetege Aneotedoɡ̶oji, codaa minoatawece anodoɡ̶etetalo niɡ̶ina oko, codaa lakapetegi inoatawece niɡ̶inoa anodiletibige niɡ̶ina oko daɡ̶a noenoɡ̶ododi. Niɡ̶ini ɡ̶oneleegiwa eo me daɡ̶axa me ɡ̶oneɡ̶egi me naɡ̶axateloco inoatawece ɡ̶oneleegiwadi, codaa me niɡ̶inoa niwicidi. Codaa icota midiaaɡ̶i minitaɡ̶a liɡ̶eladi Aneotedoɡ̶oji digoida Jerusalém, odaa iniaaɡ̶ini ikatice nibodigi, mee, “Jeɡ̶emeɡ̶ee Aneotedoɡ̶oji.”

Gálatas 4:8

Niɡ̶ijo jotigide aɡ̶icoa mowooɡ̶otitetiwaji Aneotedoɡ̶oji. Codaa akaamitiwaji liotaka niwicidi abeyacaɡ̶aɡ̶a.

Mateus 27:17

Niɡ̶ijo me yatecoɡ̶o niɡ̶ijo noiigi, Pilatos ja nigetiniwace, meetiogi, “Amiijo ica anemaani me jikataɡ̶adomitiwaji, Barrabás oɡ̶oa Jesus, niɡ̶idoa anodi me niiɡ̶e Ǥanoenoɡ̶oditetiwaji?”