1 Coríntios 15:25 - Kadiwéu New Testament

²⁵ Pida niɡ̶ina natigide leeditibige Cristo me diiɡ̶enataka nigepaa iɡ̶eke inatawece ane neloɡ̶ododipi.

1 Coríntios 15:25 Referans Kwoze

Mateus 22:44

‘Aneotedoɡ̶oji Inoenoɡ̶odi meete Iniotagodi, “Anicooti iwai ibaaɡ̶adi nigepaaɡ̶icota me jao manigaanyetece ɡ̶aneloɡ̶ododipi.” ’

Hebreus 1:13

Aneotedoɡ̶oji aɡ̶ica deɡ̶eeteta anigetiɡ̶ijo aanjo ane ligegiteta Lionigi, niɡ̶ijo mee, “Anicooti digoina iwai ibaaɡ̶adi nigepaaɡ̶icota me jiiɡ̶eke ɡ̶aneloɡ̶ododipi.”

Efésios 1:22

Aneotedoɡ̶oji yajigote Cristo loniciwaɡ̶atedeloco inatawece neloɡ̶ododipi. Iniaaɡ̶iniwa Aneotedoɡ̶oji eote Cristo me lacilo inoatawece aninoa eotedibige me yaxawa loiigi anepoka nebiteda.

Atos 2:34

Igaataɡ̶a Davi aɡ̶opitibigimece ditibigimedi, pida ijaaɡ̶ijo mee, ‘Ǥoniotagodi Aneotedoɡ̶oji meeteta Iniotagodi, “Anicooti iwai ibaaɡ̶adi miditaɡ̶a nimedi ɡ̶oneɡ̶egi nigepaaɡ̶icota mejateloco ɡ̶adoniciwaɡ̶a niɡ̶ina ɡ̶aneloɡ̶ododipi.” ’

Marcos 12:36

Igaataɡ̶a Liwigo Aneotedoɡ̶oji eo Davi me dotaɡ̶a niɡ̶ijo neɡ̶ee, ‘Inoenoɡ̶odi Aneotedoɡ̶oji meeteta Iniotagodi, “Anicootini iwai ibaaɡ̶adi nigepaa iɡ̶eke inatawece ɡ̶aneloɡ̶ododipi”.’

Hebreus 2:8

Codaa jaɡ̶ajicitalo loniciwaɡ̶a codaa me naɡ̶atetigi me iiɡ̶e inoatawece aninoa.” Niɡ̶ijo Aneotedoɡ̶oji naɡ̶a yajigote loniciwaɡ̶a me iiɡ̶ete inoatawece, odaa aɡ̶ica idi ane daɡ̶a yajigote niɡ̶ijoa Ǥoneleegiwa ane icoɡ̶otibigimece ditibigimedi me iiɡ̶e. Pida natigide jinataɡ̶a aɡ̶inatawece oko oyiwaɡ̶adi.